ಕಣ್ಣೆದುರೇ ಸುಟ್ಟು ಬೂದಿಯಾದ BMW ಕಾರು; ವಿಡಿಯೋ ನೋಡಿ

ಹೈದರಾಬಾದ್​: ಬಿಎಂಡಬ್ಲ್ಯು ಕಾರಿಗೆ ಬೆಂಕಿ ತಗುಲಿ ಹೊತ್ತಿ ಉರಿದಿರುವ ಘಟನೆ ಚರ್ಚೆಗೆ ಗ್ರಾಸವಾಗಿದೆ. ಜುಬಿಲಿ ಹಿಲ್ಸ್ ನ ನಂದಗಿರಿ ಹಿಲ್ಸ್ ಮುಖ್ಯರಸ್ತೆಯಲ್ಲಿ ಶನಿವಾರ (ಜೂನ್ 15) ಈ ಘಟನೆ ನಡೆದಿದೆ.

ಹೈದರಾಬಾದ್‌ನ ಜುಬಿಲಿ ಹಿಲ್ಸ್‌ನ ಕಚ್ಚಾ ರಸ್ತೆಯಲ್ಲಿ ಶನಿವಾರ ಬಿಎಂಡಬ್ಲ್ಯು ಕಾರಿಗೆ ಬೆಂಕಿ ಹೊತ್ತಿಕೊಂಡಿದೆ. ಏಕಾಏಕಿ ಕಾರಿಗೆ ಬೆಂಕಿ ಹೊತ್ತಿಕೊಂಡಿದ್ದು, ಕಾರು ರಸ್ತೆ ಬದಿ ನಿಂತಿದ್ದು, ಕಾರಿನಲ್ಲಿದ್ದವರೆಲ್ಲಾ ಹೊರಬಂದಿದ್ದಾರೆ. ಇದಾದ ಬಳಿಕ ಕೆಲವೇ ಸೆಕೆಂಡ್‌ಗಳಲ್ಲಿ ಕಾರು ಸುಟ್ಟು ಬೂದಿಯಾಯಿತು.

ಇದು ಸಾಮಾನ್ಯವಾಗಿ ಜನನಿಬಿಡ ರಸ್ತೆಯಾಗಿರುವುದರಿಂದ ವಾಹನಗಳು ರಸ್ತೆಯಲ್ಲಿ ಸಿಲುಕಿಕೊಳ್ಳುತ್ತವೆ. ಜುಬಿಲಿ ಹಿಲ್ಸ್ ಚೆಕ್ ಪೋಸ್ಟ್ ನಿಂದ ಒಮೆಗಾ ಆಸ್ಪತ್ರೆಯ ಬಳಿ ಗಂಟೆಗಟ್ಟಲೆ ಸಂಚಾರ ಅಸ್ತವ್ಯಸ್ತಗೊಂಡಿತ್ತು.

ಅಗ್ನಿಶಾಮಕ ವಾಹನಗಳು ಟ್ರಾಫಿಕ್ ಜಾಮ್‌ನಲ್ಲಿ ಸಿಲುಕಿಕೊಂಡಿದ್ದರಿಂದ ರಕ್ಷಣಾ ಕಾರ್ಯಾಚರಣೆಗೆ ಅಡ್ಡಿಯಾಗಿದೆ. ಪೊಲೀಸರು ಸ್ಥಳಕ್ಕೆ ಧಾವಿಸಿ ಬೆಂಕಿಯನ್ನು ನಿಯಂತ್ರಿಸಿದರು.

ನಿನ್ನೆಯವರೆಗೂ ಬೇಸಿಗೆಯ ಬಿಸಿ ನಗರವಾಸಿಗಳನ್ನು ಬೆಚ್ಚಿ ಬೀಳಿಸಿತ್ತು. ಬಿಸಿಲಿನಿಂದಾಗಿ ರಸ್ತೆಗಳಲ್ಲಿ ಕಾರುಗಳು ಬೆಂಕಿಗೆ ಆಹುತಿಯಾಗಿ ಎಲ್ಲೆಂದರಲ್ಲಿ ಸುಟ್ಟು ಭಸ್ಮವಾಗಿವೆ. ಇದೆಲ್ಲವೂ ಬೇಸಿಗೆಯ ಪರಿಣಾಮ ಎಂದು ಭಾವಿಸಲಾಗಿದೆ.

https://www.vijayavani.net/actress-rachana-reached-tirupati-shaved-her-head