ತೆಲಂಗಾಣ: ಪ್ರತಿಯೊಬ್ಬರ ಜೀವನದಲ್ಲಿಯೂ ದಾಂಪತ್ಯ ಜೀವನ ಎಂಬುದು ಬಹಳ ಶ್ರೇಷ್ಢ ಹಾಗೂ ದೊಡ್ಡ ಕನಸು. ಎಲ್ಲಾ ಬಯಸಿದಂತೆ ನಡೆದರೆ ಅವರೇ ಪುಣ್ಯವಂತರು. ಆದ್ರೆ, ಬಯಸಿದ್ದೆಲ್ಲಾ ಉಲ್ಟಾ ಹೊಡೆದರೆ ಜೀವನವೇ ಛಿದ್ರ ಎನಿಸುತ್ತದೆ. ಮುಂದಿನ ಭವಿಷ್ಯದ ಬಗ್ಗೆ ಚಿಂತಿಸಿ, ಪತಿಯ ಕೈಹಿಡಿದು, ಸಪ್ತಪದಿ ತುಳಿಯುವ ಯುವತಿಯ ಬಾಳಲ್ಲಿ ಒಂದು ಬಾರಿ ಅಪಸ್ವರ ಕೇಳಿಬಂದರೆ, ಅದನ್ನು ತಡೆದುಕೊಳ್ಳುವ ಶಕ್ತಿ ಅತ್ಯಂತ ಕಷ್ಟಕರ. ದೇಹಕ್ಕೆ ಉಂಟಾಗುವ ನೋವಿಗಿಂತ ಮನಸ್ಸಿಗಾಗುವ ಗಾಯಗಳು ಅಷ್ಟು ಸುಲಭವಾಗಿ ಮಾಸುವುದಿಲ್ಲ. ದಾಂಪತ್ಯ ಜೀವನ (Married Women) ಎಂಬ ಕನಸಿನ ಕನ್ನಡಿ ಒಂದು ಬಾರಿ ಹೊಡೆದು ಹೋದರೆ, ಆ ಕನ್ನಡಿಯನ್ನು ಎಷ್ಟೇ ಬಾರಿ ಜೋಡಿಸಿ ನೋಡಿದರು, ಅದರ ಹೊಡೆದ ರೂಪ ಕಣ್ಮರೆಯಾಗುವುದಿಲ್ಲ. ಅದೇ ರೀತಿ ಒಮ್ಮೆ ಮದುವೆಯಾದ ಮೇಲೆ ಗಂಡ-ಹೆಂಡತಿ ಮಧ್ಯೆ ಮನಸ್ತಾಪ, ಜಟಾಪಟಿ ಉಂಟಾದರೆ ಅದನ್ನು ಸರಿಪಡಿಸಿಕೊಳ್ಳುವುದು ಅಷ್ಟು ಸುಲಭವಲ್ಲ. ಕೆಲವೊಮ್ಮೆ ಚಿಕ್ಕ ಮಾತುಗಳಿಂದ ಆರಂಭವಾಗುವ ಮನಸ್ತಾಪಗಳು ಸಾವಿನಲ್ಲಿ ಅಂತ್ಯ (Ends Life) ಕಂಡಿರುವುದೇ ಹೆಚ್ಚು.
