ಹೊಸ ವರ್ಷದ ಮೊದಲ ಹಬ್ಬಕ್ಕೆ 5 ತಮಿಳು ಚಿತ್ರಗಳು ರಿಲೀಸ್​! ಇಲ್ಲಿದೆ ಬಹುನಿರೀಕ್ಷಿತ ಸಿನಿಮಾಗಳ ಪಟ್ಟಿ | Tamil Movies

Tamil Movies: ಕಳೆದ ವರ್ಷ ಸಿನಿಪ್ರೇಕ್ಷಕರಿಗೆ ಭರಪೂರ ಮನರಂಜನೆ ನೀಡಿದ ಭಾರತದ ಪ್ರಮುಖ ಭಾಷೆಯ ಚಿತ್ರರಂಗದ ಸಿನಿಮಾಗಳು ಬಾಕ್ಸ್​ ಆಫೀಸ್​ನಲ್ಲಿ ಅಬ್ಬರಿಸುವುದರ ಜತೆಗೆ ಪ್ರೇಕ್ಷಕರಿಂದ ಪಾಸಿಟಿವ್ ಪ್ರತಿಕ್ರಿಯೆಗಳನ್ನು ಪಡೆದುಕೊಳ್ಳುವಲ್ಲಿ ಮೇಲುಗೈ ಸಾಧಿಸಿತು. ಒಂದಷ್ಟು ಸಿನಿ ಇಂಡಸ್ಟ್ರಿಗಳು ಮಾತ್ರ ಬ್ಯಾಕ್​ ಟು ಬ್ಯಾಕ್​ ಚಿತ್ರಗಳ ಸೋಲಿನ ಮೂಲಕ ಅಪಾರ ನಷ್ಟವನ್ನು ಎದುರಿಸಿದ್ದು ಬಿಟ್ಟರೆ ಉಳಿದ ಚಿತ್ರರಂಗಗಳು ಒಳ್ಳೆಯ ಲಾಭವನ್ನು ಕಂಡಿದೆ.

ಇದನ್ನೂ ಓದಿ: ತಪ್ಪದ ಡಿಜಿಟಲ್​ ಅರೆಸ್ಟ್​! ಒಂದೇ ಒಂದು ಸುಳ್ಳು ಬೆದರಿಕೆಗೆ 9.93 ಲಕ್ಷ ರೂ. ಕಳೆದುಕೊಂಡ ಯುವತಿ ಕಣ್ಣೀರು | Fake Case

ಬಾಲಿವುಡ್​, ಮಾಲಿವುಡ್​ ವಿಫಲ

ಸ್ಯಾಂಡಲ್​ವುಡ್​, ಕಾಲಿವುಡ್​, ಟಾಲಿವುಡ್​ ಚಿತ್ರಗಳು ಭಾರತೀಯ ಬಾಕ್ಸ್​ ಆಫೀಸ್​ನಲ್ಲಿ ಧೂಳೆಬ್ಬಿಸಿದರೆ, ಬಾಲಿವುಡ್​ ಮತ್ತು ಮಾಲಿವುಡ್​ನ ಬಹುತೇಕ ಸಿನಿಮಾಗಳು ಚಿತ್ರರಸಿಕರ ಮನಗೆಲ್ಲುವಲ್ಲಿ ವಿಫಲಗೊಂಡು, ಗಲ್ಲಾಪೆಟ್ಟಿಗೆಯಲ್ಲಿ ಹೀನಾಯ ಸೋಲುಂಡಿತು. ಇದರಿಂದ ಆಯಾ ಚಿತ್ರರಂಗಕ್ಕೆ ಭಾರೀ ನಷ್ಟವೂ ಉಂಟಾಯಿತು. ಸದ್ಯ ಹೊಸ ವರ್ಷಕ್ಕೆ ಕಾಲಿಟ್ಟಿರುವ ಬೆನ್ನಲ್ಲೇ ಪ್ರೇಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್​ ಹಾಗೂ ಬ್ಲಾಕ್​ಬಸ್ಟರ್​ ಸಿನಿಮಾಗಳನ್ನು ನೀಡಲು ಆಯಾ ಚಿತ್ರರಂಗದವರು ಸಜ್ಜಾಗಿದ್ದು, ಈ ಸಾಲಿನಲ್ಲಿ ಕಾಲಿವುಡ್​ ಒಂದು ಹೆಜ್ಜೆ ಮುಂದಿದೆ.

ಕಾಲಿವುಡ್​ ಕಮಾಲ್​

2025ರ ಸಂಕ್ರಾಂತಿ ಹಬ್ಬಕ್ಕೆ ತಮ್ಮ ಚಿತ್ರರಂಗದಿಂದ ಬಹುನಿರೀಕ್ಷಿತ ಸಿನಿಮಾಗಳನ್ನು ತೆರೆಗೆ ತರಲು ನಿರ್ಧರಿಸಿರುವ ನಿರ್ಮಾಪಕರು, ಈಗಾಗಲೇ ಚಿತ್ರದ ರಿಲೀಸ್ ದಿನಾಂಕವನ್ನು ಘೋಷಿಸಿದ್ದಾರೆ. ಅಸಲಿಗೆ ಯಾವ ಸ್ಟಾರ್ ನಟರ ಸಿನಿಮಾಗಳು ಈ ಪಟ್ಟಿಯಲ್ಲಿದೆ? ಯಾರೆಲ್ಲಾ ಈ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ ಎಂಬುದರ ವಿವರ ಈ ಕೆಳಕಂಡಂತಿದೆ ಗಮನಿಸಿ.

1. ಮದಗಜ ರಾಜ

ಪಾತ್ರವರ್ಗ: ನಟ ವಿಶಾಲ್, ಸಂತಾನಂ, ಅಂಜಲಿ, ವರಲಕ್ಷ್ಮಿ ಶರತ್‌ಕುಮಾರ್, ಸೋನು ಸೂದ್, ಮಣಿವಣ್ಣನ್ (ದಿವಂಗತ ನಟ), ಸುಬ್ಬರಾಜು, ರಾಜೇಂದ್ರನ್ ಮುಂತಾದವರ ತಾರಾಗಣ.

ನಿರ್ದೇಶಕ: ಸುಂದರ್. ಸಿ

ಜಾನರ್​: ಆ್ಯಕ್ಷನ್-ಕಾಮಿಡಿ

ರಿಲೀಸ್​ ಡೇಟ್​: ಜನವರಿ 12, 2025

2. ನೇಸಿಪ್ಪಾಯ

ಪಾತ್ರವರ್ಗ: ಆಕಾಶ್ ಮುರಳಿ, ಅದಿತಿ ಶಂಕರ್, ಆರ್. ಶರತ್‌ಕುಮಾರ್, ಖುಷ್ಬು ಸುಂದರ್, ಪ್ರಭು, ಕಲ್ಕಿ ಕೊಚ್ಲಿನ್, ಶಿವ ಪಂಡಿತ್.

ನಿರ್ದೇಶಕ: ವಿಷ್ಣುವರ್ಧನ್

ಜಾನರ್​: ರೋಮ್ಯಾಂಟಿಕ್ ಥ್ರಿಲ್ಲರ್

ರಿಲೀಸ್​ ಡೇಟ್​: ಜನವರಿ 14, 2025

3. ವನಂಗಾನ್

ಪಾತ್ರವರ್ಗ: ಅರುಣ್ ವಿಜಯ್, ರೋಶನಿ ಪ್ರಕಾಶ್, ಸಮುದ್ರಕನಿ, ಜಾನ್ ವಿಜಯ್, ಮಿಸ್ಕಿನ್, ರಾಧಾ ರವಿ ಮುಂತಾದವರು.

ನಿರ್ದೇಶಕ: ಬಾಲಾ

ಜಾನರ್​: ಆ್ಯಕ್ಷನ್, ಡ್ರಾಮಾ

ರಿಲೀಸ್​ ಡೇಟ್​: ಜನವರಿ 10, 2025

4. ಮದ್ರಾಸ್ಕಾರನ್

ಪಾತ್ರವರ್ಗ: ಶೇನ್ ನಿಗಮ್, ಕಲೈಯರಸನ್, ನಿಹಾರಿಕಾ ಕೊನಿಡೇಲಾ, ಐಶ್ವರ್ಯಾ ದತ್ತಾ, ಕರುಣಾಸ್, ಪಾಂಡ್ಯರಾಜನ್ ಮುಂತಾದವರ ತಾರಾಗಣ.

ನಿರ್ದೇಶಕ: ವಾಲಿ ಮೋಹನ್ ದಾಸ್

ಜಾನರ್​: ಆ್ಯಕ್ಷನ್​

ರಿಲೀಸ್​ ಡೇಟ್​: ಜನವರಿ 10, 2025

5. ಕದಳಿಕ್ಕ ನೆರಮಿಲ್ಲೈ

ಪಾತ್ರವರ್ಗ: ಜಯಂ ರವಿ, ನಿತ್ಯಾ ಮೆನೆನ್, ಯೋಗಿ ಬಾಬು, ವಿನಯ್ ರೈ, ಜಾನ್ ಕೊಕ್ಕೆನ್, ಲಾಲ್, ಜಾನ್ ಕೊಕ್ಕೆನ್, ಮನೋ

ನಿರ್ದೇಶಕ: ಕಿರುತಿಗ ಉದಯನಿಧಿ

ಜಾನರ್​: ರೋಮ್ಯಾಂಟಿಕ್, ಕಾಮಿಡಿ

ರಿಲೀಸ್​ ಡೇಟ್​: ಜನವರಿ 14, 2025 (ಏಜೆನ್ಸೀಸ್).

https://www.vijayavani.net/max-collections-takes-another-big-step