ಆದೇಶ ವಾಪಾಸ್​ ತಗೊಂಡ್ರೆ ಒಳಿತು! ಮೇಯರ್​ ನಿವಾಸದ ಮುಂದೆ ರಾಶಿ ರಾಶಿ ಕಸ ಸುರಿದ ಸ್ಥಳೀಯರು

ಆಂಧ್ರಪ್ರದೇಶ: ರಾಜ್ಯದ ಕಡಪ ಜಿಲ್ಲೆಯಲ್ಲಿ ಮೇಯರ್​ ಸುರೇಶ್​ ಬಾಬು ವಿರುದ್ಧ ಬೆಳ್ಳಂಬೆಳಗ್ಗೆ ಪ್ರತಿಭಟನೆ ನಡೆಸಿದ ಸ್ಥಳೀಯರು, ಅವರ ನಿವಾಸದ ಮುಂದೆ ರಾಶಿ ರಾಶಿ ಕಸ ಸುರಿದು ಘೋಷಣೆ ಕೂಗಿರುವ ಘಟನೆ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಕಸದ ತೆರಿಗೆ ಪಾವತಿಸಿದರೆ ಮಾತ್ರ ನಿಮ್ಮ ಮನೆಯ ಕಸವನ್ನು ಸಂಗ್ರಹಿಸಲಾಗುವುದು ಎಂದು ಮೇಯರ್​ ಹೇಳಿದ್ದಕ್ಕೆ ಗರಂ ಆದ ಸ್ಥಳೀಯ ನಿವಾಸಿಗಳು, ಅವರ ಮನೆ ಮುಂದೆ ತ್ಯಾಜ್ಯಗಳನ್ನು ತಂದು ಸುರಿದಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಇದನ್ನೂ ಓದಿ: ಎಲ್ಲ ಕಾಂಗ್ರೆಸ್​ ನಾಯಕರಿಂದ ಗರ್ವನರ್​ ವಿರುದ್ಧ ಹೋರಾಟಕ್ಕೆ ಡಿಕೆಶಿ ಕರೆ

ಮೇಯರ್ ಸುರೇಶ್ ಬಾಬು ಅವರ ಮನೆ ಮುಂದೆ ಕಸ ಸುರಿದು ಪ್ರತಿಭಟನೆ ನಡೆಸಿದ ಸ್ಥಳೀಯರು, ಕಸದ ತೆರಿಗೆ ಪಾವತಿಸಿದರೆ ಮಾತ್ರ ಕಸ ಸಂಗ್ರಹಿಸಲಾಗುವುದು ಎಂದು ಮೇಯರ್ ಒತ್ತಾಯಿಸಿದ ಹಿನ್ನೆಲೆಯಲ್ಲಿ ನಾವು ಪ್ರತಿಭಟನೆ ಹಮ್ಮಿಕೊಂಡಿದ್ದೇವೆ ಎಂದಿದ್ದಾರೆ. ಸ್ಥಳೀಯರ ಪ್ರತಿಭಟನೆ ತೀವ್ರವಾಗುತ್ತಿದ್ದಂತೆ ಮಧ್ಯಸ್ಥಿಕೆ ವಹಿಸಿದ ಶಾಸಕಿ ಮಾಧವಿ ರೆಡ್ಡಿ, ಕಸದ ತೆರಿಗೆ ಕಟ್ಟುವ ಅವಶ್ಯಕತೆ ಏನಿಲ್ಲ. ಇದನ್ನೆಲ್ಲಾ ಇಲ್ಲಿಗೆ ಕೈಬಿಡಿ ಎಂದು ಮನವಿ ಮಾಡಿದರು.

ಮೇಯರ್ ಮನೆಗೆ ಮುತ್ತಿಗೆ ಹಾಕಿದ ಸ್ಥಳೀಯರು, ತಮ್ಮ ಮನೆಯ ಕಸವನ್ನು ಸುರೇಶ್​ ಬಾಬು ನಿವಾಸದ ಮುಂಭಾಗದಲ್ಲಿ ಸುರಿದು ಪ್ರತಿಭಟನೆ ನಡೆಸಿದ್ದಾರೆ. ಪ್ರತಿಭಟನೆ ಬಗ್ಗೆ ಮಾಹಿತಿ ಪಡೆದ ಪೊಲೀಸರು ಕೂಡಲೇ ಸ್ಥಳಕ್ಕೆ ಧಾವಿಸಿ ಪರಿಸ್ಥಿತಿ ನಿಯಂತ್ರಣಕ್ಕೆ ತರುವಲ್ಲಿ ಯಶಸ್ವಿಯಾಗಿದ್ದಾರೆ,(ಏಜೆನ್ಸೀಸ್).

https://www.vijayavani.net/actress-sridevika-makes-a-strong-allegation