ಪುತ್ರನ ಶತಕದಾಟವನ್ನು ನೋಡಲು ಮೈದಾನಕ್ಕೆ ಬಂದಿದ್ದ ನಿತೀಶ್ ರೆಡ್ಡಿ ಅವರ ತಂದೆ ಮುತ್ಯಾಲ ರೆಡ್ಡಿ, ಮಗ ಆಸ್ಟ್ರೇಲಿಯಾ ಪಡೆಯ ಬೌಲರ್ಗಳ ಬೌಲಿಂಗ್ಗೆ ಬೆದರದೆ, ಶತಕ ಬಾರಿಸಿದ್ದನ್ನು ಕಂಡು ಭಾವುಕರಾದರು. ಇನ್ನು ಹೆಂಡತಿ, ಮಗಳೊಂದಿಗೆ ಪುತ್ರನನ್ನು ಕಣ್ತುಂಬಿಕೊಳ್ಳಲು ನಿತೀಶ್ ಉಳಿದಿದ್ದ ಕೊಠಡಿಗೆ ತೆರಳಿದ ಮುತ್ಯಾಲ, ಮಗನನ್ನು ತಬ್ಬಿ, ಮುದ್ದಾಡಿದ ದೃಶ್ಯ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿವೆ. ಒಂದೆಡೆ ಯುವ ಕ್ರಿಕೆಟಿಗನ ಸಾಧನೆಯನ್ನು ಜನರು ಕೊಂಡಾಡುತ್ತಿದ್ದರೆ, ಅತ್ತ ನಿತೀಶ್ 12 ವರ್ಷ ವಯಸ್ಸಿನಲ್ಲಿದ್ದಾಗ ಕ್ರಿಕೆಟ್ಗಾಗಿ ಪಟ್ಟ ಕಷ್ಟ, ಆತನ ಕುಟುಂಬದ ತ್ಯಾಗಗಳನ್ನು ಭಾರತದ ಮಾಜಿ ವಿಕೆಟ್ ಕೀಪರ್ ಮತ್ತು ಮಾಜಿ ಆಯ್ಕೆಗಾರ ಎಂ.ಎಸ್.ಕೆ ಪ್ರಸಾದ್ ಇಲ್ಲಿ ನೆನಪಿಸಿಕೊಂಡಿದ್ದಾರೆ.
