ಆಂಧ್ರಪ್ರದೇಶ: ಈ ಜಗತ್ತಿನಲ್ಲಿ ತಂದೆ-ತಾಯಿ ಪ್ರೀತಿ ಮುಂದೆ ಉಳಿದೆಲ್ಲವೂ ಶೂನ್ಯ. ಅದರಲ್ಲೂ ಅಮ್ಮನ ಪ್ರೀತಿಗಿಂತ ದೊಡ್ಡದು ಮತ್ತೊಂದಿಲ್ಲ. ಮಗಳಿರಲಿ, ಮಗನೇ ಇರಲಿ, ತಾಯಿಯ ಮಡಿಲು ಬೇಕೇ ಬೇಕು. ಬಹುತೇಕರು ತಮ್ಮ ಪೋಷಕರನ್ನು ಜಗತ್ತು ಎಂದು ಭಾವಿಸಿ, ಅವರನ್ನು ಅತ್ಯಂತ ಪ್ರೀತಿಯಿಂದ ಜತೆಗಿಟ್ಟುಕೊಂಡು ನೋಡಿಕೊಂಡರೆ, ಕೆಲವರು ಮಾತ್ರ ಅವರನ್ನು ಅನಾಥಾಶ್ರಮ, ಪ್ರತ್ಯೇಕ ಮನೆಯಲ್ಲಿರಿಸಿ, ಚಪ್ಪಲಿಗಿಂತ ಕಡೆಯಾಗಿ ಕಾಣುತ್ತಾರೆ. ಅಂತಹ ಹೃದಯ ಹಿಂಡುವ ಘಟನೆಗಳು, ದೃಶ್ಯಗಳು ಕಣ್ಮರೆಯಾಗಲಿ. ಕೇವಲ 9 ತಿಂಗಳು ತನ್ನ ಗರ್ಭದಲ್ಲಿ ಹೊತ್ತು ಸಾಕದ ಅಮ್ಮ, ತನ್ನ ಕೊನೆಯುಸಿರು ಇರುವವರೆಗೂ ಪ್ರೀತಿ, ತ್ಯಾಗಗಳನ್ನು ಮಕ್ಕಳಿಗಾಗಿ ಮಾಡಿಕೊಂಡು ಬರುತ್ತಾಳೆ. ಅದಕ್ಕೆ ಇಂದು ಹಲವಾರು ನಿದರ್ಶನಗಳು ನಮ್ಮ ಮುಂದಿವೆ. ಸದ್ಯ ಇಲ್ಲೊಂದು ಘಟನೆ ಕೂಡ ಇದೇ ಸಾಲಿಗೆ ಸೇರುತ್ತದೆ.
