ಇದನ್ನು ಹೇಳಿದ ಪರಮಹಂಸರು ಹೀಗೆ ಹೇಳುತ್ತಾರೆ: ಎಲ್ಲಿಯವರೆಗೆ ಮೀನು ಇರುವುದೋ ಅಂದರೆ ಕಾಮನೆಗಳಿರುವುದೋ, ಅಲ್ಲಿಯವರೆಗೆ ಪ್ರಾಪಂಚಿಕ ಕಾರ್ಯಗಳಲ್ಲಿ ತೊಡಗಿರಬೇಕಾಗುತ್ತದೆ. ಅದರಿಂದಾಗಿ ನಾನಾ ಭಾವನೆಗಳು, ಚಿಂತೆ ಹಾಗೂ ಅಶಾಂತಿ. ಒಮ್ಮೆಲೇ ಕಾಮನಾತ್ಯಾಗವಾದೊಡೆ ಕರ್ಮ ಸಂಪೂರ್ಣ ನಾಶವಾಗಿ, ಶಾಂತಿ ನೆಮ್ಮದಿ ಲಭಿಸುತ್ತದೆ. ಅಂದರೆ ಕಾಮನಾ ಭಾವನೆಗಳು, ಆಸೆ, ಆಕಾಂಕ್ಷೆ, ತಾನು, ತನ್ನದು ಎಂಬೀ ವಿಚಾರಗಳು ತುಂಬಿರುವವರೆಗೆ ನೆಮ್ಮದಿ, ಶಾಂತಿ ದೊರೆಯುವುದು ಅತ್ಯಂತ ಕಠಿಣ. ಹಾಗೆಂದಾಕ್ಷಣ ಎಲ್ಲ ಕರ್ಮಗಳನ್ನು ಬದಿಗಿಡಬೇಕು ಎಂದಲ್ಲ. ಇಲ್ಲಿ ರಾಮಕೃಷ್ಣರು ಅತ್ಯಂತ ಸುಲಭ ಮಾರ್ಗವನ್ನು ಸೂಚಿಸುತ್ತಾರೆ, ಅದೇ ನಿರ್ಲಿಪ್ತತೆಯಿಂದ ಕರ್ತವ್ಯವನ್ನು ನಿಭಾಯಿಸುವುದು,
