ಬುಧವಾರ ಪಟ್ಟಣದ ಬದ್ರಿಕೊಪ್ಪಲಿನ ಗಣೇಶ ಮೂರ್ತಿಯನ್ನು ವಿಸರ್ಜನೆ ಗಾಗಿ ಮೆರವಣಿಗೆ ಮೂಲಕ ಕೊಂಡೊಯ್ಯುತ್ತಿರುವಾಗ ಮಸೀದಿ ರಸ್ತೆಯಲ್ಲಿ ಸಾಗದಂತೆ ಕೆಲ ಯುವಕರು ತಡೆದಿದ್ದಾರೆ. ಪರಿಣಾಮ ಪರಿಸ್ಥಿತಿ ವಿಕೋಪಕ್ಕೆ ತಿರುಗಿ ಎರಡು ಸಮುದಾಯದ ಯುವಕರ ನಡುವೆ ಗಲಾಟೆ ನಡೆದಿದೆ. ನೋಡನೋಡುತ್ತಿದ್ದಂತೆಯೇ ಪ್ರಕ್ಷುಬ್ಧ ವಾತಾವರಣ ನಿರ್ವಣವಾಗಿದೆ. ಈ ಸಮಯದಲ್ಲಿ ಯುವಕರು ಕಲ್ಲು, ಬಾಟಲಿ ಎಸೆದ ಪರಿಣಾಮ ಮೂವರು ಪೊಲೀಸರು ಹಾಗೂ ಎಂಟು ಜನ ಯುವಕರು ಗಾಯಗೊಂಡಿದ್ದಾರೆ. ಇನ್ನೊಂದೆಡೆ ಕಣ್ಣೆದುರು ಕಂಡ ಅಂಗಡಿ, ಷೋರೂಂ, ಬೈಕ್ಗಳಿಗೆ ಪೆಟ್ರೋಲ್ ಸುರಿದು ಬೆಂಕಿ ಹಚ್ಚಿದ್ದರಿಂದ ಪರಿಸ್ಥಿತಿ ಕೈ ಮೀರಿ ಹೋಗಿದೆ. ಪರಿಣಮ ಎರಡೂ ಸಮುದಾಯದವರಿಗೆ ಸೇರಿದ ಬಟ್ಟೆ ಅಂಗಡಿ, ಸ್ಕೂಟರ್ ಷೋ ರೂಂ, ಅಲ್ಯುಮಿನಿಯಂ ಪಾತ್ರೆ ಅಂಗಡಿ, ಫ್ಯಾನ್ಸಿ ಸ್ಟೋರಿ, ಗ್ಯಾರೇಜ್ ಸೇರಿದಂತೆ ಹಲವು ಅಂಗಡಿಗಳು ಬೆಂಕಿಗೆ ಸುಟ್ಟು ಕರಕಲಾಗಿವೆ. ಈ ಸಮಯದಲ್ಲಿ ಮಾಜಿ ಶಾಸಕ ಸುರೇಶ್ಗೌಡ ನಿವಾಸದ ಮೇಲೆಯೂ ಕಲ್ಲು ಎಸೆಯಲಾಗಿದೆ.
