ದುಷ್ಕರ್ವಿುಗಳು ಯಾರು?: 27 ವರ್ಷದ ಸಾಗರ್ ಶರ್ಮ, ಉತ್ತರ ಪ್ರದೇಶದ ಲಖನೌದ ಆಲಂಭಾಗ್ನಲ್ಲಿರುವ ರಾಮನಗರದ ನಿವಾಸಿಯಾಗಿದ್ದು, ರೋಶನ್ ಎಂಬವರ ಪುತ್ರ. 34 ವರ್ಷದ ಮನೋರಂಜನ್, ಮೈಸೂರಿನ ವಿಜಯನಗರದ ಡಿ. ದೇವರಾಜ್ ಎಂಬವರ ಪುತ್ರನಾಗಿದ್ದು, ಬೆಂಗಳೂರಿನ ವಿವೇಕಾನಂದ ಕಾಲೇಜಿನಿಂದ ಕಂಪ್ಯೂಟರ್ ಸೈನ್ಸ್ ಇಂಜಿನಿಯರಿಂಗ್ ಪದವಿ ಪಡೆದಿದ್ದಾನೆ. ಸಂಸತ್ತಿನ ಹೊರಭಾಗ ಪ್ರತಿಭಟನೆ ನಡೆಸಿದ ವೇಳೆ ಬಂಧನಕ್ಕೀಡಾದ ನೀಲಂ ಆಜಾದ್, ಹರ್ಯಾಣದ ಜಿಂದ್ ಜಿಲ್ಲೆಯ ಘಾಸೋ ಖುರ್ದ್ ಹಳ್ಳಿಗೆ ಸೇರಿದ್ದು, ಹಿಸಾರ್ನ ಪಿಜಿಯೊಂದರಲ್ಲಿ ನೆಲೆಸಿದ್ದಾಳೆ. ಅನ್ಮೋಲ್ ಮಹಾರಾಷ್ಟ್ರದ ಲಾತೂರ್ ಮೂಲದವನು. ಕೇಂದ್ರ ಕೃಷಿ ಕಾಯ್ದೆಗಳ ವಿರುದ್ಧ ದಿಲ್ಲಿ ಗಡಿಭಾಗದಲ್ಲಿ ನಡೆದಿದ್ದ ರೈತರ ಪ್ರತಿಭಟನೆಯಲ್ಲಿ ನೀಲಂ ಸಕ್ರಿಯವಾಗಿ ಭಾಗಿಯಾಗಿದ್ದಳು ಮತ್ತು ಕುಸ್ತಿಪಟು ಸಾಕ್ಷಿ ಮಲಿಕ್ ಮತ್ತಿತರರು ಕಳೆದ ಮೇ ತಿಂಗಳಲ್ಲಿ ದಿಲ್ಲಿಯ ಜಂತರ್ವುಂತರ್ನಲ್ಲಿ ಪ್ರತಿಭಟನೆ ನಡೆಸಿದ್ದ ವೇಳೆ ಸಾಕ್ಷಿ ಮಲಿಕ್ ತಾಯಿ ಜತೆಗೆ ಬಂಧನಕ್ಕೀಡಾಗಿದ್ದಳು. ಕೇಂದ್ರದ ವಿರುದ್ಧದ ಪ್ರತಿಭಟನೆಗಳಲ್ಲಿ ನೀಲಂ ಸಕ್ರಿಯವಾಗಿ ಭಾಗವಹಿಸುತ್ತಿದ್ದಳು.
