ಬಾಯ್​ಫ್ರೆಂಡ್​ ಜತೆ ಸೇರಿ ಮಗನನ್ನೇ ನದಿಗೆಸೆದ ತಾಯಿ! ಪೊಲೀಸರ ಎದುರಿಗೆ ಬೇರೆಯದ್ದೇ ನಾಟಕ!

ಓಹಿಯೋ: ಕೆಟ್ಟ ತಂದೆ ಇರಬಹುದು ಆದರೆ ಕೆಟ್ಟ ತಾಯಿ ಇಲ್ಲ ಎನ್ನುತ್ತಾರೆ. ಆದರೆ ಬಾಯ್​ಫ್ರೆಂಡ್​ ಜತೆ ಸೇರಿಕೊಳ್ಳುವ ತಾಯಿ ಅದೆಷ್ಟು ಕೆಟ್ಟವಳಾಗುತ್ತಾಳೆ ಎನ್ನುವುದಕ್ಕೆ ಒಂದು ಉದಾಹರಣೆ ಇದೀಗ ಅಮೆರಿಕದ ಓಹಿಯೋದಲ್ಲಿ ಸಿಕ್ಕಿದೆ.

ಗೋಸ್ನೆ (29) ಹೆಸರಿನ ಮಹಿಳೆ ಜೇಮ್ಸ್ ಹಚಿನ್ಸನ್(6) ಹೆಸರಿನ ಮಗನನ್ನು ಕೊಂದಾಕೆ. ಈಕೆ 42 ವರ್ಷದ ಜೇಮ್ಸ್ ಹ್ಯಾಮಿಲ್ಟನ್​ನೊಂದಿಗೆ ಸಂಬಂಧ ಹೊಂದಿದ್ದಾಳೆ. ಭಾನುವಾರದಂದು ಪೊಲೀಸ್​ ಠಾಣೆಯ ಮೆಟ್ಟಿಲೇರಿದ ಈ ಜೋಡಿ ಜೇಮ್ಸ್ ಹ್ಯಾಮಿಲ್ಟನ್​ ಕಳೆದುಹೋಗಿರುವುದಾಗಿ ದೂರು ನೀಡಿದೆ. ಈ ಪ್ರಕರಣದ ಬೆನ್ನು ಬಿದ್ದ ಪೊಲೀಸರಿಗೆ ಜೋಡಿಯ ನಿಜ ಬಣ್ಣ ಗೊತ್ತಾಗಿದೆ.

ಗೋಸ್ನೆಗೆ ಜೇಮ್ಸ್​ ಜತೆ ಇನ್ನಿಬ್ಬರು ಮಕ್ಕಳಿದ್ದಾರೆ. ಮೂರೂ ಮಕ್ಕಳನ್ನು ಕರೆದುಕೊಂಡು ಗುರುವಾರದಂದು ಆಕೆ ಬಲ್ ಕೌಂಟಿಯ ರಶ್ ರನ್ ಪಾರ್ಕ್‌ಗೆ ಹೋಗಿದ್ದಾಳೆ. ಅಲ್ಲಿ ಜೇಮ್ಸ್​ನನ್ನು ಬಿಟ್ಟು ಬರಲು ಪ್ರಯತ್ನಿಸಿದ್ದಾಳೆ. ಆದರ ಆತ ಮತ್ತೆ ಬಂದು ಕಾರು ಹತ್ತಲು ಪ್ರಯತ್ನಿಸಿದ್ದಾನೆ. ಆಗ ಆಕೆ ಆತನನ್ನು ಓಡಿಸಿಕೊಂಡು ಹೋಗಿದ್ದಾಳೆ. ನಂತರ ಅವನನ್ನು ಬಿಟ್ಟು ಪಾರ್ಕಿನಿಂದ ಹೊರಗೆ ಹೋಗಿದ್ದಾಳೆ. ವಾಪಾಸು ಬರುವಷ್ಟರಲ್ಲಿ ಆತನ ಕೊಲೆಯಾಗಿದೆ. ನಂತರ ಆ ದೇಹವನ್ನು ಕಾರಿನೊಳಗೆ ತುಂಬಿಕೊಂಡ ಆಕೆ ಓಹಿಯೋ ನದಿಯ ಸೇತುವೆ ಬಳಿ ಹೋಗಿ ಅಲ್ಲಿಂದ ಆ ಶವವನ್ನು ನದಿಗೆ ಎಸೆದಿದ್ದಾಳೆ.

ಅದಾದ ನಂತರ ಜೋಡಿಯಾಗಿ ಬಂದು ಪೊಲೀಸ್​ ದೂರು ದಾಖಲಿಸಿದ್ದಾಳೆ. ಇದೀಗ ಜೋಡಿಯನ್ನು ಪೊಲೀಸರು ಬಂಧಿಸಿದ್ದಾರೆ. ತಾವೇ ಕೊಲೆ ಮಾಡಿ ಶವವನ್ನು ನದಿಗೆ ಎಸೆದಿರುವುದಾಗಿ ಅವರು ತಪ್ಪೊಪ್ಪಿಕೊಂಡಿದ್ದಾರೆ. ಜೇಮ್ಸ್​ನ ಮೃತ ದೇಹಕ್ಕಾಗಿ ಹುಡುಕಾಟ ನಡೆಸಲಾಗುತ್ತಿದೆ. (ಏಜೆನ್ಸೀಸ್​)

ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್​ ಮಾಡಿ

https://www.vijayavani.net/aap-candidates-were-leading-in-four-wards-as-the-counting-for-municipal-bypolls/

https://www.vijayavani.net/private-lunar-expedition-to-eight-people-from-around-the-world/