ಲೋಕಸಭೆ ಚುನಾವಣೆ: ಐಟಿ ದಾಳಿ.. ದಾಖಲೆಯ 1,100 ಕೋಟಿ ರೂ. ವಶ..! ಕರ್ನಾಟಕಕ್ಕೆ ಸಿಂಹಪಾಲು!!!

ನವದೆಹಲಿ: ಈ ಬಾರಿಯ ಲೋಕಸಭೆ ಚುನಾವಣೆಯಲ್ಲಿ ಆದಾಯ ತೆರಿಗೆ ಇಲಾಖೆ ನಡೆಸಿದ ದಾಳಿಯಲ್ಲಿ ದಾಖಲೆಯ 1,100 ಕೋಟಿ ರೂಪಾಯಿ ಮೌಲ್ಯದ ನಗದು ಮತ್ತು ಆಭರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: ನಾಯಿ ಉಪಚಾರ: ರತನ್ ಟಾಟಾಗೆ ನಟಿ ರೂಪಾಲಿ ಗಂಗೂಲಿ ಶ್ಲಾಘನೆ

2019ರಲ್ಲಿ 390 ಕೋಟಿ ರೂ.ವಶಪಡಿಸಿಕೊಳ್ಳಲಾಗಿತ್ತು. ಆದರೆ ಈ ಬಾರಿ ಅದಕ್ಕಿಂತ ಶೇ.182ರಷ್ಟು ಹೆಚ್ಚು ನಗದು ವಶಪಡಿಸಿಕೊಳ್ಳಲಾಗಿದೆ. ಮೇ 30ರವರೆಗೆ ವಶಪಡಿಸಿಕೊಂಡಿರುವ ಹಣ ಸುಮಾರು 1100 ಕೋಟಿ ರೂಪಾಯಿ ಎಂದು ಆದಾಯ ತೆರಿಗೆ ಮೂಲಗಳು ತಿಳಿಸಿವೆ.

ಕರ್ನಾಟಕಕ್ಕೆ ಅಗ್ರಸ್ಥಾನ:

ಅತಿ ಹೆಚ್ಚು ಐಟಿ ದಾಳಿಗೆ ಒಳಗಾದ ರಾಜ್ಯಗಳ ಪಟ್ಟಿಯಲ್ಲಿ ಕರ್ನಾಟಕ ಮೊದಲ ಸ್ಥಾನದಲ್ಲಿದೆ. ಈ ರಾಜ್ಯದಲ್ಲಿ 200 ಕೋಟಿ ರೂಪಾಯಿ ಮೌಲ್ಯದ ನಗದು ಮತ್ತು ಆಭರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ತಮಿಳುನಾಡು 150 ಕೋಟಿ ರೂ.ಗಳೊಂದಿಗೆ ಎರಡನೇ ಸ್ಥಾನದಲ್ಲಿದೆ. ಆಂಧ್ರಪ್ರದೇಶ, ತೆಲಂಗಾಣ ಮತ್ತು ಒಡಿಶಾದಲ್ಲಿ ವಶಪಡಿಸಿಕೊಂಡಿರುವ ಹಣ 100 ಕೋಟಿ ರೂ.ಗೂ ಹೆಚ್ಚು.

ಚುನಾವಣಾ ನೀತಿ ಸಂಹಿತೆ ಮಾರ್ಚ್ 16 ರಂದು ಜಾರಿಗೆ ಬಂದಿದ್ದು, ಚುನಾವಣಾ ಆಯೋಗವು ಲೋಕಸಭೆ ಚುನಾವಣೆಯ ದಿನಾಂಕಗಳನ್ನು ಘೋಷಿಸಿತು. ಅಂದಿನಿಂದ, ಮತದಾರರನ್ನು ಸೆಳೆಯಲು ನಾಯಕರು ವಿವಿಧ ರೀತಿಯಲ್ಲಿ ಸರಬರಾಜು ಮಾಡುವ ಮದ್ಯ, ನಗದು ಮತ್ತು ಉಚಿತಗಳ ವಿತರಣಾ ಮಾರ್ಗಗಳ ಮೇಲೆ ಆದಾಯ ತೆರಿಗೆ ಅಧಿಕಾರಿಗಳು ತೀವ್ರ ನಿಗಾ ಇಟ್ಟಿದ್ದರು. ಅಕ್ರಮಕ್ಕೆ ಕಡಿವಾಣ ಹಾಕಲು ಪ್ರತಿ ರಾಜ್ಯದಲ್ಲೂ 24 ಗಂಟೆ ನಿಯಂತ್ರಣ ಕೊಠಡಿಗಳನ್ನು ಸ್ಥಾಪಿಸಲಾಗಿತ್ತು.

https://www.vijayavani.net/sri-lanka-slams-trudeau-govt-yet-again-for-engaging-in-vote-bank-politics