ಈ ನಡುವೆ, ಸ್ಪೀಕರ್ ಅವರು ಮಾನೆ ನಡವಳಿಕೆಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು. ಕೆಲ ನಿಮಿಷಗಳ ಕಾದ ಬಳಿಕ ಮತ್ತೊಮ್ಮೆ ಮೈಕ್ನಲ್ಲಿ ಕಾರ್ಯದರ್ಶಿ ಮಾನೆಗೆ ಆಹ್ವಾನ ನೀಡಿದರು. ಆಗಲೂ ಬಾರದೆ ಇದ್ದುದರಿಂದ ಕಾರ್ಯಕ್ರಮ ಮುಕ್ತಾಯಕ್ಕೆ ಸೂಚಿಸಿದರು. ಕಾರ್ಯಕ್ರಮ ಮುಗಿದು ಅರ್ಧಗಂಟೆ ತರುವಾಯ ವಿಧಾನಸೌಧಕ್ಕೆ ಆಗಮಿಸಿದ ಡಿಕೆಶಿ ಹಾಗೂ ಮಾನೆ ಸ್ಪೀಕರ್ ಕೊಠಡಿಗೆ ತೆರಳಿ ಪ್ರಮಾಣ ವಚನಕ್ಕೆ ಈಗ ವ್ಯವಸ್ಥೆ ಮಾಡುವಂತೆ ವಿಧಾನಸಭೆ ಕಾರ್ಯದರ್ಶಿಯನ್ನು ಕೋರಿದರು. ಅಷ್ಟರಲ್ಲಿ ಸ್ಪೀಕರ್ ವಿಧಾನಸೌಧ ಬಿಟ್ಟು ತೆರಳಿದ್ದರು. ಡಿ.ಕೆ.ಶಿವಕುಮಾರ್ ಸ್ಪೀಕರ್ಗೆ ಕರೆ ಮಾಡಿ, ಬನ್ನಿ ಮಾನೆಗೆ ಪ್ರಮಾಣ ವಚನ ಕೊಡಿ ಎಂದು ಕೋರಿದರು. ಪೂರ್ವ ನಿರ್ಧರಿತ ಕಾರ್ಯಕ್ರಮ ಹಿನ್ನೆಲೆ ಈಗ ಬರಲು ಸಾಧ್ಯವಿಲ್ಲ ಎಂದು ಉತ್ತರಿಸಿದರು. ಇದರಿಂದ ಡಿಕೆಶಿ ಕಸಿವಿಸಿಗೊಂಡು ವಿಚಲಿತರಾದರು.
