ಹೈದರಾಬಾದ್: ಪ್ರೀತಿಯಲ್ಲಿ ಗೆಲುವು ಕಂಡವರು ಒಂದಷ್ಟು ಪ್ರೇಮಿಗಳಾದರೆ, ಅದನ್ನು ಉಳಿಸಿಕೊಳ್ಳುವ ಪ್ರಯತ್ನದಲ್ಲಿ ಸೋಲು ಕಂಡವರು ಮತ್ತೊಂದಷ್ಟು ಮಂದಿ. ಇನ್ನೂ ಕೆಲವರು ಈ ಎರಡಕ್ಕೂ ಸೇರದವರು. ಅಂದರೆ, ಪ್ರೀತಿಯಲ್ಲಿ ಇರದಿದ್ದರೂ ಪ್ರೇಮದ ಹೆಸರಿನಲ್ಲಿ ನಂಬಿಕೆ ದ್ರೋಹ, ವಂಚನೆಗೆ ಒಳಗಾಗುವವರು. ಕೆಲವೊಮ್ಮೆ ಇಂತಹ ಜಂಜಾಟಗಳಿಗೆ ಸಿಲುಕಿ, ಪ್ರಾಣವನ್ನು ಕಳೆದುಕೊಂಡ ನಿದರ್ಶನಗಳು ಉಂಟು. ಸದ್ಯ ಈ ಘಟನೆ ಕೂಡ ಅದನ್ನೇ ಒತ್ತಿ ಹೇಳಿದೆ. ಮನಸ್ಸಿನಿಂದ ಹುಟ್ಟದ ಪ್ರೀತಿಯನ್ನು ಕೇವಲ ದೈಹಿಕ ಆಸೆಗಾಗಿ, ತನ್ನ ಚಟಕ್ಕಾಗಿ ಬಲವಂತ ಮಾಡುತ್ತಿದ್ದ ಓರ್ವ ಯುವಕ, ತನ್ನನ್ನು ಪ್ರೀತಿಸು ಇಲ್ಲವಾದರೆ, ಏಡ್ಸ್ ಇಂಜೆಕ್ಷನ್ ಕೊಡ್ತೀನಿ ಎಂದು ಯುವತಿಗೆ ಮಾನಸಿಕ ಹಿಂಸೆ ಕೊಡುತ್ತಿದ್ದ ಘಟನೆ ಇದೀಗ ತಡವಾಗಿ ಬೆಳಕಿಗೆ ಬಂದಿದೆ.
