ಪಾಕಿಸ್ತಾನದಲ್ಲಿ 3 ವಾರದಲ್ಲಿ 220 ಮಕ್ಕಳು ಸಾವು…ಕಾರಣ ಗೊತ್ತೇ?

ಪಾಕಿಸ್ತಾನ: ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯವು ಇತ್ತೀಚಿನ ದಿನಗಳಲ್ಲಿ ಬಹಳ ಚಿಂತಕ್ರಾಂತವಾಗಿದೆ. ಕಳೆದ 20 ದಿನಗಳಲ್ಲಿ ಸುಮಾರು 220 ಮಕ್ಕಳು ಇಲ್ಲಿ ಪ್ರಾಣ ಕಳೆದುಕೊಂಡಿರುವುದೇ ಇದಕ್ಕೆ ಮುಖ್ಯ ಕಾರಣ. ಇದು ಸರ್ಕಾರದ ಅಂಕಿಅಂಶವಾಗಿದ್ದು, ಈ ಸಂಖ್ಯೆ ಇದಕ್ಕಿಂತ ಹೆಚ್ಚಿರಬಹುದು. ಸಾವನ್ನಪ್ಪಿದ ಮಕ್ಕಳು ನ್ಯುಮೋನಿಯಾದಿಂದ ಬಳಲುತ್ತಿದ್ದರು. ಕಳೆದ ವರ್ಷ, ಇದೇ ಪ್ರಾಂತ್ಯದಲ್ಲಿ ಸುಮಾರು 1000 ಮಕ್ಕಳು ನ್ಯುಮೋನಿಯಾದಿಂದ ಪ್ರಾಣ ಕಳೆದುಕೊಂಡಿದ್ದರು.

ಕಳೆದ 20 ದಿನಗಳಲ್ಲಿ ಅನೇಕ ಮಕ್ಕಳು ತಮ್ಮ ಪ್ರಾಣವನ್ನು ಕಳೆದುಕೊಂಡಿದ್ದಾರೆ ಎಂಬ ಅಂಶವನ್ನು ಪಾಕಿಸ್ತಾನದ ಉಸ್ತುವಾರಿ ಸರ್ಕಾರ ಸಹ ಒಪ್ಪಿಕೊಂಡಿದೆ. ಹೆಚ್ಚಿನ ಮಕ್ಕಳ ಸಾವಿಗೆ ಅಪೌಷ್ಟಿಕತೆಯೇ ಕಾರಣ ಎಂದು ಸರ್ಕಾರ ಹೇಳಿದೆ. ಅಲ್ಲದೆ, ಸಾವನ್ನಪ್ಪಿದ ಅನೇಕ ಮಕ್ಕಳು ನ್ಯುಮೋನಿಯಾ ಲಸಿಕೆಯನ್ನು ಸಹ ಪಡೆದಿಲ್ಲ. ಈ ಮಕ್ಕಳ ರೋಗನಿರೋಧಕ ಶಕ್ತಿ ತುಂಬಾ ದುರ್ಬಲವಾಗಿದೆ ಎಂದು ಹೇಳಲಾಗುತ್ತದೆ. ಈ ತಿಂಗಳ 31ರವರೆಗೆ ಶಾಲೆಗಳಲ್ಲಿ ಬೆಳಗಿನ ಕ್ಲಾಸ್ ಆಯೋಜಿಸಬಾರದು ಎಂದು ಪಂಜಾಬ್ ಸರ್ಕಾರ ಈಗಾಗಲೇ ಹೇಳಿದೆ.

ಈ ವರ್ಷದ ಜನವರಿ 1 ರ ಆರಂಭದಿಂದ ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದಲ್ಲಿ ಒಟ್ಟು 10 ಸಾವಿರದ 500 ನ್ಯುಮೋನಿಯಾ ಪ್ರಕರಣಗಳು ದಾಖಲಾಗಿವೆ. ನ್ಯುಮೋನಿಯಾದಿಂದ ಈ ತಿಂಗಳು ಸಾವನ್ನಪ್ಪಿದ 220 ಮಕ್ಕಳಲ್ಲಿ 47 ಸಾವುಗಳು ಲಾಹೋರ್‌ನಲ್ಲಿ ಸಂಭವಿಸಿವೆ. ಲಾಹೋರ್ ಪಾಕಿಸ್ತಾನದ ಪಂಜಾಬ್ ಪ್ರಾಂತ್ಯದ ರಾಜಧಾನಿಯಾಗಿದೆ.

ರಾಜಧಾನಿಯಲ್ಲಿ ಮಕ್ಕಳ ಪ್ರಾಣಹಾನಿಯನ್ನು ಗಮನಿಸಿರುವ ಸರ್ಕಾರ, ಮಾಸ್ಕ್ ಧರಿಸುವಂತೆ ಮತ್ತು ನಿಯಮಿತವಾಗಿ ಕೈ ತೊಳೆಯುವಂತೆ ಜನರಿಗೆ ಕೇಳಿದೆ. ಅಲ್ಲದೆ, ಶೀತದ ಕಾರಣ, ಬೆಚ್ಚಗಿನ ಬಟ್ಟೆಗಳನ್ನು ಧರಿಸಲು ಸಲಹೆ ನೀಡಲಾಗಿದೆ. ಕಳೆದ ವರ್ಷ ಪಂಜಾಬ್ ಪ್ರಾಂತ್ಯದಲ್ಲಿ 990 ಮಕ್ಕಳು ನ್ಯುಮೋನಿಯಾದಿಂದ ಸಾವನ್ನಪ್ಪಿದ್ದರು. ಈಗ ಪಾಕಿಸ್ತಾನ ಸರ್ಕಾರವು ಆದಷ್ಟು ಬೇಗ ಜನರಿಗೆ ಆರೋಗ್ಯ ಸೌಲಭ್ಯಗಳನ್ನು ಒದಗಿಸುವ ಮೂಲಕ ಇದನ್ನು ನಿಭಾಯಿಸಲು ಪ್ರಯತ್ನಿಸುತ್ತಿದೆ. 

https://www.vijayavani.net/thalapathy-vijay-south-superstar-set-for-his-political-debut-lok-sabha-polls