ಸೆ.28ಕ್ಕೆ 'ಕುಮಾರಿ ಶ್ರೀಮತಿ' ರಿಲೀಸ್​; ಕನ್ನಡದಲ್ಲಿ ಯಾಕಿಲ್ಲ ಎಂದ ನೆಟ್ಟಿಗರು

ಬೆಂಗಳೂರು: ಬಹುಭಾಷಾ ನಟಿ ನಿತ್ಯಾ ಮೆನನ್​ ಅಭಿನಯದ ಹೊಸ ವೆಬ್​ ಸೀರೀಸ್​ 'ಕುಮಾರಿ ಶ್ರೀಮತಿ' ರಿಲೀಸ್​ಗೆ ಸಜ್ಜಾಗಿದ್ದು, ಈ ಮಧ್ಯೆ ಒಂದು ನಿಮಿಷದ ಟೀಸರ್​ ಇತ್ತೀಚೆಗಷ್ಟೇ ಬಿಡುಗಡೆಗೊಂಡಿದೆ. ನಾಲ್ಕು ಭಾಷೆಯಲ್ಲಿ ಮೂಡಿಬರುತ್ತಿರುವ ಈ ವೆಬ್​ ಸರಣಿ ಕನ್ನಡದಲ್ಲಿ ಯಾಕೆ ಲಭ್ಯವಿಲ್ಲ ಎಂದು ನಟಿಗೆ ನೆಟ್ಟಿಗರು ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: 68.50 ಲಕ್ಷ ರೂ ವೆಚ್ಚದಲ್ಲಿ ಮಂಡ್ಯದ ರೈತ ಸಭಾಂಗಣ ನವೀಕರಣ: ಆರ್‌ಎಪಿಸಿಎಂಎಸ್ ಅಧ್ಯಕ್ಷ ಯು.ಸಿ.ಶೇಖರ್ ಹೇಳಿಕೆ

ತಮ್ಮ ಮುಗ್ಧ ನಟನೆಯ ಮೂಲಕ ಚಿತ್ರರಸಿಕರ ಗಮನೆ ಸೆಳೆಯುವ ನಿತ್ಯಾ ಮೆನನ್ ಅವರ ಮುಂಬರುವ ವೆಬ್ ಸೀರೀಸ್ 'ಕುಮಾರಿ ಶ್ರೀಮತಿ' ಬಗ್ಗೆ  ಅಭಿಮಾನಿಗಳಲ್ಲಿ ಇದೀಗ ಸಾಕಷ್ಟು ನಿರೀಕ್ಷೆ ಮೂಡಿದೆ. ಗೋಮಟೇಶ್ ಉಪಾಧ್ಯೆ ನಿರ್ದೇಶಿಸಿದ ಈ ಸರಣಿಯನ್ನು ಶ್ರೀನಿವಾಸ್ ರಚಿಸಿದ್ದಾರೆ. ಇತ್ತೀಚೆಗಷ್ಟೇ ಇದರ ಟೀಸರ್ ಅನ್ನು 'ಮಹಾನಟಿ' ಕೀರ್ತಿ ಸುರೇಶ್ ಆನ್‌ಲೈನ್‌ನಲ್ಲಿ ಬಿಡುಗಡೆಗೊಳಿಸಿದರು.

7 ಸಂಚಿಕೆಯನ್ನು ಒಳಗೊಂಡ ಈ ಸರಣಿಯಲ್ಲಿ ನಿರುಪಮ್, ಗೌತಮಿ, ತಿರುವೀರ್, ತಲ್ಲೂರಿ ರಾಮೇಶ್ವರಿ, ನರೇಶ್, ಮುರಳಿ ಮೋಹನ್ ಸೇರಿದಂತೆ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ. ವೈಜಯಂತಿ ಎಂಟರ್​ಟೈನ್ಮೆಂಟ್ಸ್ ಮತ್ತು ಸ್ವಪ್ನಾ ಸಿನಿಮಾದ ವೆಬ್ ವಿಭಾಗವಾದ ಅರ್ಲಿ ಮಾನ್ಸೂನ್ ಟೇಲ್ಸ್ ಅಡಿಯಲ್ಲಿ ಸ್ವಪ್ನಾ ದತ್ ಮತ್ತು ಪ್ರಿಯಾಂಕಾ ದತ್ ನಿರ್ಮಾಣ ಮಾಡಿದ್ದಾರೆ.

ಇದನ್ನೂ ಓದಿ:  ಗಿರಡ್ಡಿ ಗೋವಿಂದರಾಜ ವಿಮರ್ಶಾ ಪ್ರಶಸ್ತಿ ಪ್ರದಾನ

ಸೆಪ್ಟೆಂಬರ್ 28 ರಂದು ಅಮೆಜಾನ್​ ಪ್ರೈಮ್​ ವಿಡಿಯೋದಲ್ಲಿ ತೆರೆ ಕಾಣಲಿರುವ 'ಕುಮಾರಿ ಶ್ರೀಮತಿ' ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿ ಭಾಷೆಗಳಲ್ಲಿ ಸ್ಟ್ರೀಮಿಂಗ್​ಗೆ ಲಭ್ಯವಿರಲಿದೆ,(ಏಜೆನ್ಸೀಸ್).

https://www.vijayavani.net/actor-darshan-sudeep-tweets-about-cauvery-issue