ಸೆಲ್ಫಿ ತೆಗೆದುಕೊಳ್ಳಲು ಹೋಗಿ ಬೃಹತ್ ಮೊಸಳೆಯ ದಾಳಿಗೊಳಗಾದ; ಸ್ವಲ್ಪ ಎಡವಟ್ಟಾಗಿದ್ದರೂ ಜನ್ಮದಿನದಂದೇ ಸಾವು!?

ದೆಹಲಿ: ಮೊಸಳೆ ಬಂತು ಮೊಸಳೆ ಎಂಬ ಕಥೆಯನ್ನು ಸಾಮಾನ್ಯವಾಗಿ ಎಲ್ಲರೂ ಕೇಳಿರುತ್ತಾರೆ. ಅಲ್ಲಿ ಮನುಷ್ಯನೊಬ್ಬ ಮೊಸಳೆಯ ಹೆಸರು ಹೇಳಿ ಸುಳ್ಳು ಹೇಳಿ ಕೊನೆಗೆ ತಾನೇ ಅದಕ್ಕೆ ಬಲಿಯಾಗುತ್ತಾನೆ. ಅದೇ ರೀತಿ ಇಲ್ಲೊಬ್ಬ ವ್ಯಕ್ತಿ ಮೊಸಳೆಯನ್ನು ಕಂಡು ತಾನೇ ಮೋಸ ಹೋಗಿ, ಅಪಾಯಕ್ಕೆ ಸಿಲುಕಿದ್ದು, ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

ಫಿಲಿಪ್ಪೈನ್ಸ್​ನ ಕಗಾಯೆನ್​ ಡಿ ಒರೊ ಸಿಟಿ ಎಂಬಲ್ಲಿನ ಅಮ್ಯೂಸ್​ಮೆಂಟ್ ಪಾರ್ಕ್​ನಲ್ಲಿ ಇಂಥದ್ದೊಂದು ಘಟನೆ ಸಂಭವಿಸಿದೆ. ನೆಹೆಮಿಯಾಸ್ ಚಿಪಾಡ ಎಂಬ 68 ವರ್ಷದ ವ್ಯಕ್ತಿ ನ. 10ರಂದು ತನ್ನ ಜನ್ಮದಿನಾಚರಣೆ ಸಲುವಾಗಿ ಕುಟುಂಬದೊಂದಿಗೆ ಈ ಪಾರ್ಕ್​ಗೆ ಬಂದಿದ್ದ. ಅಲ್ಲಿನ ಕೊಳವೊಂದರಲ್ಲಿ ಇದ್ದ ಮೊಸಳೆಯನ್ನು ಕಂಡು ಆತ ತಪ್ಪು ಭಾವಿಸಿ ಎಡವಟ್ಟು ಮಾಡಿಕೊಂಡಿದ್ದೇ ಇಷ್ಟಕ್ಕೆಲ್ಲ ಕಾರಣ.

ಇದನ್ನೂ ಓದಿ: ಕರೊನಾ ಎಂದು ಊರು ಬಿಟ್ಟಿದ್ದ ಮಾಜಿ ಶಾಸಕ; ಎರಡು ವರ್ಷಗಳ ಬಳಿಕ ಕ್ಷೇತ್ರಕ್ಕೆ ಮರಳಿದಾಗ ಜನರಿಂದ ಭರ್ಜರಿ ಸ್ವಾಗತ!

ಕೊಳದಲ್ಲಿರುವು ಮೊಸಳೆಯ ಪ್ರತಿಕೃತಿ ಎಂದು ಭಾವಿಸಿದ ಆತ ನೀರಿಗಿಳಿದು ಸೆಲ್ಫಿ ತೆಗೆದುಕೊಳ್ಳಲು ಮುಂದಾಗಿದ್ದ. ಆಗ ಮೊಸಳೆ ದಾಳಿ ಮಾಡಿ ಕಚ್ಚಿಕೊಂಡಾಗಲೇ ಆತನಿಗೆ ಸತ್ಯ ಅರ್ಥವಾಗಿದ್ದು. ಸುಮಾರು 12 ಅಡಿ ಉದ್ದದ ಬೃಹತ್ ಮೊಸಳೆ ಆತನ ಮೇಲೆರಗಿ ಕಚ್ಚಿ ಹಿಡಿದಿದೆ. ಆತ ಕೂಗಿ ಕೊಸರಾಡಿ ಅದು ಹೇಗೋ ಪ್ರಾಣಾಪಾಯದಿಂದ ಬಚಾವಾಗಿದ್ದಾನೆ.

ಇದನ್ನೂ ಓದಿ: ‘ಸಖತ್’​ ಸಿನಿಮಾ ವಿರುದ್ಧ ಎದ್ದಿತೊಂದು ದನಿ, ಅಂಧರ ಕ್ಷಮೆ ಕೋರಲು ಮುಂದಾದ್ರು ಚಿತ್ರ ನಿರ್ದೇಶಕ ಸುನಿ..

ಮೊಸಳೆ ದಾಳಿಯಿಂದ ಆತನ ಮೂಳೆ ಮುರಿತಕ್ಕೊಳಗಾಗಿದ್ದು, ಎಡತೋಳು ಹಾಗೂ ತೊಡೆಯಲ್ಲಿ ಹೊಲಿಗೆ ಹಾಕಿಸುವಷ್ಟು ದೊಡ್ಡ ಗಾಯಗಳಾಗಿದ್ದು, ತೀವ್ರ ರಕ್ತಸ್ರಾವವಾಗಿದೆ. ಅಮ್ಯೂಸ್​ಮೆಂಟ್​ ಪಾರ್ಕ್​ ಸಿಬ್ಬಂದಿ ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಮ್ಯೂಸ್​ಮೆಂಟ್​ ಪಾರ್ಕ್​ನವರು ಸರಿಯಾದ ಸೂಚನಾ ಫಲಕ ಅಳವಡಿಸಿದ್ದರೆ ಸೆಲ್ಫಿಗೆ ಮುಂದಾಗುತ್ತಿರಲಿಲ್ಲ ಎಂದು ಕುಟುಂಬದವರು ಆರೋಪಿಸಿದ್ದಾರೆ. -ಏಜೆನ್ಸೀಸ್

https://www.vijayavani.net/mla-neharu-olekars-grand-children-committed-suicide/

https://www.vijayavani.net/villagers-tied-lovers-to-electric-pole-and-assaulted/