ನಾಗಾಲ್ಯಾಂಡ್ ರಾಜ್ಯಪಾಲ ಎಲ್.ಗಣೇಶನ್ ನಿಧನ| governor

ನವದೆಹಲಿ; ನಾಗಾಲ್ಯಾಂಡ್ ರಾಜ್ಯಪಾಲ ಎಲ್.ಗಣೇಶನ್ ಅವರು ತಮ್ಮ 80 ನೇ ವಯಸ್ಸಿನಲ್ಲಿ ಇಂದು (ಆ.15) ಸಂಜೆ ಚೆನ್ನೈನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.

ಇದನ್ನೂ ಓದಿ: ಹುಮಾಯೂನ್ ಸಮಾಧಿಯ ಬಳಿಯ ದರ್ಗಾದ ಛಾವಣಿ ಕುಸಿದು 5 ಜನ ಸಾವು!

ಅವರು ಪೂರ್ಣಾವಧಿ ಆರ್‌ಎಸ್‌ಎಸ್ ಕಾರ್ಯಕರ್ತರಾಗಿದ್ದರು. ಮದುವೆಯಾಗದೆ ಸಾರ್ವಜನಿಕ ಜೀವನಕ್ಕೆ ತಮ್ಮ ಜೀವನವನ್ನು ಮುಡಿಪಾಗಿಟ್ಟ ಎಲ್.ಗಣೇಶನ್ ಬಿಜೆಪಿ ಸೇರಿದರು. ಕಾರ್ಯಕಾರಿ ಸಮಿತಿ ಸದಸ್ಯರಾಗಿದ್ದ ಎಲ್.ಗಣೇಶನ್ ಅವರಿಗೆ ರಾಷ್ಟ್ರೀಯ ಬಿಜೆಪಿ ತಮಿಳುನಾಡು ಬಿಜೆಪಿ ಸಂಘಟನಾ ಕಾರ್ಯದರ್ಶಿ ಮತ್ತು ರಾಜ್ಯ ಅಧ್ಯಕ್ಷ ಹುದ್ದೆಗಳನ್ನು ನೀಡಿತು.

ಆಗಸ್ಟ್ 8 ರಂದು ಚೆನ್ನೈನಲ್ಲಿರುವ ತಮ್ಮ ನಿವಾಸದಲ್ಲಿ ಬಿದ್ದು ಅವರ ತಲೆಗೆ ಗಂಭೀರ ಗಾಯವಾಗಿತ್ತು. ಹಾಗಾಗಿ ಚೆನ್ನೈನ ಅಪೋಲೋ ಆಸ್ಪತ್ರೆಯ ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಅವರು, ಇಂದು ಸಂಜೆ ಚಿಕಿತ್ಸೆ ಫಲಕಾರಿಯಾಗದೆ ನಿಧನ ಹೊಂದಿದ್ದಾರೆ.

ಇದನ್ನೂ ಓದಿ:  ‘ಹಲಗಲಿ’ ಚಿತ್ರದ ಟೀಸರ್ ರಿಲೀಸ್; ಬೇಡರ ನಾಯಕನಾಗಿ 'ಡಾಲಿ ಧನಂಜಯ್'| Daali Dhananjay

(ಏಜೆನ್ಸೀಸ್)

ಗಣೇಶನ್ ಫೆಬ್ರವರಿ 20, 2023 ರಂದು ನಾಗಾಲ್ಯಾಂಡ್‌ನ 19 ನೇ ರಾಜ್ಯಪಾಲರಾಗಿ ಅಧಿಕಾರ ವಹಿಸಿಕೊಂಡರು. ಇದಕ್ಕೂ ಮೊದಲು ಗಣೇಶನ್ ಆಗಸ್ಟ್ 27, 2021 ರಿಂದ ಫೆಬ್ರವರಿ 19, 2023 ರವರೆಗೆ ಮಣಿಪುರದ 17 ನೇ ರಾಜ್ಯಪಾಲರಾಗಿ ಮತ್ತು ಜುಲೈ 28, 2022 ರಿಂದ ನವೆಂಬರ್ 17, 2022 ರವರೆಗೆ ಪಶ್ಚಿಮ ಬಂಗಾಳದ ರಾಜ್ಯಪಾಲರಾಗಿ (ಹೆಚ್ಚುವರಿ ಉಸ್ತುವಾರಿ) ಸೇವೆ ಸಲ್ಲಿಸಿದ್ದರು. ಬಳಿಕ ಫೆಬ್ರವರಿ 2023 ರಲ್ಲಿ ಅವರನ್ನು ನಾಗಾಲ್ಯಾಂಡ್ ರಾಜ್ಯಪಾಲರನ್ನಾಗಿ ನೇಮಿಸಲಾಗಿತ್ತು.

https://www.vijayavani.net/police-arrest-pakistani-youth-for-converting-girls-in-the-name-of-love-and-marriage-