70 ಬಗೆಯ ಸಸ್ಯಗಳಿರುವ ಕೈದೋಟ: ಹಲವು ರೀತಿಯ ಅಸ್ವಸ್ಥತೆಯಿಂದ ಬಳಲುತ್ತಿರುವವರಿಗೆ ಪ್ರಕೃತಿ ಚಿಕಿತ್ಸೆ ಪರಿಣಾಮಕಾರಿಯಾಗಲಿದೆ. ತೋಟಗಾರಿಕೆ ಚಟುವಟಿಕೆಗಳಲ್ಲಿ ಮಣ್ಣು, ನೀರು, ಗಾಳಿ ಸೇರಿ ಪ್ರಕೃತಿಯೊಂದಿಗೆ ಬೆರೆಯುವುದರಿಂದ ಮಾನಸಿಕ ಅಸ್ವಸ್ಥತೆ, ಒತ್ತಡ, ಖಿನ್ನತೆಯಂತಹ ಸಮಸ್ಯೆಗಳು ಕಡಿಮೆಯಾಗುತ್ತವೆ. ಇಲ್ಲಿ ಔಷಧೀಯ ಸಸ್ಯಗಳನ್ನು ಬೆಳೆಸಲು ಒತ್ತು ನೀಡಲಾಗಿದ್ದು, ಸಸ್ಯಗಳ ಸ್ಪರ್ಶ, ಸುವಾಸನೆ ಆಘ್ರಾಣಿಸುವುದರಿಂದ ಮಾನಸಿಕ ಆರೋಗ್ಯದಲ್ಲಿ ಸುಧಾರಣೆಯಾಗುವ ಸಾಧ್ಯತೆಗಳಿವೆ. ಈಗಾಗಲೇ ಈ 125 ಮಂದಿಯ ಶ್ರಮದಿಂದ ಕೇಂದ್ರದಲ್ಲಿ ಹೂವಿನ ಗಿಡಗಳು, ಔಷಧೀಯ ಸಸ್ಯಗಳು, ತರಕಾರಿ, ಸೊಪ್ಪು ಸೇರಿ 70 ಬಗೆಯ ಸಸ್ಯಗಳಿಂದ ಕೂಡಿರುವ ಸುಂದರ ಕೈದೋಟ ನಿರ್ಮಾಣವಾಗಿದ್ದು, ಅವುಗಳ ಮಾರಾಟದಿಂದ ಸಾವಿರಾರು ರೂ. ಆದಾಯ ಪಡೆಯಲಾಗಿದೆ.
