ನಮ್ಮಲ್ಲಿ ಆಗಾಗ ಕಾಲ್ತುಳಿತದಿಂದ, ನೂಕುನುಗ್ಗಲಿನಿಂದ ಹಲವಾರು ಸಾವು ನೋವುಗಳ ದುರಂತಗಳು ವರದಿಯಾಗುತ್ತಲೇ ಇರುತ್ತವೆ. ತಿರುಪತಿ, ಪ್ರಯಾಗರಾಜ್, ದೆಹಲಿ ರೈಲು ನಿಲ್ದಾಣ ಇವೆಲ್ಲ ಇತ್ತೀಚಿನ ಉದಾಹರಣೆಗಳು. ಈ ದೌರ್ಭಾಗ್ಯಕರ ಘಟನೆಗಳಿಗೆ ಮುಖ್ಯ ಕಾರಣವೆಂದರೆ ನಮ್ಮಲ್ಲಿ ಸರದಿ ಪದ್ಧತಿಯನ್ನು ಪಾಲಿಸದೆ, ನಾ ಮುಂದು, ತಾ ಮುಂದು ಎಂದು ಒಮ್ಮೆಲೇ ನುಗ್ಗುವ ದುರಭ್ಯಾಸ. ವಾಹನ ಚಲಾಯಿಸುವವರಿಗೂ ಹಾಗೆಯೇ, ಇನ್ನೊಂದು ವಾಹನವನ್ನು ಹಿಂದಿಕ್ಕುವ ಅವಸರ. ಎಲ್ಲಿಯವರೆಗೆ ತಾಳ್ಮೆಯೆನ್ನುವುದು ನಮಗೆ ಮುಖ್ಯವೆಂದು ಕಾಣಿಸುವುದಿಲ್ಲವೋ ಅಲ್ಲಿಯವರೆಗೆ ತಪ್ಪಿಸಬಹುದಾದ ಇಂತಹ ಶೋಚನೀಯ ಪರಿಸ್ಥಿತಿಗಳಿಗೆ ನಾವು ದಾಸರಾಗಿಯೇ ಇರಬೇಕಾಗುವುದು.
