ಸಿಎಂ ಆಗಿಯೂ ದಾಖಲೆ: ಬಿಹಾರದಲ್ಲಿ 9ನೇ ಬಾರಿಗೆ ಸಿಎಂ ಆಗಿ ಪ್ರಮಾಣವಚನ ಸ್ವೀಕರಿಸುವ ಮೂಲಕ ನಿತೀಶ್, ಅತಿಹೆಚ್ಚು ಬಾರಿ ಪ್ರಮಾಣವಚನಗೈದ ಸಿಎಂ ಎಂಬ ದಾಖಲೆ ಬರೆದಿದ್ದಾರೆ. ಈ ಹಿಂದಿನ ದಾಖಲೆಯೂ ಅವರ ಹೆಸರಿನಲ್ಲೇ ಇದೆ. ತಮ್ಮ ಅನುಕೂಲಕ್ಕೆ ತಕ್ಕಂತೆ ಸ್ನೇಹಿತರನ್ನು ಬದಲಿಸುವ ನಿತೀಶ್, ರಾಜ್ಯದಲ್ಲಿ ಪಲ್ಟು ಕುಮಾರ್ ಎಂದೇ ಕುಖ್ಯಾತಿ ಆಗಿದ್ದಾರೆ. ವಿಧಾನಸಭೆಯಲ್ಲಿ ಜೆಡಿಯು ಸಂಖ್ಯೆ 50 ದಾಟಿರದಿದ್ದರೂ, ಅವರನ್ನೇ ಸಿಎಂ ಆಗಿ ಮುಂದುವರಿಸಲು ಬಿಜೆಪಿ ನಾಯಕರು ಒಪ್ಪಿಕೊಂಡಿದ್ದರು. ಇದಕ್ಕೂ ಮುನ್ನ, ಇಂಡಿಯಾ ಮೈತ್ರಿಕೂಟದ ಸದಸ್ಯರು ಲೋಕಸಭೆ ಚುನಾವಣೆಗೆ ಸರಿಯಾಗಿ ಸಜ್ಜಾಗುತ್ತಿಲ್ಲ ಎಂಬ ಕಾರಣಕ್ಕಾಗಿ ಮೈತ್ರಿ ಸಹವಾಸ ಸಾಕು ಎಂದು ಹೊರಬಂದಿದ್ದೇನೆ ಎಂದಿದ್ದರು. ಆದರೆ, ವಾಸ್ತವದಲ್ಲಿ ತಾನು ಸಜ್ಜುಗೊಳಿಸಿದ ಮೈತ್ರಿಕೂಟದಲ್ಲಿ ತಾನೇ ಕಡೆಗಣನೆಗೆ ಒಳಗಾಗಿದ್ದೇನೆ ಎಂದು ಬೇಸರಗೊಂಡಿದ್ದ ನಿತೀಶ್, ಪಿಎಂ ಅಭ್ಯರ್ಥಿಯನ್ನಾಗಿ ಕೂಡ ತಮ್ಮನ್ನು ಆಯ್ಕೆ ಮಾಡಲಿಲ್ಲ. ಹೀಗಾಗಿ, ಈ ಮೈತ್ರಿಕೂಟದಲ್ಲಿದ್ದು ಪ್ರಯೋಜನವೇನು ಎಂದು ತಮ್ಮ ಹಿಂದಿನ ಸಾಥಿ ಬಿಜೆಪಿ ಜತೆ ಕೈಜೋಡಿಸುವ ತೀರ್ವನಕ್ಕೆ ಬಂದಿದ್ದರು.
