ನಿಗಮ ಮಂಡಳಿ ಅಧ್ಯಕ್ಷರಿಗೆ ಸಚಿವ ಸ್ಥಾನಮಾನ ಪ್ರಶ್ನಿಸಿ ಪಿಐಎಲ್| High court

ಅರ್ಜಿಯಲ್ಲಿರುವ ಪ್ರಮುಖ ಆಕ್ಷೇಪಗಳು

• ಸಂವಿಧಾನದ 164(1ಎ) ವಿಧಿಯ ಪ್ರಕಾರ, ರಾಜ್ಯದ ಒಟ್ಟು ಶಾಸಕರ ಸಂಖ್ಯೆಯ ಶೇ. 15ಕ್ಕಿಂತ ಹೆಚ್ಚು ಜನರನ್ನು ಸಚಿವರನ್ನಾಗಿ ಮಾಡುವಂತಿಲ್ಲ. ಕರ್ನಾಟಕದಲ್ಲಿ ಈ ಮಿತಿ 34 ಸಚಿವರಿಗೆ ಮಾತ್ರ ಇದೆ. ಆದರೆ, ಒಟ್ಟು 42 ಮಂದಿಗೆ ಸಚಿವ ದರ್ಜೆಯ ಸ್ಥಾನ ನೀಡಿರುವುದು ಈ ಮಿತಿಯ ಉಲ್ಲಂಘನೆಯಾಗಿದೆ.
• ಸಚಿವರಲ್ಲದವರಿಗೆ ‘ಕರ್ನಾಟಕ ಸಚಿವರ ಸಂಬಳ ಮತ್ತು ಭತ್ಯೆಗಳ ಕಾಯ್ದೆ ’ ಅಡಿಯಲ್ಲಿ ಸವಲತ್ತುಗಳನ್ನು ನೀಡುತ್ತಿರುವುದು ಕಾನೂನುಬಾಹಿರ. ಸರ್ಕಾರದ ಈ ಕ್ರಮದಿಂದ ಸಾರ್ವಜನಿಕರ ಹಣ ಅನಗತ್ಯವಾಗಿ ಪೋಲಾಗುತ್ತಿದೆ.
• ಶಾಸಕರು ಇಂತಹ ಹುದ್ದೆಗಳನ್ನು ಅಲಂಕರಿಸಿ ಅಧಿಕೃತ ವಾಹನ, ವಸತಿ ಮತ್ತು ಭತ್ಯೆಗಳನ್ನು ಪಡೆಯುವುದು ‘ಲಾಭದಾಯಕ ಹುದ್ದೆ’ ಅಡಿಯಲ್ಲಿ ಬರುತ್ತದೆ, ಇದು ಅವರ ಶಾಸಕ ಸ್ಥಾನಕ್ಕೆ ಅನರ್ಹತೆ ತರಬಲ್ಲದು.