ವಧು-ವರರ ಪೋಷಕರ ನಡುವೆ ಉಂಟಾದ ಕೆಲ ಭಿನ್ನಾಭಿಪ್ರಾಯಗಳು ಜಗಳಕ್ಕೆ ತಿರುಗಿ, ಸಂಬಂಧಿಕರ ಮಧ್ಯಸ್ಥಿಕೆಯಿಂದ ಸಮಾಧಾನಕ್ಕೆ ಬಂದಿತು. ಇದಾದ ಬಳಿಕ ಎಂದಿನಂತೆ ಮದುವೆಯ ಸಿದ್ಧತೆಗಳಲ್ಲಿ ತೊಡಗಿದ ಕುಟುಂಬಸ್ಥರು, ಮದುವೆ ಮಂಟಪಕ್ಕೆ ಆಗಮಿಸಿ, ವಿವಾಹ ಕಾರ್ಯಗಳನ್ನು ಮುಗಿಸಿ, ತಾಳಿ ಕಟ್ಟುವ ಕೊನೆ ಹಂತ ತಲುಪಿದ್ದರು. ಇನ್ನೇನು ವರ ತಾಳಿ ಕಟ್ಟಬೇಕು, ಅಷ್ಟರಲ್ಲಿ ವಧು ಇದ್ದಕ್ಕಿದ್ದಂತೆ ಮದುವೆಯ ಮಂಟಪದಿಂದ ಎದ್ದು ಹೋದಳು. 'ನನಗೆ ಈ ಮದುವೆ ಬೇಡ, ನನಗೆ ಆಸಕ್ತಿ ಇಲ್ಲ' ಎಂದು ಹೇಳಿದ್ದಾಳೆ. ಇದನ್ನು ಕೇಳಿ, ವರ ಮತ್ತು ಅವನ ಸಂಬಂಧಿಕರು ಆಘಾತಕ್ಕೊಳಗಾಗಿದ್ದು, ಭಾರೀ ನೋವಿನಿಂದ ಮದುವೆಯನ್ನು ಮುರಿದುಕೊಂಡರು ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).
