ಇದರ ಪ್ರಮುಖ ಭಾಗವೆಂಬಂತೆ ಕೃತಕ ಬುದ್ಧಿಮತ್ತೆಯ (ಎಐ) ಅಮೆರಿಕ ಸಂಶೋಧಕ ಲೆಕ್ಸ್ ಫ್ರಿಡ್ಮನ್ ಅವರೊಂದಿಗೆ ಮೂರು ಗಂಟೆಗೂ ಹೆಚ್ಚು ಅವಧಿಯವರೆಗೆ ಪಾಡ್ಕಾಸ್ಟ್ ನಲ್ಲಿ ಮಾತನಾಡಿದ್ದು, ಭಾನುವಾರ ಸಂಜೆ ಕಾರ್ಯಕ್ರಮ ಪ್ರಸಾರಗೊಂಡಿದೆ. ಮೋದಿ ಅಮೆರಿಕ ಭೇಟಿಯಿಂದ ಮರಳಿದ ಕೆಲ ದಿನಗಳಲ್ಲೇ ಈ ಮಾತುಕತೆ ನಡೆದಿರುವುದು ಗಮನಾರ್ಹ. ಭಾರತದ ವಿದೇಶಾಂಗ ನೀತಿ, ಕಠಿಣ ಮತ್ತು ಅನಿವಾರ್ಯ ನಿರ್ಧಾರಗಳು, ಮಹತ್ವದ ಸುಧಾರಣಾ ಕ್ರಮಗಳು, ಸರ್ಕಾರದ ಸಾಧನೆ, ತಾವು ಸಾಗಿಬಂದ ದಾರಿ, ಎದುರಿಸಿದ ಸವಾಲುಗಳು ಸೇರಿದಂತೆ ಹಲವು ಮಹತ್ವದ ಸಂಗತಿಗಳ ಬಗ್ಗೆ ಮುಕ್ತವಾಗಿ ಮಾತನಾಡಿರುವ ಪ್ರಧಾನಿ ನರೇಂದ್ರ ಮೋದಿ, ಈ ಮೂಲಕ ಅನುಮಾನ, ಪ್ರಶ್ನೆಗಳಿಗೆ ತೆರೆ ಎಳೆದಿದ್ದಾರೆ. ಕ್ರೀಡೆ, ಅಧ್ಯಾತ್ಮ, ಸಂಘಟನೆ ಕುರಿತು ಸ್ವಾರಸ್ಯಕರ ಸಂಗತಿಗಳನ್ನು ಹಂಚಿಕೊಂಡಿದ್ದಾರೆ.
