ಇದನ್ನು ಕೊಟ್ರೆ ನಾನೇನು ಮಾಡಲಿ? ಆನ್​ಲೈನ್​ ಆರ್ಡರ್​ ಕಂಡು ದಂಗಾದ ಗ್ರಾಹಕ! ನೆಟ್ಟಿಗರು ಗರಂ

ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ಅದರಲ್ಲೂ ಯುವಜನತೆ ಬಹಳ ಸೋಮಾರಿ ಆಗಿದ್ದಾರೆ ಎಂಬುದು ನಮಗೆಲ್ಲಾ ತಿಳಿದಿರುವ ಸಂಗತಿಯೇ. ಇದಕ್ಕೆ ಬಲವಾದ ಕಾರಣ ಹೈ-ಸ್ಪೀಡ್​ ಇಂಟರ್​ನೆಟ್​ ಯುಗ. ಕುಳಿತಲ್ಲೇ ತಮಗೆ ಬೇಕಾದ ವಸ್ತು ಅಥವಾ ತಿಂಡಿ-ತಿನಿಸುಗಳನ್ನು ಕೆಲವೇ ಗಂಟೆಗಳಲ್ಲಿ ಸಾಮಾಜಿಕ ಜಾಲತಾಣದ ಪ್ಲಾಟ್​ಫಾರ್ಮ್​ಗಳ ಮೂಲಕ ತರಿಸಿಕೊಳ್ಳುವ ಜನರು, ಅದನ್ನೇ ಹೆಚ್ಚಿನ ಸಂಖ್ಯೆಯಲ್ಲಿ ಅನುಸರಿಸಲು ಪ್ರಾರಂಭಿಸಿದ್ದಾರೆ. ಒಂದು ಸೂಜಿದಾರ ಬೇಕೆಂದರೆ ಸಾಕು 6 ಇಂಚಿನ ಮೊಬೈಲ್​ ತೆಗೆದುಕೊಳ್ಳೋದೇ, ಆನ್​ಲೈನ್​ನಲ್ಲಿ​ ಆರ್ಡರ್​ ಮಾಡೋದೇ. ಕೆಲವು ವಸ್ತುಗಳು ನೋಡಿದಂತೆ ಕೈಸೇರಿದರೆ ಖುಷಿ. ಆದ್ರೆ, ಕೇಳಿದ್ದೇ ಒಂದು ಪಡೆದಿದ್ದೇ ಮತ್ತೊಂದು ಎಂದರೆ ನಿಜಕ್ಕೂ ಬಹಳ ಬೇಸರ ಮೂಡಿಸುತ್ತೆ. ಅಂತಹದ್ದೇ ಒಂದು ಘಟನೆ ಇದೀಗ ಬೆಳಕಿಗೆ ಬಂದಿದೆ.

ಇದನ್ನೂ ಓದಿ: ಹೊಯ್ಸಳ ಟ್ರಸ್ಟ್‌ನಿಂದ ಮೂರ್ತಿ ತಯಾರಕರ ಸನ್ಮಾನ

'ಬ್ಲಿಂಕ್​ ಇಟ್'​ ಎಂಬ ತಕ್ಷಣದ ಡೆಲಿವರಿ ಆ್ಯಪ್​ನಲ್ಲಿ ಯುವಕನೊಬ್ಬ ತನ್ನ ದೈನಂದಿನ ಬಳಕೆಗೆ ಬೇಕಾದ ಒಳ ಉಡುಪನ್ನು ಆರ್ಡರ್​​ ಮಾಡಿದ್ದಾನೆ. ತನ್ನ ಆರ್ಡರ್​​ ಬಂದಾಗ ಖುಷಿಯಿಂದ ಬಾಕ್ಸ್ ಓಪನ್ ಮಾಡಿದ ಗ್ರಾಹಕನಿಗೆ ಸಿಕ್ಕಿದ್ದು ಮಹಿಳೆಯರು ಧರಿಸುವ ಬಿಕಿನಿ. ಇದನ್ನು ನೋಡುತ್ತಿದ್ದಂತೆ ಭಾರೀ ಅಚ್ಚರಿಗೆ ಒಳಗಾದ ಗ್ರಾಹಕ, ಈ ಬಗ್ಗೆ ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಫೋಟೋ ಸಮೇತ ಹಂಚಿಕೊಂಡು, ಕಂಪನಿ ವಿರುದ್ಧ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.

ಗ್ರಾಹಕನನ್ನು ಹಿಮಾಚಲ ಪ್ರದೇಶದ ಪ್ರಿಯಾಂಶು ಎಂದು ಹೇಳಲಾಗಿದ್ದು, ಪುರುಷರು ಧರಿಸುವ ಒಳ ಉಡುಪನ್ನು ಇವರು ಆರ್ಡರ್​ ಮಾಡಿದ್ದಾರೆ. ಆದ್ರೆ, ಡೆಲಿವರಿ ದಿನ ಇದರ ಬದಲಾಗಿ ತನ್ನ ಮನೆ ಬಾಗಿಲಿಗೆ ಬಂದದ್ದು ಬಿಕಿನಿ. ಈ ಬಗ್ಗೆ ಬೇಸರ ವ್ಯಕ್ತಪಡಿಸಿದ ಗ್ರಾಹಕ, ನಾನು ಆರ್ಡರ್​ ಮಾಡಿದ್ದೇನು? ನೀವು ಕೊಟ್ಟಿರುವುದೇನು? ದಯವಿಟ್ಟು ಇದನ್ನು ಹಿಂಪಡೆಯಿರಿ ಅಥವಾ ಕೊಟ್ಟ ಹಣವನ್ನು ಮರುಪಾವತಿ ಮಾಡಿ ಎಂದು ಮನವಿ ಮಾಡಿದ್ದಾರೆ. ಆದ್ರೆ, ಇದ್ಯಾವುದಕ್ಕೂ ಸ್ಪಂದನೆ ದೊರಕಿಲ್ಲ.

ಇದನ್ನೂ ಓದಿ: ಜಾಗತಿಕ ಶಾಂತಿಗಾಗಿ ವಿವಿಧೆಡೆ ಸೈಕಲ್ ಜಾಥಾ

ತನ್ನ ಮನವಿಗೆ ಪ್ರತಿಕ್ರಿಯಿಸದ ಕಂಪನಿ ವಿರುದ್ಧ ಸಿಡಿದೆದ್ದ ಪ್ರಿಯಾಂಶು, ತಪ್ಪಾಗಿ ಕಳುಹಿಸಿದ ಬಿಕಿನಿಯನ್ನೇ ತೊಟ್ಟು ತಮ್ಮ ಆಕ್ರೋಶವನ್ನು ಹೊರಹಾಕಿದ್ದಾರೆ. ಈ ಪೋಸ್ಟ್​ ಜಾಲತಾಣಗಳಲ್ಲಿ ವೈರಲ್ ಆಗ್ತಿದ್ದಂತೆ ನೆಟ್ಟಿಗರು ಬ್ಲಿಂಕ್​ ಇಟ್ ವಿರುದ್ಧ ತೀವ್ರ ಕಿಡಿಕಾರಿದ್ದಾರೆ,(ಏಜೆನ್ಸೀಸ್).

https://www.vijayavani.net/another-shocing-twist-in-raj-tarun-love-triangle-case