VIDEO | ಎಸ್ಕಲೇಟರ್​ನಲ್ಲಿ ಸಿಲುಕಿದ​​ ಬ್ಯಾಗ್​!; ಕೆಳಗೆ ಬಿದ್ದ ಪ್ರಯಾಣಿಕರು

ಆಗ್ರಾ: ರೈಲ್ವೆ ನಿಲ್ದಾಣದ ಎಸ್ಕಲೇಟರ್​ನಲ್ಲಿ ತೆರೆಳುತ್ತಿದ್ದ ಪ್ರಯಾಣಿಕರ ಲಗ್ಗೇಜ್​ ಸಿಲುಕಿದ ಪರಿಣಾಮ ಅನೇಕರು ಕೆಳಗೆ ಬಿದ್ದ ಘಟನೆ ಆಗ್ರಾ ಕಂಟೋನ್ಮೆಂಟ್​ ರೈಲ್ವೆ ಸ್ಟೇಷನ್​ನಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಕನ್ನಡಕ್ಕಾಗಿ ನೈಜ ಕಾಳಜಿ ತೋರದ ಸರ್ಕಾರಗಳು: ಟಿ.ಎಸ್. ನಾಗಾಭರಣ ಬೇಸರ

ಎಂದಿನಂತೆ ಪ್ರಯಾಣಿಕರ ಸುಖಕರ ಪ್ರಯಾಣಕ್ಕಾಗಿ ಬಸ್​ ನಿಲ್ದಾಣ ಮತ್ತು ರೈಲ್ವೆ ನಿಲ್ದಾಣಗಳಲ್ಲಿ ಎಸ್ಕಲೇಟರ್‌ ಸೇವೆ ನೀಡಲಾಗುತ್ತದೆ. ಇದೇ ರೀತಿ ಎಸ್ಕಲೇಟರ್​ ಬಳಸಿಕೊಂಡು ಮೇಲಕ್ಕೆ ಹೋಗುತ್ತಿದ್ದ ಇಬ್ಬರು ಪ್ರಯಾಣಿಕರ ಬ್ಯಾಗ್‌ಗಳು ನಿಲ್ದಾಣದ ಎಸ್ಕಲೇಟರ್‌ನಲ್ಲಿ ಸಿಲುಕಿಕೊಂಡಿತು. ಇದರಿಂದ ಅವರ ಹಿಂಬದಿ ಬರುತ್ತಿದ್ದ ಇತರರು ಕೂಡಲೇ ಕೆಳಗೆ ಬಿದ್ದಿದ್ದಾರೆ.

ಇದನ್ನೂ ಓದಿ: ಕೂಡ್ಲಿಗಿ ಕಲಾವಿದರು ಈ ನೆಲದ ಆಸ್ತಿ

ಎಸ್ಕಲೇಟರ್​ನೊಳಗೆ ಲಗೇಜ್ ಬ್ಯಾಗ್​ಗಳು ಸಿಲುಕಿದ ಕೂಡಲೇ ಅದರ ವ್ಯವಸ್ಥೆಯಲ್ಲಿ ತೊಡಕು ಉಂಟಾಗಿದೆ. ಲಗೇಜ್ ಬಿಡಿಸಿಕೊಳ್ಳಲು ಇಬ್ಬರು ಪ್ರಯಾಣಿಕರು ನಡೆಸಿದ ಯತ್ನದ ಬೆನ್ನಲ್ಲೇ ಇತರರ ನಡುವೆ ಗಲಾಟೆ ಬುಗಿಲೆದ್ದಿದೆ. ಈ ಘಟನೆಯ ದೃಶ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡಿದೆ.

ಘಟನೆಯ ಬಳಿಕ ಎಸ್ಕಲೇಟರ್​ನಲ್ಲಿದ್ದ ಪ್ರಯಾಣಿಕರಿಗೆ ಯಾವುದೇ ರೀತಿಯ ತೊಂದರೆಯಾಗಿಲ್ಲ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).