'ಲಕ್ಕಿ ಬಾಸ್ಕರ್' ಚಿತ್ರದಿಂದ ಅಪಾರ ಪ್ರಶಂಸೆ, ಮನ್ನಣೆ ಪಡೆದಿರುವ ಮೀನಾಕ್ಷಿ ಚೌಧರಿ, ಸದ್ಯ ಟಾಲಿವುಡ್ನ ಲಕ್ಕಿ ಹೀರೋಯಿನ್ ಆಗಿ ಹೊರಹೊಮ್ಮಿದ್ದಾರೆ. ನಟಿ ಅಭಿನಯದ ಹಲವಾರು ಸಿನಿಮಾಗಳು 2025ರಲ್ಲಿ ತೆರೆಕಾಣಲು ಸಜ್ಜಾಗಿದ್ದು, ಈ ಪೈಕಿ 'ಸಂಕ್ರಾಂತಿಕಿ ಯಾಳ್ನಾಂ' ಚಿತ್ರ ಈಗಾಗಲೇ ಬಿಡುಗಡೆಗೆ ಸಿದ್ಧವಾಗಿದೆ. ಸಂಕ್ರಾಂತಿ ಹಬ್ಬದಂದೇ ಸಿನಿಮಾ ತೆರೆ ಕಾಣಲಿದೆ ಎಂದು ಸಿನಿ ಮೂಲಗಳು ಮಾಹಿತಿ ಹಂಚಿಕೊಂಡಿವೆ. ಇದರೊಟ್ಟಿಗೆ ಮತ್ತೆರೆಡು ಚಿತ್ರಗಳಲ್ಲಿ ಮೀನಾಕ್ಷಿ ನಾಯಕಿಯಾಗಿ ಆಯ್ಕೆಯಾಗಿದ್ದು, ಒಟ್ಟಾರೆ ಮುಂದಿನ ವರ್ಷ ಮೂರ್ನಾಲ್ಕು ಚಿತ್ರಗಳೊಂದಿಗೆ ತೆರೆ ಮೇಲೆ ಮಿಂಚಲು ಎದುರುನೋಡುತ್ತಿದ್ದಾರೆ ಎಂಬುದು ವಿಶೇಷ,(ಏಜೆನ್ಸೀಸ್).
