ಲ್ಯಾಬ್ನಲ್ಲಿ ತಯಾರಿಸಿದ ಕೃತಕ ಚಿನ್ನವು ನೈಸರ್ಗಿಕ ಗಣಿಗಾರಿಕೆಯ ಚಿನ್ನಕ್ಕಿಂತ ಅಗ್ಗವಾಗಿರಲಿದೆಯೇ ಎಂಬ ಪ್ರಶ್ನೆ ಮತ್ತು ಕುತೂಹಲ ಸದ್ಯ ಹಲವರಲ್ಲಿದೆ. ಈ ಬಗ್ಗೆ ಅನೇಕರ ನಂಬಿಕೆಯೇನೆಂದರೆ, ಕೃತಕ ಚಿನ್ನವು ನೈಸರ್ಗಿಕ ಚಿನ್ನದಷ್ಟೇ ತೂಕ ಮತ್ತು ಶುದ್ಧತೆಯನ್ನು ಹೊಂದಿದ್ದರೆ, ಅದರ ಬೆಲೆಯೂ ಸಹ ಸಮಾನವಾಗಿಯೇ ಇರಲಿದೆ. ಆದಾಗ್ಯೂ, ಭವಿಷ್ಯದಲ್ಲಿ ತಂತ್ರಜ್ಞಾನ ಸುಧಾರಿಸಿ ಕೃತಕ ಚಿನ್ನದ ಉತ್ಪಾದನಾ ಪ್ರಕ್ರಿಯೆಯು ಇನ್ನಷ್ಟು ಸುಲಭ ಮತ್ತು ದಕ್ಷಗೊಂಡರೆ, ಅದು ಖಂಡಿತವಾಗಿಯೂ ಮಾರುಕಟ್ಟೆಯ ಬೆಲೆಗಳ ಮೇಲೆ ಪ್ರಭಾವ ಬೀರಬಹುದು. ಸದ್ಯದ ಪರಿಸ್ಥಿತಿಯಲ್ಲಿ ಲ್ಯಾಬ್ನಲ್ಲಿ ತಯಾರಾಗುವ ಚಿನ್ನದ ಮಾರಾಟ, ಖರೀದಿ ಮತ್ತು ಮಾಲೀಕತ್ವದ ಹಕ್ಕುಗಳಿಗೆ ಸಂಬಂಧಿಸಿದಂತೆ ಯಾವುದೇ ಅಧಿಕೃತ ನಿಯಮ ಅಥವಾ ನಿರ್ಧಾರಗಳು ಹೊರಬಿದ್ದಿಲ್ಲ ಹಾಗೂ ಭವಿಷ್ಯದಲ್ಲಿ ಈ ಕೃತಕ ಚಿನ್ನವು ನೈಸರ್ಗಿಕ ಚಿನ್ನದ ಸ್ಥಾನವನ್ನು ಸಂಪೂರ್ಣವಾಗಿ ಆಕ್ರಮಿಸಿಕೊಳ್ಳಲಿದೆಯೇ ಎಂಬುದನ್ನು ಕಾದುನೋಡಬೇಕಿದೆ, (ಏಜೆನ್ಸೀಸ್).
