ಕಾರಿನ ಸ್ವಂಚಾಲಿತ ಡೋರ್​ ಗ್ಲಾಸ್​ನಲ್ಲಿ ಒಂದೂವರೆ ವರ್ಷದ ಮಗು ಸಿಲುಕಿ ಸಾವು! | Door Glass

Door Glass : ಕಾರಿನ ಸ್ವಂಚಾಲಿತ ಡೋರ್​ ಗ್ಲಾಸ್​​ನಲ್ಲಿ ಸಿಲುಕಿ ಒಂದುವರೆ ವರ್ಷದ ಮಗು ಮೃತಪಟ್ಟಿರುವ ಘಟನೆ ಉತ್ತರಪ್ರದೇಶದ ಬಲಿಯಾ ಜಿಲ್ಲೆಯಲ್ಲಿ ಸೋಮವಾರ ನಡೆದಿದೆ.

ಇಲ್ಲಿನ ಚಕಿಯಾ ಗ್ರಾಮದ ರೋಷನ್​ ಎಂಬುವವರ ಸಹೋದರಳಿಯ ರೇಯಾಶ್ನಿ ಮೃತ ಮಗು. ಚಕಿಯಾದಿಂದ ಚಂಡಿದಿಹ್​ ಗ್ರಾಮಕ್ಕೆ ರೋಷನ್​ ಕುಟುಂಬದೊಂದಿಗೆ ದೇವಸ್ಥಾನಕ್ಕೆ ತೆರಳುವಾಗ ಈ ಘಟನೆ ಸಂಭವಿಸಿದೆ.

ಇದನ್ನೂ ಓದಿ:ಹಕ್ಕಿಜ್ವರದ ಬಗ್ಗೆ ಎಚ್ಚರಿಕೆ ವಹಿಸಿ; ಸಾರ್ವಜನಿಕರಿಗೆ ಡಿಎಚ್‌ಒ ಡಾ.ರಾಜೇಶ ಸುರಗಿಹಳ್ಳಿ ಸಲಹೆ

ನಡೆದಿದ್ದೇನು..?

ಕುಟುಂಬದ ಪ್ರಕಾರ, ಮಗು ರೇಯಾಶ್ನಿ ಕಿಟಕಿಯಿಂದ ತಲೆ ಹೊರ ಹಾಕಿ ಕೋತಿಗಳನ್ನು ನೋಡುತ್ತಿದ್ದ. ಏಕಾಏಕಿ ಕಾರ್​ ಸ್ಟಾಟ್​ ಆದ ಕಾರಣದಿಂದ ಸ್ವಯಂಚಾಲಿ ಡೋರ್​ ಗ್ಲಾಸ್​ ಇದಕ್ಕಿದ್ದಂತೆ ಮುಚ್ಚಿಕೊಂಡಿದೆ. ಇದರಿಂದಾಗಿ ಕುತ್ತಿಗೆ ಸಿಲುಕಿಗೊಂಡಿದೆ. ಕೂಡಲೇ ಮಗುವನ್ನು ಆಸ್ಪತ್ರೆ ದಾಖಲಿಸಿತಾದರೂ ಮೃತಪಟ್ಟಿರುವ ವಿಷಯ ವೈದ್ಯರು ತಿಳಿಸಿದ್ದಾರೆ.

ಇದನ್ನೂ ಓದಿ:ಕುಂಭಮೇಳ ಮರುಸೃಷ್ಟಿಗೆ 60ಕ್ಕೂ ಹೆಚ್ಚು ಕಲಾವಿದರು; 14ರಂದು ಸಂಜೆ 6ರಿಂದ ಭವ್ಯ ಮೆರವಣಿಗೆ; 15ರಂದು ಹೋಳಿ ಆಚರಣೆ

ಈ ಘಟನೆಯ ನಂತರ, ಇಡೀ ಕುಟುಂಬದಲ್ಲಿ ದುಃಖ ಮಡುಗಟ್ಟಿದ್ದು, ಕುಟುಂಬದವರೂ ಇಲ್ಲಿಯವರೆಗೆ ಯಾವುದೇ ದೂರು ದಾಖಲಿಸಿಲ್ಲ. ಆದರೆ, ಪೊಲೀಸರು ಈ ವಿಷಯದ ಬಗ್ಗೆ ತನಿಖೆ ಪ್ರಾರಂಭಿಸಿದ್ದಾರೆ ಎಂದು ವರದಿಯಾಗಿದೆ.(ಏಜೆನ್ಸೀಸ್​)

https://www.vijayavani.net/airtel-significant-milestone-elon-musk-signs-deal-with-spacex-to-bring-high-speed-internet-to-india