ಇದೊಂದು ಫೋಟೋ ಹಾಕಿ ವಿಚ್ಛೇದನದ ವದಂತಿಗಳಿಗೆ ತೆರೆ ಎಳೆದ ನಯನತಾರ! ಇಲ್ಲಿದೆ ಹೊಸ ಪಿಕ್

ಆಂಧ್ರಪ್ರದೇಶ: ಬಹುಭಾಷಾ ನಟಿ, ಲೇಡಿ ಸೂಪರ್​ಸ್ಟಾರ್​ ನಯನತಾರ ಅವರ ದಾಂಪತ್ಯ ಜೀವನದಲ್ಲಿ ಬಿರುಕು ಮೂಡಿದೆ. ಪತಿ ವಿಘ್ನೇಶ್ ಶಿವನ್ ಜತೆ ಸಂಸಾರ ಸಾಗಿಸಲು ನಟಿಗೆ ಇಷ್ಟವಿಲ್ಲ, ಶೀಘ್ರವೇ ಅವರು ವಿಚ್ಛೇದನ ನೀಡಲಿದ್ದಾರೆ ಎಂಬ ವದಂತಿಗಳು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿತ್ತು. ಈ ಕುರಿತಂತೆ ನಟಿ ಇಲ್ಲಿಯವರೆಗೂ ಯಾವುದೇ ರೀತಿಯ ಪ್ರತಿಕ್ರಿಯೂ ನೀಡಿರಲಿಲ್ಲ. ಆದ್ರೆ, ಇದೀಗ ಹೊಸ ಫೋಟೋವೊಂದನ್ನು ಪೋಸ್ಟ್​ ಮಾಡುವ ಮೂಲಕ ವದಂತಿಗಳಿಗೆ ಸಂಪೂರ್ಣ ಬ್ರೇಕ್ ಹಾಕಿದ್ದಾರೆ.

ಇದನ್ನೂ ಓದಿ: ಕಾಂಗ್ರೆಸ್​ ಮೊದಲ ಪಟ್ಟಿ..ಕರ್ನಾಟಕದ ಐದು ಕ್ಷೇತ್ರದ ಅಭ್ಯರ್ಥಿಗಳು ಇವರೇ?

ಪತಿ ವಿಘ್ನೇಶ್​ಗೆ ನಯನತಾರ ವಿಚ್ಛೇದನ ಕೊಡುತ್ತಾರೆ ಎಂದೆಲ್ಲಾ ಹರಿದಾಡುತ್ತಿದ್ದ ವ್ಯಾಪಕ ಟ್ರೋಲ್ ಮತ್ತು ಮೀಮ್​ಗಳನ್ನು ಗಮನಿಸಿದ ನಟಿ, ಇದಕ್ಕೆ ಬರಹ ಅಥವಾ ವಿಡಿಯೋ ಮೂಲಕ ಉತ್ತರಿಸದೆ, ತಮ್ಮ ಪತಿ ವಿಘ್ನೇಶ್ ಮತ್ತು ಮಕ್ಕಳೊಂದಿಗೆ ಇರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮುಖೇನ ವಿಚ್ಛೇದನದ ವದಂತಿಗಳನ್ನು ತಳ್ಳಿಹಾಕಿದ್ದಾರೆ. ಈ ಮೂಲಕ ಟ್ರೋಲಿಗರಿಗೆ ತಿರುಗೇಟು ನೀಡಿದ್ದಾರೆ.

ಈ ಹಿಂದೆ ನಯನತಾರಾ, ವಿಘ್ನೇಶ್ ಅವರನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಅನ್‌ಫಾಲೋ ಮಾಡಿದ್ದಾರೆ ಎಂಬ ಊಹಾಪೋಹಗಳು ಹುಟ್ಟಿಕೊಂಡವು, ಇದು ಅಭಿಮಾನಿಗಳ ತೀವ್ರ ಕಳವಳಕ್ಕೆ ಕಾರಣವಾಯಿತು. ಈ ಕುರಿತು ಸ್ವತಃ ನಟಿ ತಮ್ಮ ಅಭಿಮಾನಿಗಳು ಮತ್ತು ಫಾಲೋವರ್ಸ್​ಗಳಿಗೆ ನಾನು ಪತಿಯನ್ನು ಅನ್​ಫಾಲೋ ಮಾಡಿಲ್ಲ ಎಂಬುದನ್ನು ಖಚಿತಪಡಿಸಿದರು. ಇದೀಗ ಹಂಚಿಕೊಂಡಿರುವ ಫೋಟೋದಲ್ಲಿ ನಯನತಾರಾ ಪತಿ ವಿಘ್ನೇಶ್ ಮತ್ತು ಅವರ ಅವಳಿ ಮಕ್ಕಳೊಂದಿಗೆ ವಿಮಾನದಲ್ಲಿ ಪ್ರಯಾಣಿಸುತ್ತಿರುವುದು ಕಂಡುಬಂದಿದೆ,(ಏಜೆನ್ಸೀಸ್).

https://www.vijayavani.net/ravichandran-speaks-about-shanti-kranti-cinema-loss