ಕೇವಲ 30 ಸೆಕೆಂಡ್​​ಗಳಲ್ಲಿ ಮತದಾನ ಮುಕ್ತಾಯ..!

ಸ್ಪೇನ್‌: ಕೇವಲ 30 ಸೆಕೆಂಡ್​ಗಳಲ್ಲಿ ಸ್ಥಳೀಯ ಚುನಾವಣೆ ಮುಕ್ತಾಯಗೊಂಡಿರುವ ಅಚ್ಚರಿಯ ಘಟನೆ ಸ್ಪೇನ್‌ನ ಲಾ ರಿಯೋಜಾ ಪ್ರಾಂತ್ಯದ ವಿಲ್​ರೊಯಾ ಎಂಬಲ್ಲಿ ನಡೆದಿದೆ.

ಇದನ್ನೂ ಓದಿ: ರಸ್ತೆ ಸಮಸ್ಯೆ | ಮಗುವಿನ ಮೃತದೇಹವನ್ನು 10 ಕಿಮೀ ದೂರದ ತನಕ ಹೊತ್ತೊಯ್ದ ಪೋಷಕರು!

ಗ್ರಾಮದ ನಿವಾಸಿಗಳು ಸ್ಥಳೀಯ ಚುನಾವಣೆಯಲ್ಲಿ 30 ಸೆಕೆಂಡುಗಳಿಗಿಂತ ಕಡಿಮೆ ಅವಧಿಯಲ್ಲಿ ಮತ ಚಲಾಯಿಸಿದ್ದು, ತಮ್ಮ ಹಿಂದಿನ 32 ಸೆಕೆಂಡುಗಳ ದಾಖಲೆಯನ್ನು ಮುರಿಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಗ್ರಾಮದಲ್ಲಿ ಕೇವಲ 7 ನೊಂದಾಯಿತ ಮತದಾರರಿದ್ದಾರೆ.

ಮೇಯರ್ ಸಾಲ್ವಡಾರ್ ಪೆರೆಜ್ ಈ ಕುರಿತು ಮಾತನಾಡಿ, ಗ್ರಾಮದ ನಿವಾಸಿಗಳು ಮತದಾನದ ಕುರಿತು ಸೂಕ್ತ ತರಬೇತಿ ಹಾಗೂ ಪ್ರಜ್ಞೆಯನ್ನು ಹೊಂದಿದ್ದು, ಮತದಾನ ಪ್ರಾರಂಭವಾದ ತಕ್ಷಣ ಗ್ರಾಮಸ್ಥರು ಮತ ಚಲಾಯಿಸಲು ಕೇವಲ 29.53 ಸೆಕೆಂಡ್​ ತೆಗೆದುಕೊಂಡರು ಎಂದಿದ್ದಾರೆ.

ಕೇವಲ ಮೂರು ನೊಂದಾಯಿತ ಮತದಾರರನ್ನು ಹೊಂದಿರುವ ಕ್ಯಾಸ್ಟಿಲ್ಲಾ-ಲಾ ಮಂಚಾದಲ್ಲಿನ ಇಲ್ಲನ್ ಡಿ ವಕಾಸ್ ಎಂಬ ಮತ್ತೊಂದು ಸ್ಪ್ಯಾನಿಷ್ ಹಳ್ಳಿಯೊಂದಿಗಿನ ಸ್ಪರ್ಧೆಯೇ,  ವಿಲ್​ರೊಯಾದಲ್ಲಿ ಬೇಗ ಮತದಾನ ಮುಕ್ತಾಯಗೊಳ್ಳಲು ಕಾರಣವಾಯಿತು ಎಂದು​ ಹೇಳಿದ್ದಾರೆ.(ಏಜೆನ್ಸೀಸ್​)

https://www.vijayavani.net/pregnant-woman-being-forced-to-convert-dies

https://www.vijayavani.net/by-vijayendra-said-that-if-the-guarantee-scheme-is-not-implemented-soon-there-will-be-anarchy