VIDEO: 42 ಬಾರಿ ಬ್ಯಾಕ್​ಫ್ಲಿಪ್ ಮಾಡಿದ ಯುವಕ; ಸಾಹಸ ನೋಡಿ 'ವಾವ್' ಎಂದ ನೆಟ್ಟಿಗರು...

ನವದೆಹಲಿ: ಜುಹು ಬೀಚ್​ನಲ್ಲಿ ಸಲ್ಮಾನ್ ಖಾನ್​ ಎಂಬ ಯುವಕನೊಬ್ಬ 42 ಬಾರಿ ಬ್ಯಾಕ್​ಫ್ಲಿಪ್​ ಮಾಡಿ ಸಾಹಸ ಮೆರೆದಿದ್ದಾನೆ. ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಯುವಕನ ಸಾಹಸ ನೋಡಿದ ನೆಟ್ಟಿಗರು 'ವಾವ್' ಎಂದು ಹೇಳುತ್ತಿದ್ದಾರೆ.

ಬ್ಯಾಕ್​ಫ್ಲಿಪ್ ಮಾಡುವುದು ಅತ್ಯಂತ ಸಾಹಸದ ಕೆಲಸ. ಸಾಮಾನ್ಯವಾಗಿ ಎಲ್ಲರೂ 3-4 ಬಾರಿ ಬ್ಯಾಕ್​ಫ್ಲಿಪ್ ಮಾಡುತ್ತಾರೆ. ಸತತ ಅಭ್ಯಾಸ ಮತ್ತು ನೈಪುಣ್ಯತೆಯಿಂದ ಇದ್ದಾಗ ಮಾತ್ರ ಬ್ಯಾಕ್​ಫ್ಲಿಪ್ ಮಾಡುಲು ಸಾಧ್ಯವಾಗುತ್ತದೆ. ಈ ವೇಳೆ ಸ್ವಲ್ಪ ಎಡವಿದರೂ ಕುತ್ತಿಗೆ, ಬೆನ್ನುಮೂಳೆಗೆ ಗಂಭೀರ ಗಾಯವಾಗುವ ಸಾಧ್ಯತೆ ಇರುತ್ತದೆ. ಹೀಗಿದ್ದಾಗ ಯಾರೇ ಆದರೂ ಬ್ಯಾಕ್​ಫ್ಲಿಪ್ ಮಾಡುವ ವೇಳೆ ಒಂದು ಕ್ಷಣ ಹಿಂದೆ ಮುಂದೆ ಯೋಚಿಸುತ್ತಾರೆ.

ಇದೀಗ ಸಲ್ಮಾನ್ ಖಾನ್ ಬರೋಬ್ಬರಿ 42 ಬಾರಿ ಬ್ಯಾಕ್​ಫ್ಲಿಪ್ ಮಾಡಿ ತನ್ನ ಸಾಹಸ ಮತ್ತು ಆತ್ಮವಿಶ್ವಾಸವನ್ನು ಪ್ರದರ್ಶಿಸಿದ್ದಾನೆ. ಈ ವಿಡಿಯೋವನ್ನು ಸಲ್ಮಾನ್ ಖಾನ್ ಎಂಬಾತ ತನ್ನ ಇನ್ಸ್​​ಟಾಗ್ರಾಂ ಖಾತೆಯಲ್ಲಿ ಅಪ್ಲೋಡ್ ಮಾಡಿದ್ದಾನೆ. ಇದೀಗ ಈ ವಿಡಿಯೋವನ್ನು 42 ಸಾವಿರಕ್ಕೂ ಅಧಿಕ ಮಂದಿ ನೋಡಿದ್ದಾರೆ. ಅಲ್ಲದೇ ಯುವಕನ ಸಾಹಸವನ್ನು ಮೆಚ್ಚಿಕೊಂಡಿದ್ದಾರೆ.

ಅಥ್ಲೀಟ್ ಆಗಿರುವ ಸಲ್ಮಾನ್ ಖಾನ್ ಈ ಹಿಂದೆಯೂ ಸಾಕಷ್ಟು ಬಾರಿ ಜಿಮ್ನ್ಯಾಸ್ಟಿಕ್ ಮಾದರಿಯ ಸಾಹಸ ಪ್ರದರ್ಶಿಸಿದ್ದಾನೆ. ಇದೀಗ ಈ ವಿಡಿಯೋವನ್ನು ಹಂಚಿಕೊಂಡು, ನಾನು ಎಷ್ಟು ಬಾರಿ ಬ್ಯಾಕ್​ಫ್ಲಿಪ್ ಮಾಡಿದ್ದೇನೆ ಎಂದು ಲೆಕ್ಕ ಹಾಕಿ ಎಂದಿದ್ದಾನೆ. ಅಲ್ಲದೇ ಮುಂದಿನ ಬಾರಿ ಇನ್ನುಷ್ಟು ಶಕ್ತಿಯೊಂದಿಗೆ ಬ್ಯಾಕ್​ಫ್ಲಿಪ್ ಮಾಡುತ್ತೇನೆ ಎಂದಿದ್ದಾನೆ.

https://www.vijayavani.net/83-year-old-polish-woman-flies-to-pakistan-to-marry-28-year-old-man-she-met-online/

https://www.vijayavani.net/rashmika-has-written-an-open-letter-her-social-network/

https://www.vijayavani.net/pakistan-man-throws-a-biryani-feast-for-indian-visitors/