ಸುನಿತಾ, ವಿಲ್ಮೋರ್ ಸ್ಪೇಸ್ವಾಕ್: ಭೂಮಿಗೆ ಮರಳಲಾಗದೆ ಸುಮಾರು ಎಂಟು ತಿಂಗಳಿಂದ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ (ಐಎಸ್ಎಸ್) ಉಳಿದು ಕೊಂಡಿರುವ ನಾಸಾ ಗಗನಯಾನಿಗಳಾದ ಸುನಿತಾ ವಿಲಿಯಮ್್ಸ ಮತ್ತು ಬುಚ್ ವಿಲ್ಮೋರ್, ಗುರುವಾರ ಜತೆಯಾಗಿ ಬಾಹ್ಯಾಕಾಶ ನಡಿಗೆಯಲ್ಲಿ ಭಾಗವಹಿಸಿದರು. ಭಾರತೀಯ ಮೂಲದ ಕಮಾಂಡರ್ ಸುನಿತಾ ವಿಲಿಯಮ್್ಸ ಮತ್ತು ವಿಲ್ಮೋರ್, ಐಎಸ್ಎಸ್ನಿಂದ ಹೊರಗಡೆ ತೇಲಿ ಬಂದು ನಿರ್ವಹಣಾ ಕಾರ್ಯವನ್ನು ನಡೆಸಿದರು. ಇಬ್ಬರೂ ನಿಲ್ದಾಣದ ಹೊರ ಭಾಗವನ್ನು ಸ್ವಚ್ಛಗೊಳಿಸುವ ಕೆಲಸವನ್ನೂ ಮಾಡಿದರು. ಭೂಮಿಯಿಂದ ಆಗಮಿಸಿದ ನಂತರ, ಜತೆಯಲ್ಲೇ ಬಂದಿರಬಹುದಾದ ಯಾವುದಾದರೂ ಸೂಕ್ಷಾ್ಮಣು ಜೀವಿಗಳು ಇನ್ನೂ ಜೀವಂತವಿದ್ದು ಕಂಡಿಗಳ (ವೆಂಟ್) ಮೂಲಕ ತಪ್ಪಿಸಿಕೊಂಡು ಹೋಗಿವೆಯೇ ಎಂದು ಪರಿಶೀಲಿಸುವುದು ಅದರ ಉದ್ದೇಶವಾಗಿತ್ತು. ‘ನೋಡಿ, ನಾವಿಲ್ಲಿದ್ದೇವೆ’ ಎಂದು ಸ್ಪೇಯ್್ನ ಮೇಲಿನಿಂದ 420 ಕಿಲೋ ಮೀಟರ್ ಎತ್ತರದಲ್ಲಿ ಹೊರಬಂದ ವಿಲ್ಮೋರ್ ಉದ್ಗರಿಸಿದರು. ಈ ಇಬ್ಬರೂ ಗಗನಯಾನಿಗಳು ತಮ್ಮ ಹಿಂದಿನ ಐಎಸ್ಎಸ್ ವಾಸ್ತವ್ಯದ ವೇಳೆ ಕೂಡ ಸ್ಪೇಸ್ವಾಕ್ ಮಾಡಿದ್ದರು. ಗುರುವಾರದ್ದು ಪ್ರಸ್ತುತ ವಾಸ್ತವ್ಯದ ಮೊದಲ ಬಾಹ್ಯಾಕಾಶ ನಡಿಗೆಯಾಗಿದೆ.
