ಅದೊಂದು ಸತ್ಸಂಗದ ಸಂದರ್ಭ. ಪರಮಹಂಸರು ಮಾಸ್ಟರ್ ಮಹಾಶಯನಿಗೆ, ‘ವೈರಾಗ್ಯ ಎಂದರೇನು? ಹೇಳು ನೋಡೋಣ’ ಎನ್ನುತ್ತಾರೆ. ಮಾಸ್ಟರ್: ‘ವೈರಾಗ್ಯವೆಂದರೆ ಕೇವಲ ಸಂಸಾರದ ಮೇಲೆ ವಿರಾಗವಲ್ಲ. ಭಗವಂತನ ಕಡೆ ಅನುರಾಗ; ಸಂಸಾರದ ಕಡೆ ವಿರಾಗ.’ ಪರಮಹಂಸರು: ‘ಹೌದು, ಸರಿಯಾಗಿ ಹೇಳಿದೆ. ಸಂಸಾರಿಗೆ ಹಣದ ಆವಶ್ಯಕತೆಯೇನೋ ಇದೆ; ಆದರೆ ಹಣಕ್ಕಾಗಿ ಹಗಲಿರುಳು ಚಿಂತಿಸಬೇಕಿಲ್ಲ. ‘ಯದೃಚ್ಛಾಲಾಭ’ - ಈ ಭಾವನೆ ಒಳ್ಳೆಯದು. ಸಂಚಯ ಮಾಡಲು ಬಹಳವಾಗಿ ಶ್ರಮಿಸಬೇಡ. ಯಾರು ಭಗವಂತನಿಗೆ ಮನಸ್ಸು, ಪ್ರಾಣಗಳನ್ನು ಅರ್ಪಿಸಿಬಿಟ್ಟಿದ್ದಾರೋ, ಯಾರು ಆತನ ಸದ್ಭಕ್ತರೋ, ಅವನಲ್ಲಿ ಸಂಪೂರ್ಣ ಶರಣಾಗತಿ ಹೊಂದಿ ಸಾಕ್ಷಾತ್ಕಾರಕ್ಕೆ ಸದಾ ಹವಣಿಸುವರೋ ಅವರೇ ಸಾಧುಗಳು.’
