Sam Pitroda | ಪಾಕಿಸ್ತಾನದಲ್ಲಿದ್ದರೆ ಮನೆಯಲ್ಲಿದ್ದಂತೆ ಎಂದಿದ್ದ ಪಿತ್ರೋಡಾ; ಇದು ಜನರ ಬಾಂಧವ್ಯವನ್ನು ಎತ್ತಿ ತೋರಿಸಲು ಹೇಳಿದ್ದೆ ಎಂದು ಸಮರ್ಥನೆ!

Sam Pitroda: ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ನೇಪಾಳಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ತಮ್ಮ ಮನೆಯಲ್ಲಿರುವಂತೆ ಅನಿಸುತ್ತಿದೆ ಎಂಬ ಹೇಳಿಕೆ ನೀಡಿದ್ದ ಭಾರತೀಯ ಸಾಗರೋತ್ತರ ಕಾಂಗ್ರೆಸ್ ಮುಖ್ಯಸ್ಥ ಸ್ಯಾಮ್ ಪಿತ್ರೋಡಾ, ತಮ್ಮ ಹೇಳಿಕೆಗೆ ಸ್ಪಷ್ಟಿಕರಣ ನೀಡಿದ್ದು, ಭಾರತೀಯ ಉಪಖಂಡದ ಹಂಚಿಕೆಯ ಇತಿಹಾಸ ಮತ್ತು ಜನರ ಬಾಂಧವ್ಯವನ್ನು ಎತ್ತಿ ತೋರಿಸುವ ಉದ್ದೇಶದಿಂದ ಆ ರೀತಿಯಾಗಿ ಮಾತನಾಡಿದ್ದೆ ಎಂದಿದ್ದಾರೆ.

ಇದನ್ನೂ ಓದಿ:ನನ್ನ ಮತ ನನ್ನ ಹಕ್ಕು ಸೈಕಲ್ ರ‌್ಯಾಲಿಗೆ ಚಾಲನೆ

ತಮ್ಮ ಎಕ್ಸ್​​ ಖಾತೆಯಲ್ಲಿ ಪೋಸ್ಟ್​ ಹಂಚಿಕೊಂಡಿರುವ ಪಿತ್ರೋಡಾ, ನಾವು ಎದುರಿಸುತ್ತಿರುವ ವಾಸ್ತವಗಳತ್ತ ಗಮನ ಸೆಳೆಯುವುದು ಮಾತ್ರವೇ ನನ್ನ ಉದ್ದೇಶವಾಗಿದೆ, ನೆರೆಯ ದೇಶಗಳಿಗೆ ಭೇಟಿ ನೀಡಿದಾಗ, ಸಾಂಸ್ಕೃತಿಕವಾಗಿ ಮತ್ತು ಸಾಮಾಜಿಕವಾಗಿ ಅದರ ಇತಿಹಾಸವನ್ನು ಹಂಚಿಕೊಳ್ಳುತ್ತೇವೆ. ನೋವು, ಸಂಘರ್ಷ ಅಥವಾ ಭಯೋತ್ಪಾದನೆ ಮತ್ತು ಭೌಗೋಳಿಕ ರಾಜಕೀಯ ಉದ್ವಿಗ್ನತೆಗಳಿಂದ ನಾವು ಎದುರಿಸುತ್ತಿರುವ ಗಂಭೀರ ಸವಾಲುಗಳನ್ನು ನಿರ್ಲಕ್ಷಿಸಲು ಅಲ್ಲ ಎಂದು ಬರೆದಿದ್ದಾರೆ.

ನನ್ನ ಮಾತಿನ ಉದ್ದೇಶ ಯಾರಿಗೂ ನೋವು ಮಾಡುವುದು, ಅಥವಾ ಕಾನೂನುಬದ್ಧ ಕಾಳಜಿಗಳನ್ನು ದುರ್ಬಲಗೊಳಿಸುವುದು ಅಲ್ಲ. ಪ್ರಾಮಾಣಿಕ ಸಂಭಾಷಣೆ, ಸಹಾನುಭೂತಿ ಮತ್ತು ಭಾರತವು ತನ್ನನ್ನು ಹೇಗೆ ನೋಡುತ್ತದೆ - ಮತ್ತು ಇತರರು ಹೇಗೆ ನೋಡುತ್ತಾರೆ ಎಂಬುದರ ಬಗ್ಗೆ ಹೆಚ್ಚು ಆಧಾರಪೂರ್ಣ ಮತ್ತು ಜವಾಬ್ದಾರಿಯುತ ವಿಧಾನವನ್ನು ಬೆಳೆಸುವುದನ್ನು ಸ್ಪಷ್ಟಪಡಿಸಲು ಬಯಸುತ್ತೇನೆ ಎಂದು ಹೇಳಿದರು.

ಪ್ರಜಾಪ್ರಭುತ್ವದ ರಕ್ಷಣೆಗೆ ಕರೆ ನೀಡಿದ ಪಿತ್ರೋಡಾ..

ಮುಕ್ತ ಮತ್ತು ನ್ಯಾಯಯುತ ಚುನಾವಣೆಗಳನ್ನು ಖಚಿತಪಡಿಸಿಕೊಳ್ಳುವುದು, ಸಾಂವಿಧಾನಿಕ ಸಂಸ್ಥೆಗಳನ್ನು ಬಲಪಡಿಸುವುದು, ಯುವಕರನ್ನು ಸಬಲೀಕರಣಗೊಳಿಸುವುದು, ಅಲ್ಪಸಂಖ್ಯಾತರ ಹಕ್ಕುಗಳನ್ನು ರಕ್ಷಿಸುವುದು, ಧ್ರುವೀಕರಣವನ್ನು ವಿರೋಧಿಸುವ ಮೂಲಕ ಪ್ರಜಾಪ್ರಭುತ್ವವನ್ನು ರಕ್ಷಿಸುವ ಅಗತ್ಯದ ಬಗ್ಗೆ ಮಾತನಾಡಿದರು

ಪಿತ್ರೋಡಾ ಹೇಳಿದ್ದೇನು..?

ನೆರೆಯ ರಾಷ್ಟ್ರಗಳಾದ ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ನೇಪಾಳಕ್ಕೆ ಭೇಟಿ ನೀಡಿದಾಗ ತಮ್ಮ ಮನೆಯಲ್ಲಿರುವಂತೆ ಭಾಸವಾಗುತ್ತಿದೆ ಎಂದು ಹೇಳಿದ್ದ ಪಿತ್ರೋಡಾ, ಭಾರತದ ವಿದೇಶಾಂಗ ನೀತಿ ಮೊದಲು ನೆರೆಹೊರೆಯ ಮೇಲೆ ಕೇಂದ್ರೀಕರಿಸಬೇಕು ಎಂದು ಹೇಳಿದಾಗ ವಿವಾದಕ್ಕೆ ಕಾರಣರಾಗಿದ್ದರು. ಈ ಹೇಳಿಕೆಗೆ ಬಿಜೆಪಿ ತೀವ್ರ ಟೀಕೆ ವ್ಯಕ್ತಪಡಿಸಿದ್ದು, ಕಾಂಗ್ರೆಸ್ ಪಾಕಿಸ್ತಾನದ ಬಗ್ಗೆ ಮೃದು ಧೋರಣೆ ಹೊಂದಿದೆ ಎಂದು ಆರೋಪಿಸಿದೆ.(ಏಜೆನ್ಸೀಸ್​​)

https://www.vijayavani.net/sam-pitroda-returns-says-feel-at-home-in-pakistan-bangladesh-nepal