ಹತ್ತು ದಿನಗಳ ಒಳಗೆ ಏನಂತ ಹೇಳಿ; ಟ್ವಿಟರ್​ಗೆ ರಾಷ್ಟ್ರೀಯ ಮಹಿಳಾ ಆಯೋಗದ ತಾಕೀತು

ನವದೆಹಲಿ: ಕೇಂದ್ರ ಸರ್ಕಾರದ ಜತೆ ಸಂಘರ್ಷವನ್ನು ಹೊಂದಿರುವ ಸೋಷಿಯಲ್ ಮೀಡಿಯಾ ದಿಗ್ಗಜ ಸಂಸ್ಥೆಗಳಲ್ಲಿ ಒಂದಾಗಿರುವ ಟ್ವಿಟರ್​ಗೆ ಕಳೆದ ಕೆಲವು ದಿನಗಳಿಂದ ನಾನಾ ರೀತಿಯಲ್ಲಿ ಹಿನ್ನಡೆಯಾಗುತ್ತಿದ್ದು, ಭಾರತದ ಕಾನೂನು ಪಾಲಿಸದ ಟ್ವಿಟರ್​ ವಿರುದ್ಧ ಕಾನೂನಿನ ಕುಣಿಕೆಗಳು ಬಿಗಿಯಾಗುತ್ತಲೇ ಇವೆ.

ಮೊನ್ನೆಮೊನ್ನೆಯಷ್ಟೇ ವಿಶ್ವದ ಭೂಪಟವನ್ನು ಪ್ರಕಟಿಸಿ, ಅದರಲ್ಲಿ ಜಮ್ಮು-ಕಾಶ್ಮೀರ, ಲಡಾಖ್​ಗಳಿರದ ಭಾರತದ ನಕಾಶೆಯನ್ನು ತೋರಿ ಎಡವಟ್ಟು ಮಾಡಿಕೊಂಡಿದ್ದ ಟ್ವಿಟರ್​ಗೆ, ಆ ಹಿನ್ನೆಲೆಯಲ್ಲಿ ಕೇಸು ಎದುರಿಸುವಂತಾಗಿದೆ.

ಬಳಿಕ ಶಿಶುಕಾಮದ ಕುರಿತ ಪೋಸ್ಟ್​ಗಳು ಟ್ವಿಟರ್​ನಲ್ಲಿ ಕಂಡುಬಂದ ಹಿನ್ನೆಲೆಯಲ್ಲಿ ಕಿಡಿಕಾಡಿರುವ ರಾಷ್ಟ್ರೀಯ ಮಹಿಳಾ ಆಯೋಗ ಅಂಥ ಎಲ್ಲ ಪೋಸ್ಟ್​ಗಳನ್ನು ವಾರದೊಳಗೆ ತೆಗೆದುಹಾಕುವಂತೆ ಸೂಚಿಸಿದೆ. ಮಾತ್ರವಲ್ಲ ಈ ಕುರಿತು ಕೈಗೊಂಡಿರುವ ಕ್ರಮಗಳ ಬಗ್ಗೆ ಹತ್ತು ದಿನಗಳೊಳಗೆ ತಿಳಿಸಬೇಕು ಎಂದು ಟ್ವಿಟರ್​ಗೆ ಮಹಿಳಾ ಆಯೋಗ ತಾಕೀತು ಮಾಡಿದೆ.

https://www.vijayavani.net/our-captain-is-cm-bsy/

https://www.vijayavani.net/otago-and-uk-researchers-have-developed-a-world-first-weight-loss-device/

https://www.vijayavani.net/government-lottery-result-declared-first-prize-70-lakh-rupees/