ಮೊದಲ ಬಾರಿಗೆ ನೆಟ್ಟಿಗರು ಆಯೇಶಾ ಹಿಂದಿನ ಮತ್ತು ಪ್ರಸ್ತುತ ಮುಖವನ್ನು ಹೇಗೆ ಹೋಲಿಸಿ ಟ್ರೋಲ್ ಮಾಡಿದ್ದರೋ ಇದೀಗ ಅದೇ ರೀತಿಯಲ್ಲಿ ನಟಿ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡ ಇತ್ತೀಚಿನ ಫೋಟೋಗಳನ್ನು ವ್ಯಾಪಕವಾಗಿ ಟೀಕಿಸಿದ್ದಾರೆ. ಸೆಲ್ಫಿ ತೆಗೆದುಕೊಂಡ ಛಾಯಾಚಿತ್ರಗಳನ್ನು ಪೋಸ್ಟ್ ಮಾಡಿದ್ದ ಆಯೇಷಾ, ನೆಟ್ಟಿಗರ ತೀವ್ರ ಟೀಕೆ, ಟ್ರೋಲ್ಗಳ ಹಾವಳಿಗೆ ಬೇಸತ್ತು ಕ್ಷಣಮಾತ್ರದಲ್ಲೇ ಅದನ್ನೆಲ್ಲಾ ತಮ್ಮ ಖಾತೆಯಿಂದ ಡಿಲೀಟ್ ಮಾಡಿದ್ದಾರೆ. ನಟಿಯ ಮುಖವನ್ನು ಹೋಲಿಕೆ ಮಾಡಿದ ನೆಟ್ಟಿಗರು, ಇದು ನೀವೇನಾ? ಪ್ಲಾಸ್ಟಿಕ್ ಸರ್ಜರಿಗೆ ಒಳಗಾಗಿ ಏನೆಲ್ಲಾ ಮಾಡಿಕೊಂಡಿದ್ದೀರಾ, ಇವೆಲ್ಲಾ ಬೇಕಿತ್ತಾ? ಪ್ಲಾಸ್ಟಿಕ್ ಸರ್ಜರಿಯಿಂದ ಮುಖದ ನೈಜ ಸೌಂದರ್ಯ ಹಾಳು ಎಂದು ಕಿಡಿಕಾರಿದ್ದಾರೆ.
