ಗೂಡ್ಸ್ ರೈಲಿನಡಿ ಸಿಲುಕಿಕೊಂಡಿದ್ದ ಶಿಕ್ಷಕ; ಪವಾಡ ರೀತಿ ಪಾರು!

ದಾವಣಗೆರೆ: ಗೂಡ್ಸ್ ರೈಲಿನಡಿ ಸಿಲುಕಿಕೊಂಡಿದ್ದ ಶಿಕ್ಷಕ ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾದ ಘಟನೆ ಗುರುವಾರ (ಸೆ.14) ದಾವಣಗೆರೆಯ ರೈಲ್ವೆ ನಿಲ್ದಾಣದಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಆನ್‌ಲೈನ್ ಪೊಂಜಿ ಸ್ಕ್ಯಾಮ್​​: 1000 ಕೋಟಿ ರೂ. ಹಗರಣದಲ್ಲಿ ಬಾಲಿವುಡ್ ನಟ ಗೋವಿಂದ ವಿಚಾರಣೆ

ಬಿ.ದುರ್ಗದಲ್ಲಿ ಮುಖ್ಯ ಶಿಕ್ಷಕನಾಗಿದ್ದ ಶಿವಕುಮಾರ್ ಎಂಬ ವ್ಯಕ್ತಿ, ಹಳಿ ದಾಟಲು ಹೋದ ವೇಳೆ ಈ ಘಟನೆ ಸಂಭವಿಸಿದೆ ಎನ್ನಲಾಗಿದೆ. ರೈಲ್ವೆ ನಿಲ್ದಾಣದ ಪ್ಲಾಟ್ಫಾರಂ 1 ರಿಂದ 2ಕ್ಕೆ ಹೋಗಲು ಹಳಿ ದಾಟುವಾಗ ಗೂಡ್ಸ್​ ರೈಲು ಏಕಾಏಕಿ ಬಂದ ಕೂಡಲೇ ಹಳಿಯ ನಡುವೆ ಮಲಗಿಕೊಂಡು ತಮ್ಮ ಜೀವ ಉಳಿಸಿಕೊಂಡಿದ್ದಾರೆ.

ಇದನ್ನೂ ಓದಿ:  ಬದುಕಿದ್ದವರನ್ನು ಮೃತರೆಂದು ಘೋಷಣೆ; ಸಂಬಳ ಸಿಗದೆ ಪರದಾಡಿದ ನೌಕರರು… ಈ ಅವ್ಯವಸ್ಥೆಗೆ ಅಸಲಿ ಕಾರಣವೇನು?

ರೈಲಿನ ಹಳಿಗಳನ್ನು ದಾಟಲು ಹೋದ ಶಿಕ್ಷಕ, ರೈಲಿನಡಿ ಸಿಲುಕಿರುವುದನ್ನು ಗಮನಿಸಿದ ರೈಲ್ವೆ ಇಲಾಖೆ ಸಿಬ್ಬಂದಿ, ಕೂಡಲೇ ರೈಲನ್ನು ನಿಲ್ಲಿಸಲು ಸೂಚನೆ ನೀಡಿದ್ದಾರೆ. ತದನಂತರ ವ್ಯಕ್ತಿಯನ್ನು ರಕ್ಷಣೆ ಮಾಡಿದ ಆರ್​ಪಿಎಫ್ ಪೊಲೀಸರು, ಗಾಯಗೊಂಡ ಶಿಕ್ಷಕನನ್ನು ಆಸ್ಪತ್ರೆಗೆ ದಾಖಲಿಸಿ ಹೆಚ್ಚಿನ‌ ಚಿಕಿತ್ಸೆ ಕೊಡಿಸಿದ್ದಾರೆ.

https://www.vijayavani.net/i-watched-pushpa-three-times-in-three-days-says-shahrukh-khan