ಸೇತುಪತಿ ಅಭಿನಯದ 50ನೇ ಚಿತ್ರ ಇದಾಗಿದ್ದು, ಬಾಕ್ಸ್ ಆಫೀಸ್ನಲ್ಲಿ ನಿರೀಕ್ಷೆಗೆ ತಕ್ಕಂತೆ ಆದಾಯ ಗಳಿಸಿತು. ತನ್ನ ಪಾತ್ರವರ್ಗ ಹಾಗೂ ಕಥಾಹಂದರಿಂದಲೇ ನೋಡುಗರ ಮನಗೆದ್ದ ಮಹಾರಾಜ, ಒಟಿಟಿಯಲ್ಲಿ ದಾಖಲೆ ಮಟ್ಟಕ್ಕೆ ವೀಕ್ಷಣೆ ಪಡೆದಿದ್ದು, ಚಿತ್ರತಂಡದ ಗೆಲುವಿಗೆ ಹೊಸ ಮುನ್ನುಡಿ ಬರೆಯಿತು. ವಿಜಯ್ ಸೇತುಪತಿ ಅಭಿನಯಕ್ಕೆ ಫಿದಾ ಆಗಿರುವ ಪ್ರೇಕ್ಷಕರು, ಯಾವ ಪಾತ್ರ ಕೊಟ್ಟರು ಅದಕ್ಕೆ ಜೀವ ತುಂಬುವ ನಟರಲ್ಲಿ ನೀವು ಒಬ್ಬರು, ಇಂತಹ ಒಳ್ಳೊಳ್ಳೆ ಪಾತ್ರಗಳು ನಿಮಗೇ ಸಿಗಲಿ ಎಂದು ಆಶಿಸಿದ್ದಾರೆ. ಭಾರತೀಯ ಸಿನಿಪ್ರಿಯರ ಮೆಚ್ಚುಗೆ ಪಡೆದಿದ್ದ ಮಹಾರಾಜ ಈಗ ಚೀನಾದಲ್ಲಿ ಬಿಡುಗಡೆಯಾಗಿ, ಅಲ್ಲಿನ ಪ್ರೇಕ್ಷಕರ ಕಣ್ಣಂಚಲ್ಲಿ ನೀರು ತರಿಸಿರುವುದು ವಿಶೇಷ.
