'ಚುನಾವಣೆಯಲ್ಲಿ ಸ್ಪರ್ಧಿಸುವ ಧೈರ್ಯ ನಿಮಗಿಲ್ಲ': ಪ್ರತಿಪಕ್ಷಗಳ ವಿರುದ್ಧ ಪ್ರಧಾನಿ ಮೋದಿ ವಾಗ್ದಾಳಿ

ನವದೆಹಲಿ: ಪ್ರತಿಪಕ್ಷಗಳಿಗೆ ಚುನಾವಣೆಯಲ್ಲಿ ಸ್ಪರ್ಧಿಸುವ ಧೈರ್ಯವಿಲ್ಲ ಎಂದು ಆರೋಪಿಸಿದ ಮೋದಿ, ಅನೇಕರು ಲೋಕಸಭೆಯ ಬದಲು ರಾಜ್ಯಸಭೆಗೆ ಸ್ಥಾನಗಳನ್ನು ಬದಲಾಯಿಸಲು ಬಯಸುತ್ತಿದ್ದಾರೆ ಎಂದು ಆರೋಪಿಸಿದರು.

ಇದನ್ನೂ ಓದಿ: IND vs ENG: ಇಂಗ್ಲೆಂಡ್ ವಿರುದ್ಧ ಜಯ..ಭಾರತ ಡಬ್ಲ್ಯೂಟಿಸಿ ಟೇಬಲ್‌ನಲ್ಲಿ ಯಾವ ಸ್ಥಾನಕ್ಕೆ ಜಿಗಿದಿದೆ ಗೊತ್ತಾ?

ಸೋಮವಾರ ಲೋಕಸಭೆಯಲ್ಲಿ ರಾಷ್ಟ್ರಪತಿಗಳ ಭಾಷಣದ ಮೇಲಿನ ವಂದನಾ ನಿರ್ಣಯಕ್ಕೆ ಉತ್ತರಿಸಿದ ಪ್ರಧಾನಿ ಮೋದಿ, "ನಿಮ್ಮಲ್ಲಿ ಅನೇಕರು (ವಿರೋಧಗಳು) ಚುನಾವಣೆಯಲ್ಲಿ ಸ್ಪರ್ಧಿಸುವ ಧೈರ್ಯವನ್ನು ಕಳೆದುಕೊಂಡಿರುವುದನ್ನು ನಾನು ನೋಡುತ್ತಿದ್ದೇನೆ" ಎಂದು ವಾಗ್ಧಾಳಿ ನಡೆಸಿದರು.

“ಕಳೆದ ಬಾರಿಯೂ ಕೆಲವು ಸೀಟುಗಳನ್ನು ಬದಲಾಯಿಸಲಾಗಿತ್ತು, ಈ ಬಾರಿಯೂ ಅನೇಕರು ತಮ್ಮ ಸೀಟುಗಳನ್ನು ಬದಲಾಯಿಸಲು ಬಯಸುತ್ತಿದ್ದಾರೆ ಎಂದು ನಾನು ಕೇಳಿದ್ದೇನೆ. ಈಗ ಅನೇಕರು ಲೋಕಸಭೆಯ ಬದಲು ರಾಜ್ಯಸಭೆಗೆ ಹೋಗಲು ಬಯಸುತ್ತಾರೆ ಎಂಬುದನ್ನು ನಾನು ಅರಿತಿದ್ದೇನೆ. ಅವರು ಪರಿಸ್ಥಿತಿಯನ್ನು ನಿರ್ಣಯಿಸುವ ಮೂಲಕ ತಮ್ಮ ಮಾರ್ಗಗಳನ್ನು ಹುಡುಕುತ್ತಿದ್ದಾರೆ, ”ಎಂದು ಅವರು ಹೇಳಿದರು.

ಅಲ್ಪಸಂಖ್ಯಾತರ ಪ್ರಾತಿನಿಧ್ಯ ಮತ್ತು ಅಲ್ಪಸಂಖ್ಯಾತ ಸಮುದಾಯಗಳಿಗೆ ಕೈಗೊಂಡಿರುವ ಉಪಕ್ರಮಗಳ ಬಗ್ಗೆ ಪ್ರತಿಪಕ್ಷಗಳ ಆತಂಕವನ್ನು ಉದ್ದೇಶಿಸಿ ಮಾತನಾಡಿದ ಮೋದಿ, ಪ್ರಾದೇಶಿಕ ಜನಸಂಖ್ಯೆ ಅವಲಂಬಿಸಿ ಅಲ್ಪಸಂಖ್ಯಾತರ ವ್ಯಾಖ್ಯಾನವು ಬದಲಾಗಬಹುದು ಎಂದು ಒತ್ತಿ ಹೇಳಿದರು.

"ಬಹುಶಃ ಮೀನುಗಾರರು, ಗೋ ಪಾಲಕರು, ರೈತರು, ಮಹಿಳೆಯರು ನಿಮ್ಮ ಲೆಕ್ಕಾಚಾರದಲ್ಲಿ ಅಲ್ಪಸಂಖ್ಯಾತರಲ್ಲದಿರಬಹುದು, ಸಾಮಾಜಿಕ ವಿಭಜನೆಗೆ ವಿರೋಧ ಪಕ್ಷ ಮುಂದಾಳತ್ವ ವಹಿಸಿರುವುದು ಸರಿಯೇ ಎಂದು ಪ್ರಶ್ನಿಸಿದರು.

ಪ್ರಸ್ತುತ ಭಾರತ್ ಜೋಡೋ ನ್ಯಾಯ್ ಯಾತ್ರೆಯನ್ನು ಮುನ್ನಡೆಸುತ್ತಿರುವ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರನ್ನು ಸೂಕ್ಷ್ಮವಾಗಿ ಟೀಕಿಸಿದ ಪ್ರಧಾನಿ ಮೋದಿ, “ಏಕ್ ಹೈ ಉತ್ಪನ್ನ ಬಾರ್-ಬಾರ್ ಲಾಂಚ್ ಕರ್ನೇ ಕೆ ಚಕ್ಕರ್ ಮೇ, ಕಾಂಗ್ರೆಸ್ ಕಿ ದುಕಾನ್ ತಾಲಾ ಲಗ್ನೇ ಕಿ ನೌಬತ್ ಆ ಗಯಿ. (ಅದೇ ಉತ್ಪನ್ನವನ್ನು ಮರು-ಪ್ರಾರಂಭಿಸುವ ಪ್ರಯತ್ನದಲ್ಲಿ, ಕಾಂಗ್ರೆಸ್‌ನ ಅಂಗಡಿಯು ಲಾಕ್ ಆಗುವ ಅಂಚಿನಲ್ಲಿದೆ)." ಎಂದು ವಾಗ್ದಾಳಿ ನಡೆಸಿದರು

https://www.vijayavani.net/lucknow-jail-test-hiv-positive-in-alarming-surge