ನೀಟ್​ ಪ್ರಶ್ನೆಪತ್ರಿಕೆ ಸ್ಕ್ಯಾಮ್​; ಮಾಸ್ಟರ್​ಮೈಂಡ್​, ಇಬ್ಬರು MBBS ವಿದ್ಯಾರ್ಥಿಗಳು ಅರೆಸ್ಟ್​

ನವದೆಹಲಿ: ವೈದ್ಯಕೀಯ ಕೋರ್ಸ್​ ಪ್ರವೇಶಾತಿಗೆ ಸರ್ಕಾರದ ವತಿಯಿಂದ ನಡೆಸಲಾಗುವ ನೀಟ್​ ಯುಜಿ ಪ್ರಶ್ನೆಪತ್ರಿಕೆ ಸೋರಿಕೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಬಿಐ ಮಾಸ್ಟರ್​ಮೈಂಡ್​ ಮತ್ತು ಸಾಲ್ವರ್ ಆಗಿ ಕೆಲಸ ಮಾಡಿದ ಇಬ್ಬರು MBBS ವಿದ್ಯಾರ್ಥಿಗಳನ್ನು ಜಮ್​ಶೆಡ್​ಪುರದಲ್ಲಿ ಬಂಧಿಸಿದೆ.

 ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣದಲ್ಲಿ ಬಂಧಿತರಾಗಿರುವ ಇಬ್ಬರು ಸಾಲ್ವರ್​ಗಳನ್ನು ರಾಜಸ್ತಾನದ ಭರತ್‌ಪುರ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿಗಳಾದ ಕುಮಾರ್ ಮಂಗಳಂ ಬಿಷ್ಣೋಯ್ ಮತ್ತು ದೀಪೇಂದರ್ ಕುಮಾರ್ ಎಂದು ಗುರುತಿಸಲಾಗಿದೆ. ಮಾಸ್ಟರ್​​ಮೈಂಡ್​ನನ್ನು ಬಿಟೆಕ್​ ಪದವಿಧರ ಪಂಕಜ್​ ಕುಮಾರ್​ ಎಂದು ತಿಳಿದು ಬಂದಿದೆ ಇದರೊಂದಿಗೆ ಬಂಧಿತರ ಸಂಖ್ಯೆ 21ಕ್ಕೆ ಏರಿಕೆಯಾಗಿದೆ.

ಇದನ್ನೂ ಓದಿ: ಬಹಳಷ್ಟು ಜವಾಬ್ದಾರಿ ಉತ್ಸಾಹ…; ಟಿ20 ನಾಯಕನಾದ ಬಳಿಕ ಸೂರ್ಯಕುಮಾರ್​ ಮೊದಲ ರಿಯಾಕ್ಷನ್

ಮೇ 05ರಂದು ನಡೆದ ನೀಟ್​ ಪರೀಕ್ಷೆ ವೇಳೆ ದ್ವಿತೀಯ ವರ್ಷದ ಎಂಬಿಬಿಎಸ್ ವಿದ್ಯಾರ್ಥಿ ಕುಮಾರ ಮಂಗಲಂ ಬಿಷ್ಣೋಯ್ ಮತ್ತು ಪ್ರಥಮ ವರ್ಷದ ವಿದ್ಯಾರ್ಥಿ ದೀಪೇಂದರ್ ಶರ್ಮಾ ಪರೀಕ್ಷೆ ನಡೆಯುತ್ತಿದ್ದ ಹಜಾರಿಬಾಗ್‌ನಲ್ಲಿ ಉಪಸ್ಥಿತರಿದ್ದರು. ಇದನ್ನು ಸ್ಥಳೀಯ ಸಿಸಿಟಿವಿ ಕ್ಯಾಮರಾಗಳು ದೃಢಪಡಿಸಿದ್ದು, ಮಾಸ್ಟರ್​ಮೈಂಡ್​ ಪಂಕಜ್​ ಕುಮಾರ್​ ಕದ್ದ ಪೇಪರ್​ಗಳನ್ನು ಕುಮಾರ ಮಂಗಲಂ ಹಾಗೂ ದೀಪೇಂದರ್​ ಸಾಲ್ವ್​ ಮಾಡಿದ್ದರು ಎಂದು ವರದಿಯಾಗಿದೆ.

ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (NTA) ಸುಪ್ರೀಂಕೋರ್ಟ್ ಆದೇಶದ ನಂತರ NEET-UG ಗಾಗಿ ಕೇಂದ್ರ ಮತ್ತು ನಗರವಾರು ಫಲಿತಾಂಶಗಳನ್ನು ಪ್ರಕಟಿಸಿದ ಗಂಟೆಗಳ ನಂತರ ಇವರ ಬಂಧನದ ಸುದ್ದಿಯಾಗಿದೆ. ವೈದ್ಯಕೀಯ ಪ್ರವೇಶ ಪರೀಕ್ಷೆಯಲ್ಲಿ ಪ್ರಶ್ನೆ ಪತ್ರಿಕೆ ಸೋರಿಕೆ ಸೇರಿದಂತೆ ಹಲವು ಅಕ್ರಮಗಳ ಕುರಿತು ಸುಪ್ರೀಂಕೋರ್ಟ್‌ನಲ್ಲಿ ಹಲವು ಅರ್ಜಿಗಳ ವಿಚಾರಣೆ ನಡೆಯುತ್ತಿದೆ.

https://www.vijayavani.net/team-india-coach-gautam-gambhirs-support-staff-revealed-reports-big-claim

https://www.vijayavani.net/45-days-old-goat-produced-milk-that-has-become-viral-now