ಅದಾಗಲೇ ತೀವ್ರ ಆರ್ಥಿಕ ಸಂಕಷ್ಟ ಅನುಭವಿಸುತ್ತಿರುವ ಪಾಕಿಸ್ತಾನ ಮತ್ತು ಸರ್ಕಾರ ಲಾಕ್ಡೌನ್ ಘೊಷಣೆಗೆ ಮನಸ್ಸು ಮಾಡಿರಲಿಲ್ಲ. ಹೀಗಾಗಿ, ನೆಪ ಮಾತ್ರದ ಲಾಕ್ಡೌನ್ ಘೊಷಿಸಲಾಗಿತ್ತು ಮತ್ತು ಇದರಲ್ಲಿ ಮಸೀದಿಗಳನ್ನು ತಾತ್ಕಾಲಿಕವಾಗಿ ಮುಚ್ಚುವ ನಿರ್ಣಯವೂ ಇತ್ತು. ಆದರೆ, ಏಪ್ರಿಲ್ 14ರಂದು ಧಾರ್ವಿುಕ ಮುಖಂಡರ ಗುಂಪು, ನಾವು ಮಸೀದಿಗಳನ್ನು ತೆರೆಯಲು ಸರ್ಕಾರದ ಅನುಮತಿಗಾಗಿ ಕಾಯುವುದಿಲ್ಲ. ತಕ್ಷಣವೇ ಮಸೀದಿಗಳಲ್ಲಿ ಸಾಮೂಹಿಕ ಪ್ರಾರ್ಥನೆಗಳು ಶುರುವಾಗಲಿವೆ ಎಂದು ಸರ್ಕಾರದ ವಿರುದ್ಧ ಕಿಡಿಕಾರಿದರು. ಇದರಿಂದ ಕಸಿವಿಸಿಗೊಂಡಿದ್ದ ಇಮ್ರಾನ್ ಖಾನ್, ಧಾರ್ವಿುಕ ಮುಖಂಡರೊಂದಿಗೆ ಮಾತುಕತೆ ನಡೆಸಿ, ಷರತ್ತುಬದ್ಧ ಅನುಮತಿ ನೀಡಿದರು. ಇದಕ್ಕೆ ವೈದ್ಯ ವೃಂದದಿಂದ ವ್ಯಾಪಕ ವಿರೋಧ ವ್ಯಕ್ತವಾದರೂ, ಸರ್ಕಾರಕ್ಕೆ ಈ ಕ್ರಮ ಅನಿವಾರ್ಯವಾಗಿತ್ತು. ಭಾರತದ ರಾಜಧಾನಿ ದೆಹಲಿಯ ನಿಜಾಮುದ್ದಿನ್ ಮರ್ಕಜ್ನಲ್ಲಿ ನಡೆದಿದ್ದ ತಬ್ಲಿಘಿ ಜಮಾತ್ ಸಭೆ ಕರೊನಾ ವೈರಾಣು ವ್ಯಾಪಕ ಹರಡುವಿಕೆಗೆ ಕಾರಣವಾಗಿತ್ತೋ ಹಾಗೆ ಪಾಕಿಸ್ತಾನದ ಲಾಹೋರ್ ನಗರದಲ್ಲೂ ಮಾರ್ಚ್ ತಿಂಗಳಲ್ಲಿ ಜಮಾತ್ ಸಭೆ ಏರ್ಪಡಿಸಲಾಗಿತ್ತು. ಇಲ್ಲೂ ಸೋಂಕಿತ ವ್ಯಕ್ತಿಗಳು ಸಭೆಯಲ್ಲಿ ಪಾಲ್ಗೊಂಡಿದ್ದರು ಮತ್ತು ಶೇ.30 ಕೇಸುಗಳು ಆ ಸಭೆಯ ಪರಿಣಾಮದಿಂದಲೇ ದೇಶವ್ಯಾಪಿ ಹಬ್ಬಿದೆ ಎಂದು ವಿಶ್ಲೇಷಿಸಲಾಗಿದೆ.
