ತಮ್ಮದೇ ಪಕ್ಷದೊಂದಿಗೆ ರಾಜಕೀಯಕ್ಕೆ ಭರ್ಜರಿ ಎಂಟ್ರಿ ಕೊಡಲಿದ್ದಾರೆ ಸೌತ್ ಸೂಪರ್ ಸ್ಟಾರ್ ದಳಪತಿ ವಿಜಯ್

ತಮಿಳುನಾಡು: ದಕ್ಷಿಣ ಚಿತ್ರರಂಗದ ಸೂಪರ್‌ಸ್ಟಾರ್‌ಗಳು ಸಿನಿಮಾ ಮಾಡುವುದರ ಹೊರತಾಗಿ ರಾಜಕೀಯದಲ್ಲಿಯೂ ಹೆಚ್ಚಿನ ಆಸಕ್ತಿ ಹೊಂದಿದ್ದಾರೆ ಎಂಬುದೇನು ಹೊಸತಲ್ಲ. ಸಿನಿಮಾ ನಂತರ ರಾಜಕೀಯದಲ್ಲಿ ಸಕ್ರಿಯವಾಗಿರುವ ಅನೇಕ ನಟರಿದ್ದಾರೆ. ಅವರಲ್ಲಿ ಕೆಲವರು ಮುಖ್ಯಮಂತ್ರಿ ಹುದ್ದೆಯನ್ನೂ ಅಲಂಕರಿಸಿದ್ದಾರೆ. ಇದೀಗ ಅಂತಹ ಯುವ ನಟರೊಬ್ಬರು ಚಿತ್ರರಂಗದ ಹೊರತಾಗಿ ರಾಜಕೀಯದಲ್ಲಿ ಆಸಕ್ತಿ ತೋರಿಸಿದ್ದಾರೆ. ಹೌದು, ನಾವೀಗ ನಟ ದಳಪತಿ ವಿಜಯ್ ಬಗ್ಗೆ ಮಾತನಾಡುತ್ತಿದ್ದೇವೆ. ಕಮಲ್ ಹಾಸನ್ ಮತ್ತು ರಜನಿಕಾಂತ್ ಅವರಂತಹ ಕಲಾವಿದರ ಹಾದಿಯನ್ನು ಅನುಸರಿಸಿ ವಿಜಯ್ ಶೀಘ್ರದಲ್ಲೇ ರಾಜಕೀಯ ಜಗತ್ತಿಗೆ ಪ್ರವೇಶಿಸಬಹುದು ಎನ್ನಲಾಗಿದೆ.

ವಿಜಯ್ ಅಭಿಮಾನಿಗಳ ಸಂಘದ ಜನರಲ್ ಕೌನ್ಸಿಲ್ ವಿಜಯ್ ಮಕ್ಕಳ್ ಇಯಕ್ಕಂ ಇದನ್ನು ಖಚಿತಪಡಿಸಿದ್ದಾರೆ. ಲೋಕಸಭಾ ಚುನಾವಣೆಗೂ ಮುನ್ನವೇ ಸೂಪರ್ ಸ್ಟಾರ್ ಈ ನಿರ್ಧಾರ ಕೈಗೊಳ್ಳಲಿದ್ದಾರೆ. ಈ ಸಂಬಂಧ ಗುರುವಾರ ಸಭೆ ಕೂಡ ನಡೆದಿದ್ದು, ದಕ್ಷಿಣ ಸೂಪರ್‌ಸ್ಟಾರ್ ಪಕ್ಷವನ್ನು ನೋಂದಾಯಿಸಲು ದೃಢೀಕರಣವನ್ನು ಪಡೆದಿದ್ದಾರೆ. ದಕ್ಷಿಣ ಇಂಡಸ್ಟ್ರಿಯಲ್ಲಿ ವಿಜಯ್ ಅವರು ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ. ಇದಲ್ಲದೇ ಸಮಾಜಸೇವೆಯಲ್ಲೂ ಇವರ ತೊಡಗಿಸಿಕೊಳ್ಳುವಿಕೆ ಎದ್ದು ಕಾಣುತ್ತಿದೆ. ಹಾಗಾಗಿ ಇವರಿಗೆ ಈಗಾಗಲೇ ಜನರಲ್ಲಿ ಒಳ್ಳೆಯ ಇಮೇಜ್ ಇದೆ. ಇದರಿಂದ ಅವರಿಗೂ ಲಾಭವಾಗಬಹುದು.

ವಿಜಯ್ ಇದುವರೆಗೆ ಅನೇಕ ರಾಜಕೀಯ ಕಾರ್ಯಕ್ರಮಗಳು ಮತ್ತು ತಮಿಳುನಾಡಿನ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳಲ್ಲಿ ಭಾಗವಹಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲೂ ಅವರ ಅಭಿಮಾನಿಗಳ ಕೊರತೆ ಇಲ್ಲ. ಹೀಗಿರುವಾಗ ಅವರ ರಾಜಕೀಯ ಜೀವನ ಹೇಗೆ ಆರಂಭವಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ವಿಜಯ್ ಹಿಂದಿನ ಚಿತ್ರ ಲಿಯೋ ಗಲ್ಲಾಪೆಟ್ಟಿಗೆಯಲ್ಲಿ ಯಶಸ್ವಿಯಾಯಿತು. 2018 ರಲ್ಲಿ ತೂತುಕುಡಿ ಪೊಲೀಸ್ ಫೈರಿಂಗ್ ನಂತರ, ರಾಜಕೀಯದಲ್ಲಿ ಅವರ ಪಾಲ್ಗೊಗೊಳ್ಳುವಿಕೆ ಮತ್ತಷ್ಟು ಹೆಚ್ಚಾಯಿತು. ಅವರು 2026 ರಿಂದ ರಾಜಕೀಯಕ್ಕೆ ಪಾದಾರ್ಪಣೆ ಮಾಡುತ್ತಾರೆ ಎಂದು ಮೊದಲು ನಿರೀಕ್ಷಿಸಲಾಗಿತ್ತು. ಆದರೆ ಈಗ ಅವರು ರಾಜಕೀಯ ಜಗತ್ತಿಗೆ ಪ್ರವೇಶಿಸಲು ಯೋಜಿಸುತ್ತಿದ್ದಾರೆ.

ರಾಜಕೀಯಕ್ಕೆ ಬಂದ ಅನೇಕ ನಟರು 

ನಟನೆಯ ಹೊರತಾಗಿ ರಾಜಕೀಯದಲ್ಲಿ ಆಸಕ್ತಿ ತೋರಿದ ಸೌತ್ ಫಿಲ್ಮ್ ಇಂಡಸ್ಟ್ರಿಯ ಅನೇಕ ನಟರು ಇದ್ದಾರೆ. ಇದರಲ್ಲಿ ಎಂಜಿಆರ್, ಎನ್ ಟಿ ರಾಮರಾವ್, ಜಯಲಲಿತಾ, ಚಿರಂಜೀವಿ, ಕಮಲ್ ಹಾಸನ್, ಪವನ್ ಕಲ್ಯಾಣ್, ರಜನಿಕಾಂತ್, ಸುರೇಶ್ ಗೋಪಿ ಮುಂತಾದ ಕಲಾವಿದರು ನಟನೆ ಬಿಟ್ಟು ರಾಜಕೀಯದಲ್ಲಿ ಪಾಲ್ಗೊಂಡು ಪ್ರಸಿದ್ಧಿಯನ್ನೂ ಪಡೆದಿದ್ದಾರೆ.

https://www.vijayavani.net/kantara-actor-rishab-shetty-becomes-ambassador-for-ramraj-cotton-popular-brand