ಐದು ವರ್ಷ ಬ್ರಿಟನ್​ ಸರ್ಕಾರಕ್ಕೆ ವಂಚಿಸಿದ ಪಾಕ್​ ಮಹಿಳೆ; ಎಂಟು ಮಕ್ಕಳ ತಾಯಿ ಶಿಕ್ಷೆಯಿಂದ ಪಾರಾಗಿದ್ದೇಕೆ?

ನವದೆಹಲಿ: ನಿರಂತರವಾಗಿ ಐದು ವರ್ಷಗಳವರೆಗೆ ಬ್ರಿಟನ್​ ಸರ್ಕಾರಕ್ಕೆ ವಂಚಿಸಿದ ಪಾಕ್​ ಮಹಿಳೆ ಶಿಕ್ಷೆಯಿಂದ ಪಾರಾಗಿದ್ದಾಳೆ....!

36 ವರ್ಷದ ಸಾಬಾ ಮಹಮೂದ್​ 8 ಮಕ್ಕಳ ತಾಯಿ. ಐದು ವರ್ಷಗಳವರೆಗೆ ಒಂದು ಕೋಟಿ ರೂ. ಗೂ ಹೆಚ್ಚು ಮೊತ್ತವನ್ನು ( ಅಂದಾಜು 1 ಲಕ್ಷ ಪೌಂಡ್​) ಅಕ್ರಮವಾಗಿ ಪಡೆದಿದ್ದಾಳೆ.

ಇದನ್ನೂ ಓದಿ; ಮನೆ ಕೆಲಸದಾಕೆ ಮೇಲೆ ಹಲ್ಲೆ ನಡೆಸಿದ್ದಕ್ಕೆ ಭಾರತೀಯ ದಂಪತಿಗೆ ಜೈಲು; 12.57 ಲಕ್ಷ ರೂ. ದಂಡ…! 

ಬ್ರಿಟನ್​ನಲ್ಲಿ ಕಡುಬಡವರಿಗೆ ಸರ್ಕಾರದಿಂದಲೇ ವಿವಿಧ ಸೌಲಭ್ಯಗಳನ್ನು ನೀಡಲಾಗುತ್ತದೆ. ಆರ್ಥಿಕ ನೆರವು ನೀಡಲಾಗುತ್ತದೆ. ಅಂತೆಯೇ, ಸಾಬಾ ಚಿಕ್ಕಮ್ಮ ಪಾಕಿಸ್ತಾನದಲ್ಲಿ ನೆಲೆಸಿದ್ದರೂ ಆತನ ಪರವಾಗಿ ಅಂಗವಿಕಲರ ಜೀವನಾಂಶ ಹಾಗೂ ಉದ್ಯೋಗ ಅನುದಾನವನ್ನು (ಅಂದಾಜು 94 ಲಕ್ಷ ರೂ.) ಪಡೆದುಕೊಂಡಿದ್ದಾಳೆ.

ಇದಲ್ಲದೇ. ಅವರು ಬ್ರಿಟನ್​ನಲ್ಲಿ ಇಲ್ಲ ಎನ್ನುವುದನ್ನು ತಿಳಿಸದೇ, ಅವರ ನಾಮಿನಿಯಾಗಿ ನೇಮಕಗೊಂಡು ಹಣ ನೇರವಾಗಿ ತನ್ನ ಬ್ಯಾಂಕ್​ ಖಾತೆಗೆ ಬರುವಂತೆ ಮಾಡಿಕೊಂಡಿದ್ದಾಳೆ.

ವಿಚಿತ್ರವೆಂದರೆ, ಈ ಅಕ್ರಮ ಬಯಲಿಗೆ ಬಂದರೂ ಶಿಕ್ಷೆಯಿಂದ ಆಕೆ ಪಾರಾಗಿದ್ದಾಳೆ. ಏಕೆಂದರೆ, ಇಲ್ಲಿ ಸಂತ್ರಸ್ತರು ಯಾರೂ ಇಲ್ಲ ಎನ್ನುವುದು ಬ್ರಿಟನ್​ ಕೋರ್ಟ್​ ತಿಳಿಸಿದೆ.

ಆರಂಭದಲ್ಲಿ ಆಕೆಗೆ 16 ತಿಂಗಳ ಜೈಲು ಶಿಕ್ಷೆ ವಿಧಿಸಿದ್ದರೂ, ಅದನ್ನು 18 ತಿಂಗಳವರೆಗೆ ಅದನ್ನು ಅನೂರ್ಜಿತಗೊಳಿಸಿದೆ. ಬದಲಾಗಿ, 15 ದಿನ ಪುನರ್ವಸತಿ ಶಿಬಿರದಲ್ಲಿ ಕಳೆಯುವ ಹಾಗೂ 150 ಗಂಟೆಗಳ ಸಂಬಳರಹಿತ ಕೆಲಸ ಮಾಡುವಂತೆ ಆದೇಶ ನೀಡಿದೆ.

ಇದನ್ನೂ ಓದಿ; ಕರೊನಾ ಕೇಸ್​ಗಳಿಲ್ಲ; ಮಾಸ್ಕ್​ ಧರಿಸೋದು ಕಡ್ಡಾಯವೇನಲ್ಲ; ಅದ್ಯಾವ ದೇಶದಲ್ಲಿದೆ ಈ ನಿರಾಳತೆ? 

ಆಕೆಗೆ ಒಂದು ವರ್ಷದಿಂದ 13 ವರ್ಷದವರೆಗಿನ ಎಂಟು ಮಕ್ಕಳಿದ್ದಾರೆ ಹಾಗೂ ಗಂಡ ಮನೋವ್ಯಾಧಿಗೆ ತುತ್ತಾಗಿರುವುದರಿಂದ ಈ ವಿನಾಯ್ತಿ ನೀಡಿದೆ.

https://www.vijayavani.net/govt-to-offer3-months-salary-as-unemployment-benefit/