ಪ್ಯಾನ್​ ಇಂಡಿಯಾ ದೊಡ್ಡ ಹಗರಣ; ಎಲ್ಲರೂ ಸಾವಿರ ಕೋಟಿ ರೂ. ಹಿಂದೆ.. : ನಿರ್ದೇಶಕ ಅನುರಾಗ್​ ಕಶ್ಯಪ್​ ಹೇಳಿದ್ದೇನು? | Pan India Scam

Pan India Scam: ಬಾಲಿವುಡ್​ ನಿರ್ದೇಶಕ ಅನುರಾಗ್​ ಕಶ್ಯಪ್​ ಯಾವಾಗಲೂ ತಮ್ಮ ನೇರ ಹಾಗೂ ವಿವಾದತ್ಮಕ ಹೇಳಿಕೆಗೆ ಸುದ್ದಿಯಲ್ಲಿದ್ದಾರೆ. ಪ್ರೇಕ್ಷರನ್ನು ಬೇರೆಡೆ ಸೆಳೆಯಲು ಪ್ಯಾನ್​ ಇಂಡಿಯಾ ಸಿನಿಮಾ ಎನ್ನೋದು ಒಂದು ದೊಡ್ಡ ಹಗರಣ ಎಂದು ಹೇಳುವ ಮೂಲಕ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.

ಇದನ್ನೂ ಓದಿ:ಆಪರೇಷನ್ ಸಿಂದೂರ್; ಪಾಕಿಸ್ತಾನದ 35-40 ಯೋಧರು ಸಾವು; DGMO ರಾಜೀವ್ ಘಾಯ್| operation sindoor

ಇತ್ತೀಚಿಗೆ 'ಫುಲೆ' ಚಿತ್ರದ ಬಗ್ಗೆ ಮಾತನಾಡುವ ವೇಳೆ ಬ್ರಾಹ್ಮಣ ಸಮುದಾಯದ ಬಗ್ಗೆ ಆಕ್ಷೇಪಾರ್ಹ ಮಾತುಗಳನ್ನಾಡಿದ್ದರು. ಬಳಿಕ ಸಮುದಾಯದ ಪ್ರತಿಭಟನೆ ಹಿನ್ನೆಲೆ ಕ್ಷಮೆ ಕೇಳಿದ್ದರು. ಇದೀಗ ಪ್ಯಾನ್​ ಇಂಡಿಯಾ ಬಗ್ಗೆ ನೇರವಾಗಿ ಮಾತನಾಡುತ್ತಾ ಮತ್ತೆ ಇದೀಗ ಸುದ್ದಿಯಲ್ಲಿದ್ದಾರೆ ನಿರ್ದೇಶಕ ಕಶ್ಯಪ್​.

ಪ್ಯಾನ್​​ ಇಂಡಿಯಾ ಒಂದು ದೊಡ್ಡ ಹಗರಣ

ಖಾಸಗಿ ಸುದ್ದಿ ಮಾಧ್ಯಮವೊಂದಕ್ಕೆ ಸಂದರ್ಶನ ನೀಡಿದ ವೇಳೆ ಮಾತನಾಡಿದ ಕಶ್ಯಪ್​, '' ನನಗೆ ಪ್ಯಾನ್​ ಇಂಡಿಯಾ ಒಂದು ದೊಡ್ಡ ಹಗರಣದಂತೆ ಕಾಣುತ್ತದೆ. ಒಂದು ಚಿತ್ರ ಬಿಡುಗಡೆಯಾದ ಬಳಿಕ ದೇಶಾದ್ಯಂತ ಯಶಸ್ವಿ ಕಂಡಾಗ ಮಾತ್ರ ಅದು ಪ್ಯಾನ್​ ಇಂಡಿಯಾ ಮೂವಿಯಾಗುತ್ತೆ. ಅದಕ್ಕೂ ಮುನ್ನ ಅದು ಹೇಗೆ ಪ್ಯಾನ್​ ಇಂಡಿಯಾ ಸಿನಿಮಾವಾಗಲು ಸಾಧ್ಯ. ಒಂದು ಚಿತ್ರ ನಿರ್ಮಾಣಕ್ಕೆ ಮೂರರಿಂದ ನಾಲ್ಕು ವರ್ಷಗಳಾಗುತ್ತೆ. ಇದರಲ್ಲಿ ಅನೇಕ ಕಲಾವಿದರು ಭಾಗಿಯಾಗುತ್ತಾರೆ. ಎಲ್ಲ ಹಣ ಚಿತ್ರಕ್ಕಾಗಿ ಹೋಗುವುದಿಲ್ಲ. ಉಳಿದ ಹಣ ದೊಡ್ಡ ಸೆಟ್​ಗಳಿಗೆ ವ್ಯಯ ಮಾಡಲಾಗುತ್ತದೆ. ಇದು ಯಾವುದೇ ಅರ್ಥ ಇಲ್ಲ'' ಎಂದಿದ್ದಾರೆ.

ಇದನ್ನೂ ಓದಿ:ಅಮ್ಮನಿಗೆ ಹೇಳಬೇಡ.. ಪೈಲಟ್​ ಆಗಲು ಬಿಡಲ್ಲ ಎಂದಿದ್ದಳು ವ್ಯೋಮಿಕಾ ​: ಇದೀಗ ಭಾರತ ಹೆಮ್ಮೆಯ ಪುತ್ರಿ ಎಂದು ನೆನೆದ ತಂದೆ! | Vyomika Singh

ಇಂದು ಸಾಮಾನ್ಯವಾಗಿ ಬಹುತೇಕ ಸಿನಿಮಾಗಳು ಪ್ಯಾನ್​ ಇಂಡಿಯಾ ಎಂದು ಹೇಳಿ ಗಲ್ಲಾಪೆಟ್ಟಿಗೆಯಲ್ಲಿ ಸದ್ದು ಮಾಡದೇ ಹೋಗಿವೆ. ಇದರಿಂದ ಏನು ಲಾಭವಿಲ್ಲ. 'ಉರಿ' ಯಶಸ್ವಿಯಾದಾಗ, ಎಲ್ಲರೂ ರಾಷ್ಟ್ರೀಯತಾವಾದಿ ಚಲನಚಿತ್ರಗಳನ್ನು ಮಾಡಲು ಪ್ರಾರಂಭಿಸಿದರು. 'ಬಾಹುಬಲಿ' ನಂತರ ಎಲ್ಲರೂ ಪ್ರಭಾಸ್ ಅಥವಾ ಬೇರೆ ನಟರನ್ನು ಇಟ್ಟುಕೊಂಡು ದೊಡ್ಡ ಸಿನಿಮಾಗಳನ್ನು ಮಾಡಲು ಪ್ರಾರಂಭಿಸಿದರು. 'ಕೆಜಿಎಫ್' ಯಶಸ್ಸಿನ ನಂತರ ಎಲ್ಲರೂ ಒಂದೇ ರೀತಿಯ ಚಿತ್ರಗಳನ್ನು ಮಾಡಲು ಪ್ರಾರಂಭಿಸಿದರು ಮತ್ತು ಇಲ್ಲಿ ಕಥೆ ಹದಗೆಡಲು ಪ್ರಾರಂಭಿಸಿತು ಎಂದಿದ್ದಾರೆ.

ಎಲ್ಲರೂ 1000 ಕೋಟಿ ರೂ ಹಿಂದೆ ಬಿದ್ದಿದ್ದಾರೆ

ಇಂತಹ ದೊಡ್ಡ ಸೂಪರ್‌ಹಿಟ್ ಚಿತ್ರಗಳ ಯಶಸ್ಸನ್ನು ಪುನರಾವರ್ತಿಸಲು, ಚಲನಚಿತ್ರ ನಿರ್ಮಾಪಕರು ಕಥೆಯನ್ನು ತಪ್ಪಿಸಿ ಪ್ರೇಕ್ಷಕರ ಗಮನವನ್ನು ಬೇರೆಡೆಗೆ ಸೆಳೆಯಲು ಪ್ರತಿ ಎರಡು-ಮೂರು ನಿಮಿಷಗಳಿಗೊಮ್ಮೆ ಐಟಂ ಸಂಖ್ಯೆಯನ್ನು ತೋರಿಸುತ್ತಾರೆ. ಎಲ್ಲರೂ 800,900,1,000 ಕೋಟಿ ರೂಪಾಯಿಗಳ ಹಿಂದೆ ಓಡುತ್ತಿರುವುದರಿಂದ ಇದೆಲ್ಲವೂ ಒಂದು ಸೂತ್ರವಾಗಿದೆ. ಅಂಕಿ ಅಂಶಗಳು ಹೆಚ್ಚುತ್ತವೆ. ಆದರೆ, ಕಳೆದ 5 ವರ್ಷಗಳಿಂದ ಕೇವಲ ಐದರಿಂದ ಆರು ಚಲನಚಿತ್ರಗಳು ಮಾತ್ರ ಈ ಮಟ್ಟವನ್ನು ತಲುಪಿವೆ. ನಾವು ಪ್ರತಿ ವರ್ಷ 1000 ಕ್ಕೂ ಹೆಚ್ಚು ಚಲನಚಿತ್ರಗಳನ್ನು ಮಾಡುತ್ತಿದ್ದೇವೆ ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/india-pakistan-tension-if-you-do-this-you-will-help-the-enemies-rajamouli-appeal-to-the-people

https://www.vijayavani.net/vyomika-singh-had-said-dont-tell-mom-she-wont-let-me-become-a-pilot