ಪಹಲ್ಗಾಮ್​ ದಾಳಿ ಭಯೋತ್ಪಾದಕರು ಇನ್ನೂ ಸಿಕ್ಕಿಬಿದ್ದಿಲ್ಲ; 'ಆಪರೇಷನ್​ ಸಿಂಧೂರ' ಅದೇಗೆ ಯಶಸ್ವಿ?: ಮಾಜಿ CM ಭೂಪೇಶ್ ಬಘೇಲ್ ಪ್ರಶ್ನೆ

ಪಹಲ್ಗಾಮ್ ದಾಳಿ ನಡೆಸಿದ ಭಯೋತ್ಪಾದಕರು ಇನ್ನೂ ಸಿಕ್ಕಿಬಿದ್ದಿಲ್ಲ, ಹಾಗಾದರೆ ಆಪರೇಷನ್ ಸಿಂಧೂರ ಹೇಗೆ ಯಶಸ್ವಿಯಾಯಿತು ಎಂದು ಕಾಂಗ್ರೆಸ್ ನಾಯಕ ಮತ್ತು ಛತ್ತೀಸ್‌ಗಢದ ಮಾಜಿ CM ಭೂಪೇಶ್ ಬಘೇಲ್ ಆಪರೇಷನ್ ಸಿಂಧೂರ್ ಯಶಸ್ಸಿನ ಬಗ್ಗೆ ಪ್ರಶ್ನೆ ಎತ್ತಿದ್ದಾರೆ.

ಇದನ್ನೂ ಓದಿ:ಸ್ಪಾ ಸೆಂಟರ್​ನಲ್ಲಿ ಆ ವಿಷಯಕ್ಕೆ ಜಗಳ!: ಪುರುಷನ ಅರೆ ನಗ್ನ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ | Spa Center

ಸೋಮವಾರ ನವದೆಹಲಿಯಲ್ಲಿ ನಡೆಸಿದ ಪತ್ರಿಕಾಗೋಷ್ಠಿ ಮಾತನಾಡಿದರು. ಭಾರತೀಯ ಸೇನೆಯ ದೃಢನಿಶ್ಚಯ ಮತ್ತು ಧೈರ್ಯವನ್ನು ಭೂಪೇಶ್ ಬಾಘೇಲ್ ಶ್ಲಾಘಿಸಿದರು. ಶತ್ರುಗಳಿಗೆ ಸೇನೆಯು ಸೂಕ್ತ ಉತ್ತರ ನೀಡಿದ ರೀತಿ ಇಡೀ ದೇಶಕ್ಕೆ ಹೆಮ್ಮೆಯ ಕ್ಷಣವಾಗಿದೆ. ಆದರೆ, ಪಹಲ್ಗಾಮ್ ಭಯೋತ್ಪಾದಕರು ಸಿಕ್ಕಿಬೀಳದ ಬಗ್ಗೆಯೂ ಕಾಂಗ್ರೆಸ್ ನಾಯಕರು ಪ್ರಶ್ನೆಗಳನ್ನು ಎತ್ತಿದರು. ಅಲ್ಲದೆ, ಆಪರೇಷನ್ ಸಿಂಧೂರ್ ಕುರಿತು ಸಂಸತ್ತಿನ ವಿಶೇಷ ಅಧಿವೇಶನ ಕರೆಯಬೇಕೆಂದು ಅವರು ಒತ್ತಾಯಿಸಿದರು.

ಇದನ್ನೂ ಓದಿ:ನಗರ ಯೋಜನಾ ಪ್ರಾಧಿಕಾರದ ನೂತನ ಅಧ್ಯಕ್ಷರಾಗಿ ವೀರೇಶ ಅಧಿಕಾರ ಸ್ವೀಕಾರ

"ಪಹಲ್ಗಾಮ್‌ನ ಭಯೋತ್ಪಾದಕರನ್ನು ಹಿಡಿಯದಿದ್ದರೆ, ಆಪರೇಷನ್ ಸಿಂಧೂರ ಅನ್ನು ಹೇಗೆ ಯಶಸ್ವಿ ಎಂದು ಪರಿಗಣಿಸಬಹುದು?" "ಆಪರೇಷನ್ ಸಿಂಧೂರ ಯಶಸ್ವಿಯಾದರೆ, ಸರ್ಕಾರ ವಿಶೇಷ ಅಧಿವೇಶನವನ್ನು ಏಕೆ ಕರೆಯುವುದಿಲ್ಲ? ಅಲ್ಲಿ ಪ್ರಶ್ನೆಗಳನ್ನು ಕೇಳಲಾಗುತ್ತದೆ ಮತ್ತು ಉತ್ತರಗಳನ್ನು ಸಹ ನೀಡಲಾಗುತ್ತದೆ. ಇದು ಇಡೀ ದೇಶವು ಕೇಳುತ್ತದೆ. ಜಗತ್ತು ಸಹ ಕೇಳುತ್ತದೆ" ಎಂದು ಬಾಘೇಲ್ ಹೇಳಿದ್ದಾರೆ.

ಮತ್ತೊಬ್ಬ ಹಿರಿಯ ಕಾಂಗ್ರೆಸ್ ನಾಯಕ ಅಧೀರ್ ರಂಜನ್ ಚೌಧರಿ ಕೂಡ ಸರ್ಕಾರಕ್ಕೆ ಇದೇ ರೀತಿಯ ಪ್ರಶ್ನೆಗಳನ್ನು ಕೇಳಿದ್ದಾರೆ. ಮುಂಬೈ 26/11 ದಾಳಿಯನ್ನು ನೆನಪಿಸಿಕೊಂಡ ಅವರು, ಆ ಸಮಯದಲ್ಲಿ ಮಹಾರಾಷ್ಟ್ರದ ಮುಖ್ಯಮಂತ್ರಿ ಮತ್ತು ದೇಶದ ಗೃಹ ಸಚಿವರು ರಾಜೀನಾಮೆ ನೀಡಿದ್ದರು ಎಂದು ಹೇಳಿದರು.(ಏಜೆನ್ಸೀಸ್​)

https://www.vijayavani.net/lieutenant-general-rajiv-ghai-a-kohli-fan-what-did-he-say-about-virat-referring-to-operation-sindhur

https://www.vijayavani.net/operationsindhura-parents-proudly-name-17-children-sindhura-in-this-district