VIDEO| ಕುಟುಂಬಸ್ಥರಿಗೆ ಪಾಠ ಕಲಿಸಲು ತನ್ನ ಸಾವನ್ನೇ ನಕಲು ಮಾಡಿದ ವ್ಯಕ್ತಿ

ಬೆಲ್ಜಿಯಂ: ತನ್ನ ಕುಟುಂಬದವರಿಗೆ ಪಾಠ ಕಲಿಸಲು ವ್ಯಕ್ತಿಯೋರ್ವ ತನ್ನ ಸಾವನ್ನು ನಕಲು ಮಾಡಿ ನಂತರ ತನ್ನ ಅಂತ್ಯಸಂಸ್ಕಾರಕ್ಕೆ ತೆರಳಿರುವ ಘಟನೆ ಬೆಲ್ಜಿಯಂನಲ್ಲಿ ನಡೆದಿದೆ.

ಡೇವಿಡ್​ ಬೇರ್ಟೆನ್​(45) ತನ್ನ ಕುಟುಂಬಸ್ಥರಿಗೆ ಸಂಬಂಧದ ಪ್ರಾಮುಖ್ಯತೆಯನ್ನು ತಿಳಿಸುವ ಸಲುವಾಗಿ ಈ ರೀತಿ ಮಾಡಿದ್ದು ಸದ್ಯ ಈ ಪೋಸ್ಟ್​ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್​ ಆಗಿದೆ.

ತನ್ನನ್ನು ನಿರ್ಲಕ್ಷಿಸಲಾಗುತ್ತಿದೆ ಎಂದು ಬೇಸರಗೊಂಡಿದ್ದ ಡೇವಿಡ್​ ಮೊದಲಿಗೆ ಈ ವಿಚಾರವನ್ನು ತನ್ನ ಹೆಂಡತಿ ಮಕ್ಕಳೊಂದಿಗೆ ಚರ್ಚಸಿ ತಾನು ಮೃತಪಟ್ಟಿರುವ ಹಾಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡುವಂತೆ ಹೇಳಿದ್ದಾನೆ. ಆರಂಭದಲ್ಲಿ ಇದಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದ ಆತನ ಮಡದಿ ಮತ್ತು ಇಬ್ಬರು ಹೆಣ್ಣು ಮಕ್ಕಳು ಬಳಿಕ ಆತನ ಮಾತಿಗೆ ಒಪ್ಪಿದ್ದಾರೆ.

ಇದನ್ನೂ ಓದಿ: ಮನೆ ನೋಡುವ ನೆಪದಲ್ಲಿ ಮಹಿಳೆಯರ ಒಳಉಡುಪುಗಳನ್ನು ಕದ್ದು ಹಸ್ತಮೈಥುನ; ಕಾಮುಕನ ಕೃತ್ಯ ಸಿಸಿಟಿವಿಯಲ್ಲಿ ಸೆರೆ

ಅದರಂತೆ, ಆತನ ಮಡದಿ ಹಾಗೂ ಇಬ್ಬರು ಹೆಣ್ಣು ಮಕ್ಕಳು ಸಾಮಾಜಿಕ ಜಾಲತಾಣದಲ್ಲಿ ತನ್ನ ತಂದೆ ಮೃತಪಟ್ಟಿರುವುದಾಗಿ ಹೇಳಿ ಭಾವುಕವಾಗಿ ಸಂದೇಶ​ ಒಂದನ್ನು ಬರೆದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್​ ಮಾಡಿದ್ದಾರೆ. ಇದಾದ ಕೆಲ ಹೊತ್ತಿನ ಬಳಿಕ ಆತನ ಮನೆ ಬಳಿ ಜಮಾಯಿಸಿದ ಕುಟುಂಬಸ್ಥರು ಹಾಗೂ ಆತ್ಮೀಯರು ಅಂತಿಮ ವಿಧಿ-ವಿಧಾನಗಳನ್ನು ನೆರವೇರಿಸಿದ್ದಾರೆ.

ಈ ವೇಳೆ ಡೇವಿಡ್ ಬೇರೊಂದು ಸ್ಥಳದಲ್ಲಿದ್ದುಕೊಂಡು​ ಕುಟುಂಬಸ್ಥರು ಹಾಗೂ ಆಪ್ತರು ಮನೆ ಬಳಿ ಜಮಾಯಿಸಿರುವ ವಿಚಾರವನ್ನು ತಿಳಿದು ಹೆಲಿಕಾಪ್ಟರ್​ ಮೂಲಕ ಆಗಮಿಸಿ ಎಲ್ಲರಿಗೂ ಒಂದು ನಿಮಿಷ ಶಾಕ್​ ಕೊಟ್ಟಿದ್ದಾರೆ. ಡೇವಿಡ್​ ಬದುಕಿರುವ ವಿಚಾರವನ್ನು ತಿಳಿದು ಆತನ ಕುಟುಂಬಸ್ಥರು ಅಪ್ಪಿ ಅಳುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

https://www.vijayavani.net/congress-slams-bjp-over-anabhagya-politics

https://www.vijayavani.net/dehradun-house-locked-for-3-days-foul-smell-leads-cops-to-4-day-old-child-decomposed-bodies-of-couple