ನಾಪತ್ತೆಯಾಗಿದ್ದವರನ್ನು ಹುಡುಕಲು ಹೋಗಿದ್ದ ಪೊಲೀಸರಿಗೆ ಸಿಕ್ಕಿದ್ದು 45 ಮನುಷ್ಯ ಮೃತದೇಹದ ಚೀಲಗಳು..!

ಜಲಿಸ್ಕೋ: ನಾಪತ್ತೆಯಾಗಿದ್ದವರನ್ನು ಹುಡುಕಲು ಹೋಗಿದ್ದ ಪೊಲೀಸರಿಗೆ ಮನುಷ್ಯರ ಮೃತದೇಹವಿರುವ 45 ಚೀಲಗಳು ದೊರಕಿರುವ ಘಟನೆ ಮೆಕ್ಸಿಕೋದ ಜಲಿಸ್ಕೋ ಎಂಬಲ್ಲಿ ನಡೆದಿದೆ.

ಇದನ್ನೂ ಓದಿ: ಚಾಕು ತೋರಿಸಿ ನನ್ನ ಸ್ನೇಹಿತೆಯಾಗು ಎಂದವನನ್ನು ಜೈಲಿಗಟ್ಟಿದ ಪೊಲೀಸರು!; ಮುಂದೇನಾಯ್ತು ನೋಡಿ

ಸ್ಥಳೀಯ ಕಾಲ್​ಸೆಂಟರ್​ನಲ್ಲಿ ಉದ್ಯೋಗ ಮಾಡುತ್ತಿದ್ದ 30 ವರ್ಷ ವಯಸ್ಸಿನ ಇಬ್ಬರು ಮಹಿಳೆಯರು ಮತ್ತು ಐವರು ಪುರುಷರು ಮೇ 20ರಿಂದ 22ರ ನಡುವೆ ನಾಪತ್ತೆಯಾಗಿದ್ದರು. ಈ ಕುರಿತು ತನಿಖೆ ನಡೆಸುತ್ತಿರುವ ವೇಳೆ ಪೊಲೀಸರಿಗೆ ಜಲಿಸ್ಕೋದ ಕಂದಕದಲ್ಲಿ 45 ಚೀಲಗಳು ದೊರಕಿವೆ. ಅನುಮಾನಗೊಂಡ ಪೊಲೀಸರ ಈ ಬ್ಯಾಗ್​ಗಳನ್ನು ಪರೀಕ್ಷಿಸಿದಾಗ, ಅದರಲ್ಲಿ ಪುರುಷ ಹಾಗೂ ಮಹಿಳೆಯರ ಶವಗಳು ದೊರೆತಿವೆ.

ನಾಪತ್ತೆಯಾಗಿದ್ದ 7 ಜನರು ಕಾಲ್​ ಸೆಂಟರ್​ ಉದ್ಯೋಗಿಯಾಗಿದ್ದು, ಬ್ಯಾಗ್ ದೊರೆತಿರುವ ಪ್ರದೇಶದಲ್ಲಿಯೇ ಕಾಲ್​ಸೆಂಟರ್​ ಕೂಡ ಪತ್ತೆಯಾಗಿದೆ. ಕಾಣೆಯಾದವರು ಹಾಗೂ ದೊರೆತಿರುವ ಶವಗಳನ್ನು ಪರೀಕ್ಷೆಗೆ ಒಳಪಡಿಸಿದಾಗ ಹೊಂದಾಣಿಕೆ ಕಂಡು ಬಂದಿದೆ.

ಕಾಲ್​ ಸೆಂಟರ್​ನ ಸಿಬ್ಬಂದಿಗಳು​ ಕಾನೂನು ಬಾಹಿರ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಿರಬಹುದು. ಈ ವೇಳೆ ಮನಸ್ತಾಪ ಉಂಟಾಗಿ ಏನೋ ಅವಗಡ ಸಂಭವಿಸಿದೆ ಎಂದು ಪೊಲೀಸರು ಶಂಕಿಸಿದ್ದಾರೆ.(ಏಜೆನ್ಸೀಸ್​)

https://www.vijayavani.net/actor-rekha-was-forcefully-kissed-by-biswajeet-chatterjee-without-consent-on-the-set-mentioned-in-rekhas-untold-story

https://www.vijayavani.net/if-the-snake-belongs-to-govt-then-chickens-are-mine-man-demands-compensation