ಪಿಜಿಸಿಇಟಿ ವೇಳಾಪಟ್ಟಿ ಪ್ರಕಟ

ಬೆಂಗಳೂರು: ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ನಡೆಸುವ 2020ನೇ ಸಾಲಿನ ಎಂಬಿಎ, ಎಂಸಿಎ, ಎಂ.ಎ, ಎಂ.ಟೆಕ್, ಎಂ.ಆರ್ಕ್ ಕೋರ್ಸ್​ಗಳ ಪ್ರವೇಶಾತಿಗಾಗಿ ಪಿಜಿಸಿಇಟಿ ಪ್ರವೇಶ ಪರೀಕ್ಷೆಯ ವೇಳಾಪಟ್ಟಿ ಪ್ರಕಟಗೊಂಡಿದೆ. ಆಗಸ್ಟ್ 8, 9ರಂದು ಪರೀಕ್ಷೆಗಳು ನಡೆಯಲಿದ್ದು, ಅರ್ಹ ಅಭ್ಯರ್ಥಿಗಳು ಜೂ.15 ರಿಂದ 28ರವರೆಗೆ ಆನ್​ಲೈನ್​ನಲ್ಲಿ ಅರ್ಜಿ ದಾಖಲಿಸಿ, ಜೂ.30ರೊಳಗೆ ಶುಲ್ಕ ಪಾವತಿಸಬಹುದು. ಪಿಜಿಸಿಇಟಿ-2020ರ ಪರೀಕ್ಷೆಗೆ ಸಂಬಂಧಿಸಿದ ವಿವರವಾದ ಮಾಹಿತಿಯನ್ನು ಪ್ರಾಧಿಕಾರದ ವೆಬ್​ಸೈಟ್​ನಲ್ಲಿ ಪ್ರಚುರಪಡಿಸಲಾಗುವುದು ಎಂದು ಕೆಇಎ ತಿಳಿಸಿದೆ.

ವೇಳಾಪಟ್ಟಿ: ಆ.8ರ ಬೆಳಗ್ಗೆ 10.30ರಿಂದ 12.30ರ ವರೆಗೆ ಎಂ.ಇ ಹಾಗೂ ಎಂ.ಟೆಕ್ ಕೋರ್ಸ್​ಗೆ ಸಂಬಂಧಿಸಿದ ಟೈಪ್-ಬಿ: ಗಣಿತ ಮತ್ತು ಕಂಪ್ಯೂಟರ್ ಸೈನ್ಸ್ ಪರೀಕ್ಷೆಗಳು (ದಾವಣಗೆರೆ ಮತ್ತು ಮೈಸೂರು) ನಡೆಯಲಿವೆ. ಮಧ್ಯಾಹ್ನ 2.30ರಿಂದ 4.30ರ ವರೆಗೆ ಟೈಪ್-ಎ: ವಿಟಿಯು, ಯುವಿಸಿಇ, ಯುಬಿಡಿಟಿಸಿಇ ಕೋರ್ಸ್​ಗಳಿಗೆ ಸಂಬಂಧಿಸಿದ ಪರೀಕ್ಷೆಗಳು ನಡೆಯಲಿದೆ. ಆ.9ರ ಬೆಳಗ್ಗೆ 10.30ರಿಂದ 12.30ರವರೆಗೆ ಎಂಸಿಎ ಮೊದಲ ವರ್ಷದ 1 ಸೆಮಿಸ್ಟರ್​ನ ಪ್ರವೇಶ ಪರೀಕ್ಷೆ ಹಾಗೂ ಮಧ್ಯಾಹ್ನ 2.30ರಿಂದ 4.30ರ ವರೆಗೆ ಎಂಬಿಎ ಮೊದಲ ವರ್ಷದ 1 ಸೆಮಿಸ್ಟರ್​ನ ಪ್ರವೇಶ ಪರೀಕ್ಷೆ ನಡೆಯಲಿದೆ.

https://www.vijayavani.net/child-great-escape-from-cobra-in-belagavi/