ಸೂಕ್ತ ರಸ್ತೆ ಇಲ್ಲ ಅಂತ ಆ್ಯಂಬುಲೆನ್ಸ್ ನಿಲ್ಲಿಸಿದ ಚಾಲಕ; ಮಗುವನ್ನು ಬೈಕಲ್ಲಿ ಕರೆದೊಯ್ದ ತಾಯಿ; ಆದ್ರೂ ಮಗು ಸಾವು

ತಮಿಳುನಾಡು: ಸರಿಯಾದ ರಸ್ತೆ ಇರದೆ ಆ್ಯಂಬುಲೆನ್ಸ್ ಅರ್ಧಕ್ಕೇ ನಿಂತ ಕಾರಣ ದಿಕ್ಕುತೋಚದ ತಾಯಿ, ಬಳಿಕ ಮಗುವನ್ನು 6 ಕಿ.ಮೀ. ದೂರ ಬೈಕ್​ನಲ್ಲಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಅದಾಗ್ಯೂ ಚಿಕಿತ್ಸೆ ವಿಳಂಬವಾದ್ದರಿಂದ ಮಗುವನ್ನು ಬದುಕಿಸಿಕೊಳ್ಳಲು ಆಗಲಿಲ್ಲ.

ತಮಿಳುನಾಡಿನ ವೆಲ್ಲೂರ್​ನ ಅಣ್ಣೈಕಟ್ಟು ಸಮೀಪ ಈ ಪ್ರಕರಣ ನಡೆದಿದೆ. ಮಹಿಳೆಯೊಬ್ಬರು ತನ್ನ 18 ತಿಂಗಳ ಮಗುವಿಗೆ ಹಾವು ಕಚ್ಚಿದ್ದರಿಂದ ಆ್ಯಂಬುಲೆನ್ಸ್​ನಲ್ಲಿ ಆಸ್ಪತ್ರೆಗೆ ಕರೆದೊಯ್ಯುತ್ತಿದ್ದರು. ಆದರೆ ಮುಂದೆ ಸರಿಯಾದ ರಸ್ತೆ ಇರದ್ದರಿಂದ ಆ್ಯಂಬುಲೆನ್ಸ್ ಚಾಲಕ ಮಾರ್ಗಮಧ್ಯೆಯೇ ನಿಲ್ಲಿಸಿದ್ದ. ನಂತರ ಈಕೆ ಬೈಕೊಂದರಲ್ಲಿ ಮಗುವನ್ನು 6 ಕಿ.ಮೀ. ದೂರದ ಆಸ್ಪತ್ರೆಗೆ ಕರೆದೊಯ್ದಿದ್ದರು. ಆದರೆ ಅಷ್ಟರಲ್ಲಾಗಲೇ ಸಮಯ ಮೀರಿ ಹೋಗಿದ್ದರಿಂದ ಚಿಕಿತ್ಸೆ ಫಲಿಸದೆ ಮಗು ಸಾವಿಗೀಡಾಗಿದೆ.

ಇದನ್ನೂ ಓದಿ: ಪತಿಗಿಂತ ಪತ್ನಿಗೇ ಹೆಚ್ಚು ಸಂಪಾದನೆ; ಜೀವನಾಂಶ ನೀಡಲಾಗದು ಎಂಬುದನ್ನು ಎತ್ತಿ ಹಿಡಿದ ಕೋರ್ಟ್

ಬೆಟ್ಟದ ಬುಡದಲ್ಲಿ ಮಿನಿ ಆ್ಯಂಬುಲೆನ್ಸ್ ಲಭ್ಯವಿತ್ತು, ಸಂಬಂಧಪಟ್ಟವರು ಆಶಾ ಕಾರ್ಯಕರ್ತರನ್ನು ಸಂಪರ್ಕಿಸಿದ್ದರೆ ಅವರು ಬಂದು ಪ್ರಥಮ ಚಿಕಿತ್ಸೆ ನೀಡಿ ನೆರವಾಗುತ್ತಿದ್ದರು. ಆದರೆ ಅವರು ಹಾಗೆ ಮಾಡದೆ ಮಗುವನ್ನು ಬೈಕ್​ನಲ್ಲಿ ಕರೆದೊಯ್ದರು ಎಂಬುದಾಗಿ ವೆಲ್ಲೂರ್ ಕಲೆಕ್ಟರ್​ ಸುದ್ದಿಗಾರರಿಗೆ ಪ್ರತಿಕ್ರಿಯಿಸಿದ್ದಾರೆ.

ಇದನ್ನೂ ಓದಿ: ಒಂಟಿಯಾಗಿದ್ದ, 3 ಮಕ್ಕಳ ವೃದ್ಧತಾಯಿ ಕೋಣೆಯಲ್ಲಿ ಶವವಾಗಿ ಪತ್ತೆ!; ಪ್ರಕರಣ ಸಂಬಂಧ 5 ತಂಡಗಳ ರಚನೆ

ಸುಮಾರು 1,500 ಮಂದಿ ಇರುವ ಈ ಪ್ರದೇಶಕ್ಕೆ ರಸ್ತೆ ವ್ಯವಸ್ಥೆ ಸರಿಯಾಗಿಲ್ಲ. ಸೂಕ್ತ ರಸ್ತೆ ವ್ಯವಸ್ಥೆಗಾಗಿ ಅರಣ್ಯ ಇಲಾಖೆಯ ಅನುಮತಿಗಾಗಿ ಆನ್​ಲೈನ್ ಅರ್ಜಿ ಸಲ್ಲಿಸಲಾಗಿದೆ ಎಂದೂ ಅಧಿಕಾರಿ ತಿಳಿಸಿದ್ದಾರೆ. ಪ್ರಕರಣ ಸಂಬಂಧ ಅಣ್ಣೈಕಟ್ಟು ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. -ಏಜೆನ್ಸೀಸ್

https://www.vijayavani.net/cm-announced-compensation-in-relation-to-6-deaths-in-an-accident

https://www.vijayavani.net/how-to-find-if-anyone-got-sim-using-others-documents