ನವದೆಹಲಿ: ಇನ್ನುಮುಂದೆ ಕಾರ್ವಿುಕರು ವಾರದಲ್ಲಿ ನಾಲ್ಕು ದಿನ ಕೆಲಸ ಮಾಡಿದರೆ ಸಾಕು...! ಉಳಿದ ಮೂರು ದಿನಗಳನ್ನು ವಾರದ ರಜೆಯಾಗಿಸಿಕೊಳ್ಳಬಹುದು. 20ಕ್ಕೂ ಅಧಿಕ ಕಾರ್ವಿುಕ ಕಾಯ್ದೆಗಳನ್ನು ಒಗ್ಗೂಡಿಸಿ ರೂಪಿಸಲಾಗಿರುವ ಕಾರ್ವಿುಕ ಸಂಹಿತೆಗಳನ್ನು ಕೇಂದ್ರ ಸರ್ಕಾರವು ಜುಲೈ 1ರಿಂದ ಜಾರಿಗೊಳಿಸುವ ನಿರೀಕ್ಷೆಯಿದೆ. ಈ ಮೂಲಕ ಕೆಲಸದ ಅವಧಿ, ಗಳಿಕೆ ರಜೆ, ಪಿಂಚಣಿ, ಆರೋಗ್ಯ, ಕೆಲಸದ ಸ್ಥಳದ ಸ್ಥಿತಿಗತಿಯಲ್ಲಿ ಭಾರಿ ಬದಲಾವಣೆಗಳು ಕಂಡುಬರಲಿವೆ. ಒಂದು ವಾರಕ್ಕೆ ನಾಲ್ಕು ದಿನದ ಕೆಲಸದ ನಿಯಮ ಅದರಲ್ಲಿ ಒಂದು ಪ್ರಮುಖ ಅಂಶವಾಗಿದೆ. ಉದ್ಯೋಗಿಯ ಭವಿಷ್ಯ ನಿಧಿ ಕೊಡುಗೆ, ಕೆಲಸದ ಅವಧಿ ಮತ್ತು ಟೇಕ್ ಹೋಮ್ ಸಂಬಳದಲ್ಲಿಯೂ ಮಾರ್ಪಾಡುಗಳಾಗಲಿವೆ. ಇದಲ್ಲದೆ, ಕನಿಷ್ಠ ಮೂಲ ವೇತನಕ್ಕೂ ನಿಯಮಗಳನ್ನು ರೂಪಿಸಲಾಗಿದೆ.
